Au sa biuta na noqu vakabauta vua na gone turaga, Jisu Karisito…..na cava tale sa vo vei au?

Au sa biuta na noqu vakabauta vua na gone turaga, Jisu Karisito…..na cava tale sa vo vei au?

Rekitaka! O sa mai cakava e dua na I digidigi ni nomu bula. O na vakataroga tu li, na cava tale beka sa vo vei au? Meu tekivuna vakacava na noqu sala kina bula vata kei na Turaga? E lima nai tuvatuva e koto e ra, e na solia vei iko na sala mo na muria mai nai Vola Tabu. Ke tu e so na taro me baleta na nomu sala kina bula, kerea mo na qai rai ena: www.GotQuestions.org/Fijian.

1. Raica mo na kila na bula tawa mudu.

Matai ni Joni 5:13, e kaya na nona vosa vei keda, “A veika oqo kaú sa vola vei kemudou mo dou kila kina ni dou sa rawata na bula tawa mudu, io, vei kemudou sa vakabauta na yaca ni Luve ni Kalou”. Na Kalou e vinakata vei keda me da kila na bula tawa mudu. Na Kalou e vinakata me tiko vei keda na yalo dei ni sa kila ni da sa vakabulai vakayalo. Me da raica sara yani e so nai naki ni bula tawa mudu e koto e ra:

a. Ni sai valavala ca ko ira kecega na tamata, ka ra sega ni yacova na ka e vakarokoroko takina na Kalou. (Roma 3:23)

b. Ni sa kenai sau ni valavala ca na mate: ia sai solisoli walega ni Kalou na bula tawa mudu, e na vuku i Jisu Karisito na noda Turaga. (Roma 6:23)

c. Ia na Kalou sa vakatakila na nona loloma vei keda, ni sa mate na Karisito me nodai sosomi ni da sa tamata ca. (Roma 5:8) O koya sa ssega bua na cala sa qisia ko koya mei soro ni nodai valavala ca; me vakayacori kina vei keda na veivakadonui ni Kalou e na vukuna.

d. Na Kalou ga e solia na veivosoti kei na bula tawa mudu ki vei ira ga e ra vakabauta na Kalou (Joni 3:16, Roma 5:1, Roma 8:1)

Oya nai tukutuku ni bula tawa mudu! Kevaka o sa biuta na nomu vakabauta ki vua na gone turaga o Jisu Karisito me nomui vakabula, sa nomu na veivakabulai! Na veivosoti e sega ni soli walega baleta ni dodonu ga vei keda na tamata meda vosoti ena noda caka cala (Roma 8:38-39; Matthew 28:20).. Na veivosoti e vakayacori ena yalo loloma (Joni 10:28-29), yalo e vakarokoroko kei na yalo e vinaka.

2. Vakasaqara na vanua mo qaravi Kalou kina ka vakatavuvulitaki kina nai Vola Tabu.

Kakua ni nanuma me vale walega na vale ni lotu. Na lotu sai keda na tamata. Sa ka bibi dina kina vei keda na tamata vakabauta me dau gumatuataka na vakasoqoni vata. Oqori e dua nai naki levu ni lotu. Sa dodonu kina vei iko ni ko ciqoma ka vakabauta na gone turaga ko Jisu Karisito. Sa kilikili vei iko mo luvena e dua na vale ni lotu ka liutaki e nai vakavuvuli mai mai vola tabu. Mo vakaraitaka vakadodonu vua nai talatala na nomu sa ciqoma na Turaga ko Jisu Karisito ena vakabauta me nomui vakabula.

Nai karua ni naki bibi ni lotu sai koya na kena vakatavuvulitaki vakai dina nai vola tabu. E rawa ni ko vulica mo vakayagataka vakacava kina nomu bula nai vakaro ni Kalou levu. E na rawa mo na yaco mo na dua na tamata qaqa ni Kalou ni ko sa biuta vinaka e nai vola tabu ena 2 Timoci 3:16-17. sa ceguva ka vakalougatataka oti na nona vosa na Kalou ka rawa kina vei ira na nona I talatala me ra vakaiyaragitaki kina.

Nai ka tolu ni naki ni lotu sai koya na vakacacabo. Vakacacabo ena vakavinavinaka vua na Kalou ena vuku ni veika lelevu sa vakayacora tiko vei keda. Sa vakabulai keda, e lomani keda. E vakarautaka vei keda. E karoni keda ka liutaki keda talega. E rawa vakacava me da guilecava me da vakavinavinaka vua? Na Kalou e savasava, yalo dodonu, dau loloma ka Sinai e na yalo e uasivi sara. (Vakatakila 4:11)

3. Vakarautaka e dua na gauna ena nomu bula mo vakanamata kina vua na Kalou.

E ka bibi duadua vei keda na tamata me da dau vakanamata vua na Kalou e na veisiga. So era vakatoka me da vakacacabo vua baleta ni sa vakabulai mai vua. So era vakacacabo ena mataka lailai ka so era vakacacabo e na bogi. E sega soti ni bibi na gauna, ia e bibi ga ni ko veitaratara wasoma kei na Kalou.

(a) Na Masu: Na masu sai koya na nomu veitalanoa kei na Kalou. Tukuna vua na nomu gagadre kei na nomu leqa kecega. Kerea vua na yalo matua kei na veiliutaki. Tukuna vua me sotava na nomu leqa. Tukuna vua na nomu lomani koya kei na nomu vakavinavinaka na ka lelevu sa vakayacora vei iko.

(b) Wili Vola Tabu: Nai kuri ni vakatavuvuli e nai vola tabu e vale ni lotu, wili vola ni Siga Tabu kei na vuli Vola Tabu. E dodonu mo dau wili vola tabu. E tiko e nai vola tabu nai vakavuvuli kece e dodonu mo kila me rawa kina ni ko bulataka na bula ni vakarokorokotaka na Kalou. E volai kina na sala ni nona veiliutaki na Kalou me rawata kina mo kila na loma ni Kalou kei na nomu tubu vakayalo. Nai vola tabu e sala ni nona vosa vei keda na Kalou

4. Bula na sala ni veikilai kei ira era rawa ni vukei iko vakayalo.

E volai e nai vola tabu nai vakaro me baleta na ka ca e rawa ni yaco vei keda kevaka eda lewena e dua nai lawalawa ka sega ni vakarokorokotaki kina na Kalou. Na veitokani kei ira era sa dau i valavala ca ena vakavuna na noda temaki rawarawa kina. Sa bibi kina vei keda me da veitokani vata ga kei ira era sa lomani Jiova ka dinati koya vakaidina. (1 Koronica 15:33)

Tovolea no vakasaqara e dua na nomui tokani e vale ni lotu e rawa ni vakauqeti iko. (Iperiu 3:13; 10:24) Kerei ira na nomui caba me ra dau veivuke vei iko mo namaka na nomu gauna ga vata kei na Kalou, na nomui tavi kece sara kei na nomu sala vata kei na Kalou. Kerei ira me ra veitomani kei iko ena nomu qaravi Kalou. Sega ni kenai naki mo sa guilecavi ira kina na nomui tokani era sa sega tu ni kila na Kalou se ciqomi koya me nodra I vakabula. Tomana tiko ga na nomu veitokani kei ira ka lomani ira talega. Vakatakila vei ira ni sa veisautaka vakadua na nomu bula na gone turaga ko Jisu Karisito

5. Na papitaiso.

E vuqa na tamata e sega ni matata vei ira na vosa qo na “Papitaiso”. Na kenai balebale na vosa qo na papitaiso oya na taba luvuci ena wai. Ni papitaisotaki e dua na tamata sa dodonu me na vakatusa ni sa bula na Kalou ka sa dodonu me da muria na veika e dodonu vua na Kalou. E kaya na Roma 6:3-4, “Dou sa sega beka ni kila koi keda kece sa papitaisotaki vei Jisu Karisito eda sa papitaisotaki kina nona mate? O koya eda sa bula vata kaya kina, ni da sa papitaisotaki kina nona mate me vaka sa vakaturi cake tale main a mate na Karisito ena kaukauwa ne Tamana me da sai valavala vaka talega kina ena bula vou. (Roma 6:3-4)

Na papitaiso e sega ni vakabulai iko, e sega talega ni bokoca na nomui valavala ca. Na papitaiso e gaunisala kina talai rawarawa kei na tukuni yalotaki ni nomu vakabauta kei na nomu vakabulai mai vua ka Kalou. E ka bibi mo taura na cavuikalawa ni papitaiso mo vakasinaiti ena yalotabu. Vakaraitaka vua na nomui talatala ni ko sa vinakata mo papitaisotaki ena wai ni ko sa ciqoma oti na Karisito me nomu I vakabula.

English

---

Lesu tale kina Home Page

Au sa biuta na noqu vakabauta vua na gone turaga, Jisu Karisito…..na cava tale sa vo vei au?