īkūlyo
Ũelesyo wa kũmwĩtĩkĩla Yesũ ta mũtangĩĩi wakũ ni mwaũ?
Ũsungio
Nĩwamwĩtĩkĩlile Yesũ Klisto ya mũtangĩĩi wakũ? Kũelewa ĩkũlyo yĩĩ nesa, nonginya ũelewe ĩsyĩtwa "Yesũ Klisto," "wakũ," na"mũtangĩĩi."
Yesũ Klisto nũũ? Andũ aingĩ nĩmetĩkĩlaa kana Yesũ Klisto nĩ mũndũ mũseo, mwalimũ mũnene, ona mwathani wa Ngai. Maũndũ aa nĩmaw'o yĩũlũ wa Yesũ, vamwe na ou ũũ tiw'o ũelesyo mwĩanĩu. Mbivilia ĩtwĩaa kana Yesũ nĩ ngai thinĩ wa mwĩĩ, Ngai e mwĩĩnĩ (Yoana1:1, 14). Ngai ookie kũũ nthĩ kũtũmanyĩsya, kũtũvosya, Kũtũngĩĩa, kũthĩnw'a na kũkw'a kwondũ witũ! Yesũ Klisto nĩ Ngai, mumbi, Ngai weka. Nĩwetĩkĩlile Yesũ ũyũ?
Mũtangĩĩi nũũ, na vata wake kwitũ ni mwaũ? Mbivilia ĩtwĩaa kana ithyonthe nĩtwekie naĩ; nĩtwekie maũndũ mathe (Alomi 3:10-18). Nũndũ wa naĩ nĩtwaĩlwe nĩ ũthatu wa Ngai na ũsilĩlo. Ũsilĩlo ũla waĩle nũndũ wa naĩ kwa Ngai ũla ũtemũmĩnũkĩlyo na wa tene na tene nĩ ũsilĩlo wa tene na tene (Alomi6:23; Ũvũanyo20:11-15). Kii nĩkyo kũtũmi tũkwenda mũtangĩĩi!
Yesũ Klisto ookie kũũ nthĩ na akw'a kwondũ witũ. Kĩkw'u kya Yesũ kyaĩ ndĩvi ya naĩ syitũ ya tene na tene (2 Akolintho 5:21). Yesũ akw'ie nĩ kana aĩve ĩtuvi ya naĩ sitũ (Alomi 5:8). Yesũ nĩwaĩvĩe ndĩvi nĩkana tũĩkaaĩve. Kũthayũũka kwa Yesũ kuma kĩkw'uni nĩ ũĩkĩĩthyo kana kikw'ũ kyake nĩkĩanĩu kũĩvĩa naĩ syitu. Kĩu nikyo kĩtumi Yesũ nĩwe mũtangĩĩi e weka (Yoana 14:6; Meko Na Atũme 4:12)! Nũkũĩkĩĩa Yesũ ta mũtangĩĩi wakũ?
Yesũ nĩwe mũtangĩĩi wakũ? Andũ aingĩ matalĩthasya ũklisto ta kũenda kanisanĩ, kũatĩĩa mĩtũo kana kũlea kwĩka naĩ imwe. Ũũ tiw'o ũklisto. Ũklisto wa w'o nĩ ngwatanĩo ya mũndũ mweene na Yesũ Klisto. Kwĩtĩkĩla Yesũ ta we mũtangĩĩi wakũ nĩ kwia mũĩkĩĩo waku mweene na wĩkwatyo nthĩnĩ wake. Vai mũndũ ũtangĩĩawa kwĩsila mũĩkĩĩo wa angĩ. Vai mũndũ ũtangĩĩawa nũndũ wa meko ma na. Nzia ya ũtangĩĩo nĩ mũndũ mweene kũmwĩtĩkĩla Yesũ ta mũtangĩĩi wake, kũĩkĩĩa kĩkw'ũ kyake ta ndĩvi ya naĩ syake na kũthayũũka kwake ta ũĩkĩĩthyo wa thayũ ũtathela (Yoana3:16) Yesũ ni mũtangĩĩi wakũ mwene?
Kethĩwa nũkwenda kũmwĩtĩkĩla Yesũ ta mũtangĩĩi waku mweene, weta ndeto ii mbee wa Ngai. Lilikana, kũvoya mboya ĩno kana mboya ĩngĩ ona yĩva kũyĩũtangĩĩya. No kũmũĩkĩĩa Yesũ na wĩa wake mwĩanĩu mũkelanyonĩ kũtonya kũtangĩĩa kũma naĩnĩ. Mboya ĩno nĩkwonany'a mũĩkĩĩo waku kwa Ngai na kũmũtũngĩa mũvea nũndũ wa kũũnenga ũtangĩĩo." Ngai nĩnĩsĩ nĩnĩkwatĩte naĩ na nĩnaĩle ũsilĩlo. Ĩndĩ nĩnĩsĩ Yesũ Klisto nĩwoosie ũsilĩlo ũla naĩle nĩkana kwĩsila mũĩkĩĩo nthĩnĩ wake nĩekewe. Ningwosa ũekeo kũma kwaku na kwia wĩkwatyo nthĩnĩ wa ũtangĩĩo. Nĩneetĩkĩla Yesũ ta mũtangĩĩi wakwa! Nĩmũvea nũndũ wa mũmo wakũ na ũekeo - mũthinzio wa thayũ ũtathela! Ameni!
We nĩwatw'a ũtwi kũmwĩtĩkĩla Klisto nũndu wa maũndũ ala wasoma vaa? Ethĩwa nĩ w'o, tina vau vaandikĩtwe "nĩnamwĩtĩkĩla Klisto umunthĩ".
English
Ũelesyo wa kũmwĩtĩkĩla Yesũ ta mũtangĩĩi wakũ ni mwaũ?