īkūlyo
Wĩna Thayū ūtathela?
Ũsungio
Ũsungio: mbivilia nĩyonanĩtye Nzia ya Thayū ūtathela. Ũndũ wa mbee, nī twaĩlĩwe kwītĩkĩla kana nitũvĩtĩtye mbee wa Ngai:" nĩkwĩthĩwa andũ onthe nĩmeekie naĩ na maivikĩaa ũkumyo wa Ngai" (Alomi 3:23 ).Nītwĩkĩte maūndū ala matamwendeasya Ngai,ala matumaa twĩthĩwa twaĩle ũsilĩlo. Nũndũ naĩ nĩ kya mũtete na Ngai wa tene na tene, ĩtũvi yila yaĩle nĩ ũsilĩlo wa tene na tene. Ĩtuvi ya naĩ nĩ kĩkw'ũ, ĩndĩ mũthĩnzĩo wa Ngai nĩ thayũ ũtathela kwĩsĩla kwa Mwĩai waitũ Yesũ Klĩsto. (Alomi 6:23 ).
īndī, Yesū Klīsto,ndaaĩka naī (1 petelo 2:22), mwana wa Ngai wa tene na tene atwĩka mūndū ( Yoana 1:1,14) na akw'a atũĩvĩa ĩtũvi yitũ."Ngai onanasya wendo kwitu kwa Nzia īno. Ĩla twaĩ ene Naī, Klisto niwakwie kwondũ witu"(Alomi 5:8) Yesū Klĩsto nĩwakwie Ngelanyoni ( Yoana 19:31-42), kwosa ūsilīlo ūla watwaīlīte ( 2 Akolintho 5 :21). Ītina wa matukũ atatū athayūka Kūma kīkw'ūni( 1 Akolintho 15:1-4), ayonanya ūkīlyo yīūlū wa naī na kīkw'ū."Nũndũ kwa tei wake mũnene, nĩwatũnengie thayũ mweũ kwa kũmũthayũũkya Yesũ Klĩsto kuma kwa akw'ũ"( 1 Vetelo 1:3).
Kwa mũīkīīo, nĩtwaĩle kuvĩndũa ilĩko situ yĩũlũ wa Klisto - ũla nĩwe, ũndũ weekĩe na nĩkĩ - kwondũ wa ũtangĩĩo ( meko ma atūme 3:19). Kethĩwa nĩtũkũia mũĩkĩĩo witũ kwake,tuyĩkĩĩa akw'ie mũkelanyoni kũĩvĩa naĩ situ, tũkaekewa na tũkoosa watho wa thayũ ũtathela ĩtũnĩ.
“Nũndũ Ngai nĩwendete nthĩ mũno, nĩwanenganie Mwana wake e ũmwe, nĩ kana o ũla ũmũĩkĩĩaa ndakakw'e ĩndĩ ethĩwe na thayũ ũtathela. (Yoana3:16)." Ethĩwa ũkaumbũla na kanyw'a waku kana Yesũ nĩ Mwĩai, na ũyĩĩkĩĩa na ngoo yaku kana Ngai nĩwamũthayũũkisye kuma kwa akw'ũ, ũkatangĩĩwa" (Alomi 10:9). Kwa kũĩkĩĩa wĩa mwĩanĩũ wa Klisto mũkelanyoni noyo nzĩa yoka ya thayũ ũtathela!"Nũndũ kwĩsila mumonĩ wake Ngai nĩmũtangĩĩtwe kwondũ wa kũĩkĩĩa. Ti kwĩsĩla maũndũnĩ ala mwĩkĩte, ĩndĩ nĩ mũthĩnzĩo kuma kwa Ngai, nĩ kana mũndũ o na wĩva ndakekathĩĩe ũndũnĩ ũsu. (Aeveso 2:8-9).
Kethĩwa nũkwenda kwĩtĩkĩla Yesũ Klĩsto ta mutangĩĩ wakũ, ino nĩyo mboya.Lilikana, kũvoya mboya ino kana mboya ingĩ ona yiva ĩyĩũtangĩĩa. kũĩkĩĩa klisto nĩkw'o kũtonya kũtangĩĩa kũma naĩnĩ syaku. mboya ino nĩ nzia ya kwonya Ngai mũĩkĩĩo nthĩnĩ wake na kũmũtũngĩa mũvea nũndũ wa kũũnenga ũtangĩĩo. Ngai, nĩnĩsĩ nĩnĩvĩtĩtye mbee wakũ na nĩnaĩlĩtwe nĩ ũsilĩlo.ĩndĩ Yesũ nĩwoosie ũsilĩlo ũla naĩlĩte nakana kwĩsila kwa mũĩkĩĩo nthĩnĩ wake nĩkwate ũekeo. Ningwĩa mũĩkĩĩo wakwa kwaku kwondũ wa ũtangĩĩo. Ni mũvea kwa mumo mũseo na kũekewa- muthĩnzĩo wa thayũ utathela! Amen!"
We nĩwatw'a ũtwi kũmwĩtĩkĩla Klisto nũndu wa maũndũ ala wasoma vaa? Ethĩwa nĩ w'o, tina vau vaandikĩtwe "nĩnamwĩtĩkĩla Klisto umunthĩ".
English
Wĩna Thayū ūtathela?