Kapas ais
Met wewen lupwen omw ka atiwa Sies pwe epwe omw chon Amanau?
Peluwan
Ka mwo atiwa Sises Kraist pwe epwe omw chon Amanau? Omw kopwe wewefichiti wewen ei kapas ais, kopwe akomw weweiti ekkei kapas “Sises Kraist”, “omw chon”, “Amanau”.
Io Sises Kraist? Chommong aramas repwe tipeeu ngeni pwe Sises Kraist emon aramas murine, emon sense murine, ika fen emon soufos seni Kot. Meinisin ekkei mi pwung faniten Sises, nge rese kon nien aweweni fichi ika wesewesen I ion. Ewe Paipel a ureni kich pwe Sises I Kot lon futuk, Kot lon lapalapen aramas (nengeni John 1:1). Kot a feito fenufan epwe asukula kich, achikara kich, apwungu kich, amusa kich – me mallo fanitach. Sises Kraist I Kot, Ewe chon Fori Mettoch, Samolun Samol. Ka mwo atiwa ei Sises?
Met Amanau, me pwata sia niit emon Amanau? Ewe Paipel a ureni kich pwe kich meinisin sia tipis; sia fori fofor mi ngaw Rom 3:10-18). Pwokiten ach tipis, sia fich ngeni angei kapwungun an Kot song me kapwung. Eu chek kapwung a fich ngeni ekkewe ra tipis ngeni emon Kot a nom feilfeilo me ese wor le mwuchun iiei ewe kapwungun fochofoch (Rom 6:23; Revelation 20:11-15). Iei popun sia niit emon chon Amanau!
Sises Kraist a feito ngeni fenufan me mallo lon leniach. An Sises we mallo eu amusomusen ach tipis ese lea (2 Korinit 5:21). Sises a mallo pwun epwe meoni liwinin ach tipis (Rom 5:8). Sises a meoni ach tipis pwe sisapw wisen meoni. Sises a manau sefal seni manau a pwari pwe An we mallo a naf an epwe meonni liwinin ach tipis. Iei popun Sises ieii chek ewe chon Amanau (John 14:6; Acts 4:12)! Ka luku lon Sises pwe epwe omw chon Amanau?
Sises a omw chon Amanau? Chommong aramas re ekieki pwe Souleng eu manawen ika angangen feilo fiti fal, pwomweni ika fori ekkoch sokkun angang, me/ika ese wor manawen fori ekkoch sokkun tipis. Esapw ina met Souleng. Enletin Souleng eu lefil ngeni Sises Kraist. Atiwa Sises pwe epwe omw chon Amanau wewen pwe ka walong omw lukuluk me luku lon I. Ese wor emon a ngaselo pwokiten an ekkoch lukuluk. Ese wor emon a kuna amusomusen an tipis pwokiten an fori ekkoch sokkun fofor. Ewe chek alen ngaselo iei omw kopwe atiwa Szises pwe epwe omw chon Amanau, luku lon An we mallo pwe meon amusomusen omw tipis, me an ewe manau sefal pwe iei omw ewe al ngeni manau ese mwuch (John 3:16) Sises a omw chon Amanau?
Ika pwe ka mochen atiwa Sises Kraist pwe epwe omw chon Amanau, apasa ekkei kapas ngeni Kot. Chechemeni, omw apasa ei iotek ika ekkoch pwal sokkun iotek esapw amanawok. Ren chek omw luku lon Sises Kraist me unuseochun an we angang won ewe irapenges a tongeni angasok seni tipis. Ei iotek eu chek alen omw kopwe pwarata ngeni Kot omw lukuluk lon I me killisou ngeni ren an liffang ngonuk amanauwen ngunum. “Kot, uwa sileipwe ngang emon chon tipis ngonuk me a fich ngeni ai upwe kuna kapwung. Nge uwa luku pwe Sises Kraist a wisen ani ai kapwung pwe ren ai lukuluk lon I upwe tongeni kuna amusomusen ai tipis. Uwa angei omw liffangen amusomus me walong ai lukuluk lon En ren amanawen nguni. Uwa atiwa Sises pwe ai chon Amanau! Killisou ren amwararen omw umeumeoch me amusomus-ewe liffangen manau ese mwuch! Amen!"
Ka fori omw filata faniten Kraist pwokiten met ke aleani me ikei? Ika pwe ewer, kose mochen tikki awenewenen ewe mak “Uwa atiwa Kraist ikenai”.
English
Met wewen lupwen omw ka atiwa Sies pwe epwe omw chon Amanau?