Vraag
Waar was Josef toe Jesus n volwassene was?
Antwoord
Die laaste keer wat Josef in die Bybel genoem word, is toe Jesus twaalf jaar oud was. Met die terugkeer van ‘n reis na Jerusalem, het Jesus van Sy ouers af weggeraak, wat Hom uiteindelik weer in die tempel gevind het, waar Hy met die geleerdes gepraat het. Ironies genoeg, dit was op daardie tydstip – wat Jesus bekend gemaak het dat Hy besig was met Sy Vader se dinge – dit alles dui op sy aardse vader se beëindiging (Luk 2:41-50).
Omdat Josef nie weer genoem word nie, vermoed die meeste studente dat hy gesterf het voordat Jesus met Sy publieke bediening begin het. Teen die tyd dat ons by die bruilof in Kana kom (Joh 2), is Josef opvallend afwesig. Ons sien dat Maria daar is, maar niks word oor Josef gemeld nie. Miskien ‘n deel van die rede dat Jesus tuis gebly het totdat Hy 30 was, was dat Hy verantwoordelik was om Sy familie te versorg.
Die teorie dat Josef gesterf het teen die tyd dat Jesus ‘n volwssene was, gee verder geloofwaardigheid aan die feit dat Jesus, toe Hy aan die kruis gehang het, reëlings getref het vir Sy moeder se versorging deur die apostel Johannes (Joh 19:26-27). Josef moes reeds dood gewees het teen die tyd van die kruisiging, of Jesus sou nooit vir Maria aan Johannes toegesê het nie. Sou Josef steeds gelewe het, sou Jesus nie gesê het, “Nou Moeder, gee Ek u aan Johannes oor.” Josef sou dadelik gereageer het, “Wag ‘n oomblik; is dit my verantwoordelikheid om na haar om te sien?” Slegs ‘n weduwee kon na regte in die sorg van iemand buite die onmiddellike familie geplaas word.
Sommige het die gedagte dat Josef miskien gesterf het nadat Jesus Sy publieke bediening begin het. Dit is onwaarskynlik, omdat , sou Josef gedurende die driejarige bediening van Christus gesterf het, sou dit ‘n groot gebeurtenis gewees het; Jesus sou ongetwyfeld saam met Sy dissipls na die begrafnis gegaan het en ten minste een van die Evangelieskrywers sou dit opgeteken het. Alhoewel ons nie vir seker weet nie, is die mees waarskynlike dat Josef gesterf het, voordat Jesus met Sy aardse bediening begin het.
English
Waar was Josef toe Jesus n volwassene was?
