Pamangkot
Sin-o bala ang asawa ni Cain? Utod bala ni Cain ang iya asawa?
Sabat
Ang Bibliya wala gid mismo sing may nahambal kun sin-o gid ang asawa ni Cain. Ang posible lang gid nga sabat amo nga ang iya asawa amo ang iya utod, hinablos ukon apo sa iya hinablos, ukon ano pa. Wala nahambal sa Bibliya kun pila ang edad ni Cain sang ginpatay siya ni Abel (Genesis 4:8). Bangod nga pareho man sila nga mangunguma, mahimo nga may edad na sila nga duha, posible nga may mga familia na nga kaugalingon. Sigurado man nga si Adan kag si Eva may mga iban pa nga mga nadugang nga kabataan maluwas kay Cain kag kay Abel sa tion nga ginpatay si Abel. Sigurado man nga nadugangan pa gid ang ila mga kabataan sa pagligad sang mga tion (Genesis 5:4). Sa pagkamatuod, si Cain ginkulbaan gid man sa iya kabuhi matapos niya pinatay ang iya utod nga si Abel (Genesis 4:14) nagapakita nga may mga iban pa nga mga kabataan kag siguro mga kaapohan si Adan kag si Eva nga nagakabuhi sadto nga tion. Ang asawa ni Cain (Genesis 4:17) mahimo nga isa sa mga anak ukon apo ni Adan kag ni Eva.
Bangud nga si Adan kag si Eva amo ang pinakauna nga mga tawo nga tinuga sang Dios kag wala na sang iban, wala na sang may mahimo pa ang ila nga mga kabataan kundi nga sila mismo ang nag-alasawahay. Wala ini gindumilian sang Dios ang pag-alasawahay sang mga miembro sang familia hasta sa ulihi na lang sang madamo na ang mga tawo nga indi na kinahanglan nga sila mismo nga malapit ang mag-alasawahay (Levitikus 18:6-18). Ang rason kun nga-a nga ang pag-alasawahay sang mga halin sa isa ka familia (incest) nagapanganak sang may mga diperensya (genetic abnormalities) amo bangud nga kun ang duha ka tawo naghalin sa isa lang ka familia, ang iginhalinan sang ila mga dugo (genetics) isa lang, kag sila magkadugo nga babaye kag lalaki, gani nga ang ila mangin anak may mataas nga risgo nga indi mangin normal. Ang ila nga indi makusog nga kinaiya (recessive characteristics) sa ila dugo mangin dominante ukon makusog sa pagtipon sini pagporma sang bata. Gani, nga ini nga ara na sa dugo mangin makusog pa gid bisan pa ini may defecto. Ini nga defecto sa dugo ginapasa sa kada henerasyon kag magtuhaw sa kaanakan. Si Adan kag si Eva wala sini nga sahi sang problema sa ila dugo kag wala pa sila sang defecto katulad sini. Gani sa ila mga anak kag sa kaapohan wala pa sang defecto nga nagtuhaw, apang nga nangin maayo ang kalidad sang ikaayong lawas sang katawhan halin sa ila. Ang mga kaanakan ni Adan kag ni Eva gintuga sang Dios nga wala sang defecto pero kon may ara man, diutay lang. Sa amo nga bagay, indi delicado sa ila ang pag-inasawahay sadto nga tion.
English
Sin-o bala ang asawa ni Cain? Utod bala ni Cain ang iya asawa?
