Hapot
Ano an hiling kan mga Kristyano manongod sa paghogot? Ano an sinasabi kan Biblia manongod sa paghogot?
Simbag
Limang (5) tawo an sinambit kan Biblia na naghogot: Abimelech (Mga Hokom 9:54), Saul (1 Samuel 31:4), Ahithopel (2 Samuel 17:23), Zimri (1 Mga Hade 16:18), asin si Hudas (Mateo 27:5). Sinda mga mararaot asin parakasalang tawo. Ang iba ikinokonsidera si Samson na naghogot (Mga Hokom 16:26-31), alagad an katoyohan ni Samson iyo an gadanon an mga Filisteos, bakong an saiyang sadiri. An paghogot pareho kan pag gadan – pag gadan sa sadiri. Dios sana an pwedeng magdesisyon kun nuarin asin kun pano magagdan an sarong tawo.
Sosog sa Biblia, an paghogot bako an madeterminar kun an tawo makakalaog sa langit. Kun an bakong ligtas na tawo maghogot, garo niya man lang pinadali an saiyang pagduman sa impyerno. An tawong naghogot mapapaimpyerno huli sa pagsikwal niya kan kaligtasan sa paagi ni Kristo, bakong huli ta siya naghogot. Ano an sinasabi kan Biblia manongod sa sarong Kristyano na naghogot? An Biblia nagtutukdo na pag an sarong tawo totoong nagtubod ki Kristo, siya garantisado nin buhay na dae nin kasagkodan (Juan 3:16). Sosog sa Biblia, maaaraman kan Kristyano na mayong pagduwaduwa na siya igwa nin buhay na dai nin kasagkodan (1 Juan 5:13). Mayong ano man na bagay an makakasuhay kan sarong Kristyano sa pagkamoot kan Dios (Roma 8:38-39). Kun mayong anoman na bagay an pwedeng makapagsuhay kan Kristyano sa pagkamoot ni Dios, pati na an paghogot dai makakasuhay kan Kristyano sa pagkamoot nin Dios. Si Hesus nagadan sa pagbayad kan gabos tang kasalan, kun an sarong totoong Kristyano, sa panahon nin pagatake espiritwal asin kaluyahan, naghogot, kasalan iyan alagad an kasalan na iyan kaibahan nang binayadan asin hinugasan kan dugo ni Kristo.
An paghogot sarong dakulang kasalan tumang sa Dios. An Biblia nagsasabi na an paghogot pareho kan pag gadan; ini sala. Dapat tang pagdudahan an pagtubod kan sarong tawo na nagsasabing siya Kristyano alagad siya naghogot. Mayong sirkumstansya an pwedeng gamiton na rason tanganing an sarong Kristyano maghogot. An Kristyano inapod na mabuhay para ki Kristo asin an desisyon kun nuarin siya magagadan nakadepende sa Dios asin sa Dios sana. An 1 Corinto 3:15 sarong magayon na bersikulo manongod sa kun ano an mangyayari sa sarong Kristyano na naghogot: “Kun an gibo nin siisay man matotong, siya mawawaran: alagad siya man sana maliligtas, alagad siring baga sa hale sa kalayo.”
English
Ano an hiling kan mga Kristyano manongod sa paghogot? Ano an sinasabi kan Biblia manongod sa paghogot?
