E dua tiko li na Kalou?

E kaya na vosa ni Kalou ena (Iperiu 11: 6) Kevaka sa sega na vakabauta, sa dredre me da na vinakati: o koya sa torova na Kalou e dodonu me vakabauta ni sa bula ko koya, ni sa saumi ira talega era sa dau vakasaqarai koya. E rawa vua na Kalou me rairai vakatamata ena vuravura oqo ka me rawa ni vakadinadinataka ni bula tiko. Ena tawa yaga na nona vakabauta kevaka ena rairai e vuravura. Ena (Joni 20:29) sa kaya vua ko Jisu, Ni ko sa raici au Tomasi, ko sa vakadinata sa kalougata ko ira sa sega ni raica, ka ra sa vakadinata.

E sega ni kenai balebale ni sega ni tiko nai vakadinadina ni bula tiko na Kalou. E kaya nai volatabu ena (Same 19: 1-4) Sa tukuna na lagilagi ni Kalou ko lomalagi; ka sa vakatakila na cakacaka ni ligana na maliwa levu. Sa dau tukuna na vosa na veisiga sa veitarataravi, ka sa vakaraitaka na vuku na veibogi sa veitarataravi. (Dauvunau 3: 11) Sa sega nai tukutuku, sa sega na vosa, Sa sega ni rogo na domodra. Sa lako yani ga ki vuravura taucoko na nodra I vakarau, Kei na nodra vosa ki nai yalayala kei vuravura. Sa viritoka ko koya me tu kina na kena vale na matanisiga. (Psalm 19:1-4) Sa cava na ka kece me rairai vinaka ena kena gauna: Ia sa vakatikora ki lomadra na gauna e sega ni mudu, sa sega kina na tamata sa kunea rawa na cakacaka sa cakava na Kalou mai na kenai vakatekivu ka (Oto oone) yacova na kena I otioti.

Era levu na vakadidike ena volatabu ena gauna oqo era sa vakadinadinataka ni bula dina tiko na Kalou. Nai vakadinadina ni bula tiko na Kalou e vakaraitaki e vuravura taucoko na cakacaka mana ni Ligana, ka vakaraitaka talega ni bula ga vakataki koya na Kalou. Nai karua ni vakadinadina e vakaraitaka na cakacaka ni veibuli talei ni liga ni Kalou ena noda vuravura, ka 1 ot 10243 vakatakilakilataka tiko ni bula dina tiko e dua na Kalou.

Era vakadinadinataka talega na tamata vuku ena vuravura oqo, ni veika bula e vu ga mai na veibuli ni Kalou bula. Na i ka tolu ni vakadinadina ni bula dina tiko na Kalou ni o koya duadua ga e vakavuna na veika kece ga e vuravura oqo. Koya qo sa sega kina na nodra ulubale.

Na i ka va ni vakadinadina o ya e vuqa na i tovo kei na lawa e so ka sa vakayagataki tiko mai na gauna makawa ka yacova tu mai na gauna oqo e sa mai veisau taka na vakasama ni tamata. Sa tekivu me ra kila na ka dodonu kei na ka e sega ni dodonu ka rawa ga ni vakavurea na vakasama o ya ni basika na Kalou kina noda bula.

E da sega ni rogoca ni vosa vaka tamata vei keda ia eda vakila na nona I serau, na nona loloma kei na nona veiliutaki ka da gadreva tale ga na nona vei karoni.

E kaya na vosa ni Kalou e na (Roma 1:25), ia e ra sa vakaisosomitaka na vaka vuvuli dina ni Kalou, e na ka e lasu wale, a ra sa soro kina ka qarava na ka sa buli ka segai ko koya sa bulia, o koya sa nona na vakarokoro ka tawamudu. Na (Roma 1:20), kaya nona vosa ni sa kune na veika ni Kalou e vuni tu, io, na nona kaukauwa tawamudu kei na nona tu Vakalou, ni sa kilai oti e na veika sa buli, mai na gauna sa buli kina ko vuravura; koya qo sa sega kina na nodra ulubale.

E so vei keda na tamata eda sega ni vakadinata ni bula tiko na Kalou baleta ni sega na kena i vkadinadina. E kaya na i volatabu e na (Roma 3:23) ni sa I valavala ca kece ga na tamata, ka ra sega ni yacova na ka e vaka rokoroko taki kina na Kalou kei na Roma (Roma 6:23), ni sa kena I sau ni valavala ca na mate; ia sa I solisoli wale ga ni Kalou na bula tawa mudu e na vuku I Jisu Karisito na noda turaga. E da na kila rawa vakacava ni bula tiko na Kalou? E matata tu vei keda na lotu va Karisito ni bula tiko na Kalou baleta ni da Vosa tiko vua e na veisiga.

E levu na veika ni veivakurabuitaki e yaco I na noda bula, e dredre me da vakamacala taka rawa ka rawa ga ni sauma vei keda na Kalou. Sa vakabulai keda mai na Kalou mai na noda I valavala ka vakavouia tale ga na noda bula ka da na vakavinavinaka tiko ga ka tusanaka tiko ni sa Kalou ga ko Jiova. E kaya na nona vosa ena Iperiu 11:6, ia kevaka sa sega na vakabauta, sa dredre sara me da vinakati: o koya sa torova na Kalou e dodonu me vakabauta ni sa bula ko koya, ni sa saumi ira talega era sa dauvakasaqarai koya. Na vakabauti Jiova e sega ni cavu I kalawa kina butobuto ia e cavu I kalawa kina rarama ni ra sa tu kina na vakabauti koya.

English

---

Lesu tale kina Home Page

E dua tiko li na Kalou?