Kapas ais
Io Sises Kraist?
Peluwan
Ese wewe ngeni ewe kapas ais “Mi wor Kot?” ewe kapas ais faniten ika pwe Sises Kraist mi wor ese kon nien chommong aramas re ais. Lapengeni re atiwa pwe Sises emon aramas e nom lon Israel lon ekkewe 2.000 ier a lo. Ei kapas ais ika anini a poputa ren ar kapas ais ika iowei Sises. Lapengeni meinisin Ekkewe mwichefel ra afalafala pwe Sises emon soufos ika sense mi murine ika fen emon aramsa mi pin. Nge ewe Paipel aiti ngeni kich pwe Sises a lap seni emon soufos, sense murine me aramas mi pin.
C. S. Lewis lon makeian we pwuk Mere Christianity iei met e makei: “Uwa achocho ngeni ai upwe appeti an aramas resapw apasa ekkei poraus mi tiparoch usun I [Sises Krast]: ‘Imi mwonleta ai ipwe atiwa pwe Sises emon sense mi murine lon an asukul, nge ise tongeni atiwa lupwen a apasa pwe I Kot.” Iei eu poraus sisapw tongeni apasa. Emon esapw I futuk ika aramas me a apasa ekkewe sokkun kapas Sises a apasa esapw I emon Sense mi murine. Epwe emon mi umwes – me epwe wewe ngeni emon aramas epwe ura pwe I emon sokkun – ika fen mi wewe ngeni ewe Tefil in el. Kopwe fili omw filata. Ika pwe I emon aramas, ika fen I ewe Neun Kot, nge esapw I emon aramas mi umwes. Ka tongeni ureni epwe fanelo me kapas pwokiten an tiparoch, ka tongeni atufeiti me niello usun emon anungaw; ika ka tongeni chapetiw orun pechen o kori ngeni pwe omw Samol me Kot. Nge sisapw forieta ach kapas chofona faniten le ura pwe I emon sense aramas murine. Ese mwo likiti ngeni kich ach sipwe kori ngeni pwe I emon chek aramas ika sense. Esapw ina met mochenin ” (Macmillan, 1952, p. 55–56).
Nge, io chek Sises a apasa pwe I? Ion ewe Paipel a apasa pwe I? Aewin, I Kot lon feufeun aramas. Sises a apasa lon John 10:30, “Ngang me Semei, am chek emon.” Lon ach chek ekis nengeni ei ngingiin nge usun ita esapw ititin an apasa pwe i Kot. Nge, lupwen sipwe nengeni usun an ekkewe re Sus peluweni ngeni an Sises a apasa ei ititin. Ra sotoni ar repwe monei ngeni fau “pwokiten an apasa pwe I Kot, pwokiten I emon chek aramas, a apasa pwe I Kot” (John 10:33). Ekewe re Sus ra weweiti alon Sises ewe usun an apasa nge I Kot. Lon ekkewe wokisin, Sises ese apwungu ekkewe re Sus ika fen fori an epwe affata fichi wewen alon ewe. Ese pwal amam le apasa pwe “use mwo apasa pwe ngang Kot.” Lupwen Sises a apasa “Ngang me Semei am chek eu” (John 10:30), A enletin apasa nge I mi wewe ngeni Kot.
Lon John 8:58 Sises a apasa nge I a fen nom me lomw, eu ekkewe likilikin Kot: “Uwa ureni kemi poraus mi enlet,” Sises a peluweni, me mwen an Eperiam esamwo uputiw, Uwa fen nom!” Lon ar pelu ngeni an ei poraus, ekkewe re Sus ra angei fau o monei ngeni Sises (John 8:59). Lon an a apasa pwe I a fen nom me lomw, Sises a pusin aita pwe I Kot – NGANG (Nengeni Exodus 3:14). Ekkewe re Sus rese atiwa alon Sises lupwen an apasa pwe I Kot lon lapalapen aramas, nge ir remi weweiti wewen an kewe kapas.
Ekkoch pwal asisil seni Paipel pwe Sises I Kot lon lapalapen aramas ra nom lon John 1:1, apasa, “Ewe Kapas mi Kot”, apwipwi ngeni John 1:14, a apasa, “Ewe Kapas a wiliti futuk.” Tomas ewe chon kaeo a ureni Sises, “Ai Samol me Ai Kot” (John 20:28), Sises ese apwungu. Ewe aposel Paul a alapalapala usun Sises “ach ewe Kot mi tekia me chon amanau, Sises Kraist” (Titus 2:13). Ewe Aposel Piter a pwal apasa usun, a kori ngeni Sises “ach Kot me chon Amanau” (2 Piter 1:1).
Kot ewe sam I chon silei usun ion Sises: “Nge usun ewe Nau a apasa, “Won ewe lenien mwotun King, O Kot, epwe nonom feilfeilo feilfeilo chek, me ekkewe mi pwung repwe wisen chooni mwum we” (Ipur 1:8; cf. Kolfel 45:6). Ekkewe oesini lon ewe Tesin Lomw ren pwuken Aisea 9:6 a oesni usun ewe lapalapen Kraist: “Emon semirit a uputiw ngeni kich, a ngeni kich emon nau, me ekkewe mwu repwe nom won aufaran. Iwe repwe aitia ngeni emon Chon Aureur mi Murine, Kot mi Pochokul, Saman Feilfeilo, Koten Kinamwe” (aporaus fichi).
Pwata ei kapas ais usun ion Sises e auchea? Pwata e mater ika Sises I Kot? Ren chommong popun:
• Usun C. S. Lewis a uauu, ika pwe Sises esapw I Kot, iwe Sises emon mi chofona me esapw wor ach sipwe tongeni luku lon met a fori me apasa.
• Ika pwe Sises esapw I Kot, iwe ekkewe apostel ir ra pwal chofona.
• Sises epwe fokkun chek I Kot pwokiten ewe Mesaia a nom lon pwon pwe I epwe ewe “Mi Pin”” (Kolfel 16:5, NASB). Pwokiten ese wor mwo emon won fenufan a pwung mwen mesen Kot God (Kolfel 53:1; 143:2), pusin Kot a tolong lon fenufan lon lapalapen aramas.
• Ika pwe Sises esapw I Kot, An we mallo, esapw naf an epwe meoni liwinin tipisin unusen fenufan (1 John 2:2). Kot chek I a tongeni awora eu asor mi meomong ese mwuch (Rom 5:8; 2 Korinit 5:21).
• Kot I chek ewe chon amanau (Osea 13:4; cf. 1 Timothy 2:3). Ika pwe Sises I chon amanau, iwe I Kot.
Sises I Kot pwal aramas. Lon an emon Kot, Sises a tufichin awesi songen Kot. Lon an emon aramas, Sises a tongeni an epwe mallo. Lon an lapalapen Kot-aramas, Sises I ewe chon affor mi murine lefilen lang me fenufan (1 Timothy 2:5). Manau a chek wor lon ach lukuluk lon Sises Kraist. Usun A affata, “Ngang ewe al enlet me manau. Esor emona tongeni feilo ren ewe Sam are esapw pwokiten ngang” (John 14:6).
English
Io Sises Kraist?