Enkilikuanata
Inoto empalikino? Kai aiko pangámu empalikino e Nkai?
Ewalata
Ejo Iasat 13:38, “Niaku, ilalashara lainei, entayioloito ajo ore te Yesu elikini intae enkitajeunoto oo ngók.
Kanyoo eji empalikino naa kanyoo payieu?
Ore ‘empalikino’ naa pijut aituku pii, apaliki, aing’wiki esile. Tenikinyial oltung’ani, nikiomuni empalikino pekishuku osotua. Mishoori ake duo empalikino anaa kishia oltungáni peepalikini. Metii oltung’ani oishia empalikino. Ore empalikino naa embae enyorrata, olng’ur we mpiris. Ore e mpalikino naa endung’oto pee mishum toki tialo likae, ata duo kintaasa toki.
Ejoki yiok Bibilia ajo kiyieu pookin empalikino Enkai. Kitaasa pookin ingók. Ejo Olaikooni 7:20,” Meetaye ten kop oltungáni supat oas isupati nemeas aikata engóki”. Ejo 1 Yohana 1:8” tenikijo mikiata ngók, naa ekilejita ate nemetii esipata atua yiok.” Ore engóki pookin naa enkias e-golongú te Nkai (Olkerempe le Nkai 51:4). Niaku, kiyieu naleng empalikino e Nkai. Temepalikini ingók ang, , naa ekibik te nkitamioto o intarasi te nkaraki ingók ang (Matayo 25; 46; Yohana 3:36).
Empalikino- kai aiko paatum?
Ashe amu, kenyorrisho Enkai neeta olngúr- nerrerena pee paliki ingók ang! Ejoki yiok 2 Petero 3:9 “Kengíri ten tae, amu meyieu obo oimin, kake pee ebaiki pooki ngáe enkirridunoto.” Keyieu Enkai nepaliki yiok, niaku ishorua empalikino.
Ore enkitamioto naishia ingók ang naa keeya ake. Ore enchoto e Roma 6:23 neibalie,” Amuu ore olekoisiayio loo ngók naa keeya…” Keeya oo ntarasi kinoto too ngók ang. Ore Enkai, te nkariyiano enye bayaroti, netaa oltungáni- Yesu Kristo (Yohana 1:1, 14). Etua Yesu tolchani, neya enkitamioto ang- keeya. Eitengén iyiok 2 Ilkorintio 5:21 ajo,” Eitobira Enkai ilo lemeeta engóki, entamioto terishata ang! Ore te Nkai, ishorua keeya e Yesu empalikino o ngók enkop poking. Ejo 1 Yohana2:2 Naa ninye olkituket loo ngók ang, neme nkunaang ake kake o ne nkop pookin,” Etopiwuo Yesu te keeya, neisul eng’oki oo keeya (1 Ilkorintio 15:1-28). Meisisi Enkai, tenkaraki keeya we mpiunoto e Yesu Kristo, kesipa enkae shoto e Roma 6:23. “…kake ore enkishoorunoto e Nkai naa enkishui oo ntarsi tiatua Yesu Kristo Olaitoriani lang.”
Iyieu nekipalikini ingók inono? Iningíto eyata enkurruna nemeishunye? Ketumoyu empalikino oo ngók inono tenepik enkirukoto ino atua Yesu Kristo anaa Olaitoriani lino. Ejo Ile Efeso 1:7,” Tiatua ninye kiata iyiok enkordunoto te nkaraki olsarge lenye, te risioroto empiris enye.” Etalaa Yesu esile ang, pee palakini iyiok. Ore entoki nias naa peyie iomon Enkai empalikino tiatua Yesu, niruk ajo etua Yesu pelak empalikino ino- naa ekipaliki!. Eeta Yohana 3:16-17 ilo ratioti sidai, ’Amu etonyorra Enkai enkop omitau enkerai enye nabo, peyie ore ilo oiruk ninye nemeimin kake netum enkishui ontarasi. Amu eituu irriu Enka enkerai enye enkop, meeu aiguanare. kake pee etum enkop atajeunye.”
Empalikino- Kelelek?
Eee! Ee kelelek! Miin-dim ataasu empalikino te Nkai. Miin-dim atalaaki Enkai empalikino ino. Kake in-dim atangámu, te nkirukoto, te mpiris olngúr le Nkai. Teniyieu ninyorraa Yesu Kristo anaa Olalakunoni lino ningámu sii mpalikino oo ngók naingúa Enkai, nena enkomono niin-dim atoomono. Meekindim ena omono arashu ay aitajeu. Te nipik osiligi lino atua Yeu Kristo ake nikin-dim aishoo empalikino o ngók. Ore ena omono naa eninko ake duo peyie intodol Enkai enkirukoto ino te ninye o enashei tempalikino o ngók. “Enkai, ayiolo ajo ataasa engóki naa kanare enkitamioto. Kake ewaa Yesu enkitamioto te rishata ay peyie ore tenkaraki enkirukoto ay teninye napalikini. Apik osiligi lai atua yie te jeunoto. Ashe te nkaraki empiris oo empalikino ino! Amen! “
Itaasa en-dungóto/ enosa nabo pisuj Kristo tenkaraki entoki nisuma tene? Tenaa neija, aomon ronya ene “Atonyorrayie Kristo taata” nattii abori.
English
Inoto empalikino? Kai aiko pangámu empalikino e Nkai?