Ajụjụ

Jizọs Ọ̀ bụ̀ Chineke? È mèkàtàrà nwee mgbe Jizọs kụ̀ọ̀rọ̀ nà Ya bụ̀ Chineke?

Azị̀za

Ọ dịghị mgbe e dèrè Jizọs n’Akwụkwọ Nsọ dịka Ọ na-ekwu kpọmkwem okwu ndị a, “abụ M Chineke.” N’atụmasịghị ya, nke ahụ apụtaghị na Ò kwuputaghị nà Ya bụ Chineke. Wère okwu Jizọs nà Jọn 10:30 dịka ọmụmaatụ, “Mụ onwe m nà Nna M bụ otù.” Naanị ile anya n’etu ndị Juu siri kpachighaa agwa nye okwu Ya, kà anyị chọrọ iji mara na Ọ na-akụ̀rụ ịbụ̄ Chineke. Ha chọ̀rọ̀ ịma Ya okwute n’ihi otù ihe à. “… Gị onwe gị, ebe Ị bụ mmadụ, Ị na-eme onwe Gị Chineke” (Jọn 10:33). Ndị Juu ghọ̀tàrà kpọmkwem ihe Jizọs nà-akụ̀rụ - chi. Hụ̀wa amā nà Jizọs anaghị àgọ àgụ̀gọ̀ okwu Ya maka ịbụ̄ Chineke. Mgbe Jizọs kwupụtara, “Mụ onwe m nà Nna M bụ otù” (Jọn 10:30), Ọ nà-èkwu na Ya na Nna ahụ nwere otù ọ̀dịdị nà njirimara kacha mkpa. Jọn 8:58 bụ ọmụmaatụ ọzọ. Jizọs kwupụ̀tàrà, “n’ezie, n’ezie, asị M ụnụ, mgbe a ka amughị Abraham, Mụ onwe M dị!” Nzaghachi nke ndị Juu nụ̄rụ okwu à bụ ịtụ̄tụ̀tà okwute ka atụgbuo Ya maka nkwulu/nkwutọ, dịka iwu Moses nyere ha iwu ka ha mee (Levitikọs 24:15).

Jọn kwunwòkwàrà echiche nke chi Jizọs bụ: “Okwu ahụ bụrụ kwa Chineke” nà “Okwu ahụ wee ghọ̀ọ anụahụ, bụ mmadụ” (Jọn 1:1, 14). Amàokwu ndị a na-egosi n’etu were anya nà Jizọs bụ Chineke dị̄ n’anụahụ. Ọlụ Ndịozi 20:28 nà-àgwa anyị, “ka ụnụ na-azụ nzukọ Chineke dịka atụrụ, nke O ji ọbara nke Ya onwe Ya zụtara onwe Ya.” Ònye zụtara nzukọ Kraịst (nzukọ ụka/nsọ) – nzukọ Kraịst nke Chineke – site n’ọbara Ya? Jizọs Kraịst. Ọlụ Ndịozi 20:28 nà-èkwupụ̀ta nà Chineke jiri ọbara nke onwe Ya zụrụ nzukọ Kraịst. N’ihi nke a, Jizọs bụ Chineke!

Tọmas onyeozi kwupùtàrà gbasara Jizọs, “Onyenwe m nà Chineke m” (Jọn 20:28). Jizọs anaghị èduzi/agbàziri ya. Taịtọs 2:13 nà-agbā anyị ume ichere maka ọbịbịa nke Chineke nà Onyenzọpụta anyị, Jizọs Kraịst (lekwuo 2 Pita 1:1). Na Ndị Hibru 1:8, Nna ahụ nà-èkwupụta maka Jizọs, “ma Ọ nà-èkwu ihe banyere Ọkpara ahụ, sị, Ocheeze Gị, Chineke, nadịru mgbe niile ebighi ebi; m̀kpànaka eze nke izi ezi ka m̀kpànaka nke alaeze Gị bụkwa.” Nna ahụ nà-àkọwa Jizọs dịka “Chineke” na-ègosi nà Jizọs bụ Chineke n’eziokwu.

Na Nkpughe, otù mmụọozi gwara Jọn onyeozi kà ọ kpọọ isi ala nye naanị Chineke (Nkpughe 19:10). Ọtụtụ mgbe n’Akwụkwọ Nsọ Jizọs nà-ànara ịkpọ isi ala (Matiu 2:11, 14:33, 28:9, 17; Luk 24:52; Jọn 9:38). O mekataghị baara ndịmmadụ m̀ba maka ịkpọrọ Ya isi ala. Ọ bụrụ na Jizọs abụghị Chineke, Ọ gààrà àgwa ndịmmadụ ka ha gwàra ịkpọrọ Ya isi ala ọ̀bụnā dịka mmụọozi dị na Nkpughe mèrè. E nwere ọtụtụ amaokwu nà isi edemede gasị nke Okwu Chineke e dere ede ndị nā-ekwu maka ọbụbụ chi nke Jizọs.

Nke kachasị mkpa bụ ihe kpatara na Jizọs kwesịrị ịbụ Chineke bụ na ọ bụrụ na Ọ bụghị Chineke, ọnwụ Ya agaghị ezu ikwụ ụgwọ mmehie dum nke ụwa (1 Jọn 2:2). Ihe e kere eke nwere ndụ, nke Jizọs gààrà abụ ma ọ bụrụ na Ọ bụghị Chineke, enweghi ike ịkwụ ụgwọ ahụhụ enweghi ngwụcha nke a chọrọ maka mmehie e mere megide Chineke enweghi ngwụcha. Naanị Chineke nwere ike ịkwụ ụgwọ ụdị ahụhụ enweghi ngwụcha dị etu ahụ. Naanị Chineke nwere ike ibū mmehie nke ụwa (2 Ndị Kọrịnt 5:21), nwụọ, ma kulitekwa n’ọnwụ, na-ègosi mmeri Ya n’ebe mmehie na ọnwụ dị.

English

Laghàchi n’ihuakwụkwọ nke jikọtara ndị ọzọ

Jizọs Ọ̀ bụ̀ Chineke? È mèkàtàrà nwee mgbe Jizọs kụ̀ọ̀rọ̀ nà Ya bụ̀ Chineke?

Nwetela Ndụ Ebighi Ebi?

Natawo Mgbaghara mmehie?

Jizọs Ọ̀ bụ̀ Chineke? È mèkàtàrà nwee mgbe Jizọs kụ̀ọ̀rọ̀ nà Ya bụ̀ Chineke?