Enkilikuanata
Kamaa yesu naa enkai? Ketii enkata naibalie Yesu ajo kera ninye enkai?
Ewalata
Ore lelo ooany njere ore yesu naa enkai kejo ninche njere eitu aikata ejo Yesu kera ninye Enkai. Naa kesipa njere te Bibilia ajo eitu aikata ejo Yesu,”kara nanu Enkai.” Kake mipirta ena ajo eitu aikata ebalie Yesu ajo kera ninye Enkai.
Kamaa Yesu ke Enkai? — Eibalie yesu ajo kera ninye Enkai.
Iwa tenkitanyanyukoto irorei otejo Yesu te embuku e Yohana 10:30 “ore nanu opaapa naa kira nabo.”Kenare ake pee kisuj enkingásia ol-yahudi peyie ejo Yesu kara nanu enkai. Etejo ninche kinaang ninye to soit pee ejo ninye kara Enkai.”Ira oltungani nijo kara Enkai” (yohana 10:33). Etoning’o il-yahudi Yesu aitobiraki enajito Yesu. Ore pee ebailie Yesu” ore nanu opapa nikira nabo”kejiito yesu njere ore ninye opaapa nera nabo neta empukunoto nabo. Ore Yohana 8:58 naa enkae kitanyanyukoto. Neibalie Yesu ena “Ajoki intae esipata, ore eton meetae Abraham, Atii nanu”. Enyanyukie ena embuku Enaidurra 3:14 inakata pee eibalunyie Enkai keon anaa “ARA NANU”. Ore il-yahudi otoningó ena nedumu isoito pee earr ninye metua tengaraki netamoro enkarna olaitoriani enaa enajo inkitanapat emusa (Ilawi 24:16)
Kamaa Yesu ke Kenkai? — Ore ilasujak lenyena nibalie ninye anaa Enkai.
Eimaka Yohana em-bae e Yesu anaa Enkai: Ore ororei [Yesu] naa Enkai “niaku ororei inkiri” (yohana 1:1, 14. Kitodolu kulo rorei ajo ore Yesu naa enkai tiatua osesen. Ejoki iyiok Iasat 20:28 nchere “Entaa ilairirrak le nkanisa e Nkai nainyangúa to sarge lenye. “. Kangáe nainyangúa enkanisa to sarge lenye? Yesu Kristo. Nejo ake ele kereri nchere inyangúa Enkai enkanisa enye to sarge lenye. Niaku ore Yesu naa Enkai.
Etejo ninye Tomas kuna naipirta Yesu,”Olaitoriani lai naa Enkai ai “ (Yohana 20:28). Neitu eutaa Yesu ninye. Eitukuj iyiok Tito 2:13 pee kianyu elotunoto Enkai o Lalakunoni lang, Yesu Kristo (Ngúra sininye 2 Petero 1:1). Ore too Ilhebrania 1:8 etonyorayie papa lang yesu “Kake etejo ti alo oinoti lenye,”Ore olorika lino, iyie enkai naa oloo ntarasi o ntarasi orinka le supatisho ilo rinka le nkitoria ino”. Kejo papa ore yesu naa Enkai, aitodolu ajo ore Yesu naa njere Enkai.
Ore te mbolunoto, neitarriyan ormalaika Yohana pee eserem ake Enkai (embolunoto 19:10). Ore too nkatitin kumok naa kengamu Yesu eseremare (Matayo 2:11; 14:33; 28:9, 17; Luka 24:52; Yohana 9:38). Neitu aikata eisikong Yesu iltungana te neserem ninye. Naa teneme Enkai apa Yesu enata etiaka iltungana pee meserem ninye, anaa enaatasa ormalaika te embolunoto. Ore tialo kuna etii ake kulie wiejitin te Bibilia naitodolu njere ore Yesu naa Enkai.
Kamaa Yesu ke enkai? — Enaitodolu ajo ore Yesu naa Enkai.
Ore entoki e tipat naitodolu ajo ore Yesu naa Enkai, naa te neme Enkai, anaka a ore enkeeya enye nemeidip ataala ingok enkop (1 Yohana 2:2). Ore entoki naitobiraki, naa anaata a ninye era Yesu teneme Enkai, nemeidim atalaa ingók enkop pii. Enkai ake naidim ataalaa ing’ok pooki enkop (2 Irkorintio5:21) neeye, nepiu, pee eitodolu emirishoi enye teshumata oo ng”ok oo keeya.
Kamaa Yesu ke nkai? Eee ninye. Etejo Yesu kara nanu enkai. Iruko ilasujak lenyana ajo kera ninye Enkai. Pookin ake peasisho enjeunoto naa tenera Yesu Enkai. Era Yesu Enkai Alpha o Omega, etii apa o ntarasi (Embolunoto 1:8; 22:13) naa Enkai olaitajeunoni lang (2 Petero 1:1).
English
Kamaa yesu naa enkai? Ketii enkata naibalie Yesu ajo kera ninye enkai?