Kapas ais
Ia ewe alen manau ese mwuch?
Peluwan
En mi achik? Esapw ewe achikan mongo, nge mi wor met ka achikan lon manauwom? Mi wor mettoch mi alolol lon manawom usun nge ese tongeni wor omw menemeneoch ren? Ika pwe ewer, Sises I ewe al! Sises a apasa, “Ngang ewe pilauan manau. Io a feito mongo seni ei esapw chiwen tongeni achik, me io a luku lon Ngang, esapw chiwen kaka” (John 6:35).
En mi osukosuk? Usun ita nge kose tongeni kuna eu al ika met weweeochun ika auchean omw manau? Met mi usun ita nge emon e kunuelo ewe tengki nge kose tongeni kuna ian kopwe atina me ia? Ika pwe ewer, Sises I ewe al ngeni manau! Sises a apasa, “Ngang ewe saramen fenufan. Ion a tapweto mwiri esapw chiwen fetal lon rochopwak, nge epwele wor ren saramen manau” (John 8:12).
En mi mefi ita usun nge mi lok senuk manau? En mi resin sotoni chommong asam, nge lupwen omw sukir iwe ka kuna pwe meinisin pon me ese wor wewen? En mi kukuta al ngeni eu manau mi wor weweoch lon? Ika pwe ewer, Sises I ewe al ngeni manau! Sises a pwarata, “Ngang ewe titin manau, ion a tolong lon ngang epwe manau. Epwe tolong me tou, me kuna fetil murine” (John 10:9).
Mi wor aramas ra soun lilkitukelo? Ifa usun lefilom ngeni chienom mi chechak me pon? Mi usun nge lapengeni ra chek mochen arap ngonuk lupwen ar niit en? Ika pwe ewer, Sises I ewe al! Sises a apasa, “Ngang ewe chon masen siip mi murine. Ewe chon masen siip mi murine a fangelo manauen faniten neun kewe siip. Ngang ewe chon masen siip mi murine; Ngang uwa silei neii kewe siip me neii kewe siip ra silei ngang” (John 10:11, 14).
En mi kan akieki ika met epwe fis mwirin ei manau? Ifa usun kose chipwang ren manauom omw ani ekkewe mettoch epwe parengilo me ngawelo? Ifa usun en mi kan tipemwaremmwar fan ekkoch ika pwe mi wor wewen manau? En mi mochen kopwe manau me mwirin omw mallo? Ika pwe ewer, Sises I ewe al ngeni manau! Sises a pwarata, “Ngang ewe manau sefal me manau. Ion a luku ei epwe manau, inamwo ika pwea mallo; nge io a manau me lukuei esapw tongeni mallo” (John 11:25–26).
Met ewe al? Met ewe enlet? Met ewe manau? Sises a peluweni, Ngang ewe al, enlet me ewe manau. Ese wor emon epwe tori Semei are esapw lon ngang” (John 14:6).
Ewe achik ka mefi eu achiken lon ngun, me a chek tongeni masow ren Sises. Sises I chek a tongeni awesalo rochopwak. Sises I ewe asam ngeni eu manau ese mwuch mi menemeneoch. Sises I ewe chiechiom me chon masen siip ewe ka kukuta. Sises I ewe manau – lon ei fenufan me enan epwe feito. Sises I ewe al ngeni manau!
Popun omw mefi achik, me popun omw mefi peutilo lon rochopwak, ewe popun kose tongeni kuna wewen manau, pwokiten en mi imwulo seni Kot. Ewe Paipel a aiti ngeni kich pwe kich meinisin sia chon tipis me sia touau seni Kot. (An Solomon Afalafal 7:20; Rom 3:23). Ewe memefin pon ke mefi lon letipom pwokiten Kot ese nom lon manauwom. Ka foritiw pwe epwe wor lefilom ngeni Kot. Pwokiten omw tipis, ka imwuseni lefilom ngeni Kot. Lapelon, omw tipis a wei ngonuk omw kopwe su seni Kot lon fansoun langatam lon omw manau me enan fansoun epwe feito. (Rom 6:23; John 3:36).
ifa usun an ei osukosuk epwe tawe? Sises I ewe al ngeni manau! Sises a wisen pusin mwarei omw tipis (2 Korinit 5:21). Sises a ani omw mallo, (Rom 5:8), a ani omw nini. Mwirin ulungat ran, Sises a manau sefal seni mallo, pwarataa an akufu tipis me mallo (Rom 6:4–5). Pwata e fori? Sises a pwusiin peluweni ena kapas ais: “Ese wor an emon tong epwe lap seni ei tong, pwe epwe fangelo manauan faniten chienan” (John 15:13). Sises a mallo pwe kopwe manau. Ika pwe ka walong omw apilukuluk lon Sises, luku lon an we mallo faniten omw tipis, meinisin omw tipis a mwuselo me tetelilo. Iwe omw ewe achik lon pekin ngun epwe wesilo. Ewe tengki repwe saramelo. Kopwe menemeneoch lon manawom. Kopwe silei ion wesen chienom mi murine me chon masen siip murine. Kopwe silei pwe kopwe manau mwirin omw mallo – manau sefal lon lang feilfeilo ren Sises!
“Pwe a chek iei usun an Kot tongeni fenufan mi chapur, pwe a fangelo neun we Alaemon pwe iteiten aramas meinisin mi luku I esapw peutmwalilo nge epwe ani ewe manau ese mwuch” (John 3:16).
Ka fori omw filata faniten Kraist pwokiten met ke aleani me ikei? Ika pwe ewer, kose mochen tikki awenewenen ewe mak “Uwa atiwa Kraist ikenai”.
English
Ia ewe alen manau ese mwuch?