سوال
خۄدا چھَہ کِنہٕ نہٕ ؟ کٮ۪ا خۄداۓ سٔندِ وجو’دُک چَھ کنٛہ ثبو’تہ ؟
جواب
कॉशुर
خداۓ سُنٛد وجو’د ہٮ۪کونہٕ ثٲبِت یا خٲرج کرِتھ۔ باۓ بٕلِ مَنٛز چُھ لیٛکھِتھ زِ اَسِہ پَزٕ یَقیٖن سان یہِ پَزَر مانُن زِ خۄداۓ سُنٛد وجو’د چُھ “بیٛیہِ یِہ کِہ یقیٖنہٕ وَرٲۓ ہٮ۪کہون نہٕ خۄدا خوٛش تھٲوِتھ تِکٮ۪ازِ یُس کنٛہ تہِ تَس کُن ییٛہِ تَس پَزِ یَقیٖن تھاوُن زِ خۄداۓ سُندو جو’د چُھ تہٕ سُہ چُھ تٮِمَن لوکن یَنام دیٛوان یِم خۄلوسہٕ سان تَس ژھانڈان چِھ“ (ہِبروز۔۱۱:6) اَگر خۄدا تِہ یَژھان آسِہا سُہ ییٛہا لوکن برٛونٛ کُن تہٕ دیٛہا پَننہِ وجو’دُک ثَبو’ت یودوے سُہ تِہ کَرِ تیٛلہِ چَھنہٕ یَقیٖنٔچ کَنٛہ تہِ ضرورتھ’’ تہٕ وون خۄدایَن مو’ساہَس ژِ ژٕ چُھتھَس بہٕ وُچھمُتھ، ژے چُھوٛۍ مےٛ پیٛٹھ یِقیٖن، مگر رٔحَم ٲسِن تِمَن لوکن پیٛٹھ یِمَن غٲبَس پیٛٹھ چُھ یَقیٖن، “ (جان ۲٠:29)۔
اَمٮ۪وک مَطلب چُھنہٕ ہرگِز یہِ ژِ خۄداے سٔنٛدِ آسنُک چُھنہٕ کَنٛہ تِہ ثبو’تا۔ باے بٔلہِ منٛز چُھ لٮ۪کِھتھ زِ اَرٔش چُھ خۄداے سٔنٛز شان باوان، آسمان چِھ تَس سٕنٛز کٲرگری ہنٛد نمونہٕ پیٛش کران۔ پرٛتھ دوہ چِھ تِم خۄداے سٔنٛز عظمَتھ باوان تہٕ علمُک گاش تراوَان۔ کنٛہ تہِ زبان چَھنہٕ تِژھ یَتھ منٛز نہٕ تِہُنٛد یِہ باوُن ہٮ۪کٮو بو’زِتھ۔ تِہنٛز آواز چِھ سٲرسےعالمَس تہٕ دُنیاکِس کو’نَس کو’نَس تام واتان (سلم ۱۹:14)۔
آسمانٔک تَارخ، کُل عالمٔچ وُسَتھ، قوٛدرَتٔک کرِشمہٕ تہٕ لوسوُنۍ آفتابٔچ خوبصورتی۔ یِم تمام چیٖز چِھ تمام عالمٔکِس پودٕ کَرَن وٲلِس خۄدایَس کُن اِشارٕ کران۔ اگر یِم چیٖز کٲفی چِھنہٕ تیٛلہِ چُھ خۄداے سٔنٛدِ آسنُک بٮ۪اکھ اَکھ ثبو’ت تُہنٛدنۍ دِلَن اَندَر۔ اِنسانَن ہنٛدِٮ۪ن دِلَن اَنٛدر یِہ پَرٛزٕ ناونٔچ صلٲحیَتھ زِ کٮ۪اتھام چُھ یَمِہ ظٲہری زِندگی تہٕ ظٲہری دُنیا نیٛبَر تِہ۔ أس ہٮ۪کو اَتھ کَتِھ عقلِ ہنٛدِ اعتبار اِنکار تہِ کرِتھ مگر خۄداے سٔنٛدِ وجو’دُک یِم ثَبو’ت سانٮ۪ن دِلَن اَندَر تہٕ اَسِہ أنٛد پاکۍ چِھ روزَان چِھ موجو’د۔ باے بٔل چِھ اَسہِ ٹاکار پٲٹھۍ وَنان زِ یِمو ثبُوتو باوجو’د چِھ وُنکٮ۪ن لوکھ خوداے سٔنٛدِس وَجو’دَس اِنکار کران:“ نادان چِھ دِلَس اَنٛدر سوچان زِ خۄدا کتہِ آسِہ“۔ تہِ کٮ۪ازِ پَتہِ وَتہٕ پیٛٹھۓ چِھ مُختلف زٲژن، سکافژَن تہٕ نٔسلَن ہنٛد بِسیار لوکھ اکہِ نَتہٕ بیٛیہِ طریقہٕ خۄداے سٔندِس آسنَس پیٛٹھ یَقیٖن تھاوان۔ باسان چُھ لوکن منٛز یہِ یقیٖن برقرار تھاون وول چُھ کنٛہ۔
باے بٔلِ منٛز خۄداۓ سٔنٛدٕس وجو’دس مُتلِق کرنہٕ آمتٮ۪و تقازوٚ علاوٕ چِھ کینٛہ عقلی تقاضہٕ تہٕ۔ سارو۪ی کھوتِہ مشہور آنٹالُوجیکل تقاضہٕ چُھ خۄداۓ سُنٛد خیال خۄداے سُنٛد وجو’د ثٲبت کرنہٕ خٲطر استعمال کرران۔ یِہ چُھ خداۓ سٔندِ تارُف سٕتھۍ شروع گژھان۔ ’’سُہ وجو’د یَمِہ کھوتہ ِزیادہ کینٛہ تِہ ہٮ۪کونہ سَمجِھتھ‘‘۔ امٮ۪ک چُھ پتہٕ تقاضہٕ یوان کرنہٕ زِ وجَو’د آسنَس چُھ واریا تَھزَز وجو’د نَہ آسنہٕ کھوتہٕ۔ تَوے آسِہ ساروے کھوتہ زیادہ سمٔجھنُک چیٖز وَجو’د۔ اگروَنۍ خۄداے سُنٛد وجو’د چُھٔۍنہٕ تٮ۪لِہ چھُنہٕ خۄدا ساروٕے کھوتہٕ زیادہ سمٔجھنُک وجو’د تہٕ کیٛنہ۔ یہ چُھ خۄدایَس مُتلِق زانکٲری مُترٲدِف ۔
دویٔم چُھ ٹیلیولاجکل تقاضہٕ یَمِہ مُطٲبق پو’رٕ کٲناتَس چُھ اَکھ شاندٛار ڑِزٲن تہٕ یِہ شاندار ڑِزٲن بَناوَن وٲل تہٕ گژھ کنٛہ آسُن۔ مثاَلے اگر زمیٖن آسہا صرف کیٛنہ ہَتھ میٖل نَزدِیٖکھ پا دو’ر آفتابہٕ نِش اَتھ مَنٛز آسہا نہٕ زِندگی پھٲ نپھلاونٔچ صلٲحٮ۪تھ، یوٛس زَن اَتھ مَنٛز وُنکٮ۪س چِھ۔ ہرگاہ سٲنِس ماحۄلَس مَنٛز ایلی میٚنٛٹن ہنزٛ میٛقدار ہناَ ڈلِتھ آسِہ تَقریٖبَن پرٛتھ کانہٛ زوٛریاتھ مَرِ پٲن پانے۔ پڑوٹیٖن مالِکٮ۪و’ل بننٔک اِمکان چِھ ۱٠۲۴۳ (یانے ۱٠ پتہٕ ۲۴۳ زیرو) منٛز ۱ آسان۔ صِرف اَکھ زِندٕ سیٛل چِھ کچھِ بَٮ۪ن پروٹیٖن مالِکیٮ۪و‘لَن ہنٛز بَنٮ۪ٲمٔژ آسان۔
ترٛیم تقاضہٕ یوٛس زَن خۄداے سُنٛد وجو’د ثٲبِت کرنہٕ کھٲتٕر کرنہٕ یوان چُھ، چُھ کاسمولاجِکل تقاضہٕ پرٛتھ کُنہِ اثرَس چُھ آسان اکھ وَجَہ یہِ کٲناتھ تہٕ اَتھ اَنٛدر پرٛتھ کَنہٛ چیٖز چُھ مٔحض اکَھ اثر۔ لٲزمَن چھُ کنہٛ طاقت یَمِہ سٕتھۍ یِہ سۄرے وجو’دس منٛز آو۔ تٮ۪وتھ کنہٛ طاقت یُس پانہٕ کُنہِ وَجَہ ورٲے چُھ تہٕ یَمِہ سۭتھۍ پرٛتھ کیٛنہ وجو’دس منٛز آو۔ سُہ بے وَجَہ طاقتھ چُھ بسَ اَکھ خۄدا۔
ژورمِس تَقازَس چِھ اِخلٲقی تقاضہٕ ونان۔ پوٛت کالہٕ پیٛٹھے چُھ پرٛٮ۪تھ کُنِہ سَقافَزِ اکِہ قٔسمُک پَنُن اَکھ قونو’ں رو’دمُت تہٕ پرٛتھ کُنِہ چُھ صحیح تہٕ غلطس مَنٛز تَمیٖز کرُن تَگان۔ قَتٔل کرُن، اَپُزونُن، ژو’ر کرٕن تہٕ بَداِخلٲقی چِھ تَقریٖبَن سٲرسی عالمَس مَنٛز خٲرج یِوان کرنہٕ۔ کتہِ آے یِہ صحیح تہٕ غَلطَس منٛز تِمیٖز کرنٔچ صَلٲحیٛتھ، یوٛدوے نہٕ خۄدا صٲبن دِژَ ۔
امِہ سارے پَززٕکِہ باوجوِ’د چِھ باے بٔل اَسہِ وَنان زِلوکھ کرَن یہِ شیٖنٔکۍ پٲٹھۍ صاف پَزَر، یَتھ نہٕ آب تَرنَس وَتھ چِھ، کھٲرج تہٕ تَمِہ بَدلہٕ کرَن اَپزِس پٮ۪ٹھ یقیٖن۔ (رومنٛز ۱:25) منٛز چُھ یِہ واضَع زِ’’ تِمَو کوٛر خۄداۓ سٔنٛدۍ آسنٔکِس پَزرَس پَننۍ اَپزِ سٕتھۍ ادلہٕ بَدل تہٕ کَرٔکھ عبادتھ تہٕ تعریٖف پٲدٕ کٔرمتٮ۪ن چیٖزَن ۂنٛد نَکِہ پٲدٕ کرَن وٲل سٔنٛد۔ یَمسٔنٛد ہمیٛشِہ تعریٖف یِن کرنہٕ آمیٖن۔ باے بٔل چِھ یِہ تہِ داوا کران زِ لوکن نِش چُھنہِ کانٛہہ تِہ پوٚکھتہٕ ثبو’تَہ یَمکٮ۪ن تِم خۄداۓ سُنٛد وَجو’دک اِنکار کرِہان: تہِ کٮ۪ازِ یَیٛلِہ یِہ عالم وجو’دَس منٛز اَننہٕ آو، خۄداۓ سٔنٛدٕ بٲطنی صلٲحِیَزٕ، تَس سُنٛد لافٲنی طاقتھ تہِ قوٚدرَتھ چِھ یَوان شفاف پٲٹھۍ تَس سٔنٛدٕ مَخلو’کہٕ نِش لَبنہٕ (رومَنٛز ۲٠:۱)۔
لوکھ چِھ خۄداۓ سٔنٛدِ نَہ آسنُک داوا یَمِکٮ۪ن کران زِ ساینَس چُھنہٕ ہٮ۪کَن تَس سُنٛد وجو’د ثٲبِت کٔرِتھ۔ پَزَر چُھ یِۍ زِ خۄاۓ سُنٛد وجو’د تَسلیٖم کرنُک مطلب گو پَنُن پان خۄدایَس برٛونٛکَنِۍ جوابدہ بناوُن تہٕ تَس سٔندِ نَجاتٔھچۍ ضرورتھ مٔحسو’س کَرٔن (رومَنٛز ۶۱۲۳،۳۱۲۳)۔ یوٛدوۓ خوداۓ سُنٛد وجو’د چُھ، تیٛلِہ چِھ أس پَننٮ۪و عملو خٲترٕ تَس نِش جوابدہ۔ یوٛدوے وَنۍ خۄدا چُھنہٕ، أس ہٮ۪کو بےخوف پٲٹھۍ کینہٛ تہِ کٔرِتھ یِہ اَسِہ خوٛش کَرِ، یِہ زٲنِتھ زِ کہنٛہ خۄدا چُھنہٕ وُچھان۔
دراصل چُھ یہ سُہ وجہ یَمہِ کِن تِم بِسیار لوکھ یِم زَن خۄدایَس اِنکار چِھ کران چِھ ذۄر دِتھ ایولٮ۪وشَن تھٮ۪وری پٮ۪ٹھ یَقیٖن تھاوان۔ اِمہٕ سٕتھۍ چَھ تِمَن خۄدایَس پٮ۪ٹھ یَقیٖنٔچ اکھ مُترٲدف وَتھ میلان۔ خۄداۓ سُنٛد وجو’د چُھ تہٕ ٲخٔرکار زانۍ ہَر کَنٛہ زِ سُہ چُھ موجو’د۔ پَزَرچُھ یہِ زِ کینٛہ لوکھ چِھ بڑٕ شرارتھہٕ ہوٚتۍ خۄداۓ سٔنٛدِ نَہ آسنُک داوا کَرَان۔ یِہ داوا چُھ دراصل تِہنٛدِ خٲترٕ اَکھ بَچَنباتھ۔
تۄۓ کٔتھٕ پٲٹھۍ چھٮ۪و زانان زِ خوداے سُنٛد وجو’د چُھ؟ کرٛشچَن آسنہٕ کِن چِھ أس زانان زِخۄدا چُھ تہٕ کٮ۪ازِ أس چِھ پرٛتھ دوہ تَس سٕتھۍ کَتھہٕ کران۔ أس چِھنہٕ تٔہنٛزٕ کَھتہٕ سیٛدِ سیٛوٚ بوزان بٔلکِہ چِھ أس تَس سُنٛد آسُن مٔحسو’س کران۔ أس چِھ تَمِہ ساتَن ہٮ۪کان مٔحسو’س کرِتھ ییٛلہِ سُہ اَسہِ وَتھ چُھ ہاوان۔ أس چھ تس سٔنٛزِ مہربٲنی ہنٛد تَلبغار آسان۔ بِسیار واقع چِھ سانۍ زندگی منٛز سَپدیٛمٔتۍ یِم نہٕ خۄداے سٔنٛد ورٲۓ سَپدمٔت آسہان نہٕ کینٛہ۔ خۄدا صٲبَن چِھ سٲنۍ زندگی اکہِ کریٛشمٔکھ پٲٹھی بَچٲمٔژ تہٕ چھٮ۪ن سٲنۍ زندگیٛۍ پو’رٕ پٲٹھۍ تَبدیٖل کرمٔژ۔ او مۄخہٕ ہیٛکو نہٕ پَنُن پان تَس سٔنٛد تعریٖف کرنہٕ نِش روکٲوتھ۔ کنٛہ تہٕ یوٚتھ ہٮ۪و تَقاضہٕ چُھنہٕ ہٮ۪کان تَس أکِس اِنسانَس مٲنۍرأوِتھ یُس تَتھ کَتِھ اِنکار چُھ کران یوٛس گۄڈاۓ ثٲبِتھ گٲمژ چِھ۔ ٲخرَس پٮ۪ٹھ وَنو یِۍ زِ خۄداۓ سُنٛدِس وجو’دَس پٮ۪ٹھ پَزِ اَسِہ یَقیٖن تھاوُن (ہِبرِوٚز ۱۱:16)۔ خۄدایَس پٮ۪ٹھ یقیٖن کرُن چُھنہٕ أچھ ٹُوٚوِتھ اَنِگٔٹِس مَنٛز ۄٹھ ژھنٔنۍ بٔلکِہ یہِ چُھ گاشَس کُن اَکھ محفو’ظ قَدَم، یَتھ گاشَس مَنٛز کُل عالمٔکۍ لو’کھ چِھ روزان۔
English
خۄدا چھَہ کِنہٕ نہٕ ؟ کٮ۪ا خۄداۓ سٔندِ وجو’دُک چَھ کنٛہ ثبو’تہ ؟
