प्रश्न
यीशु मसीह कुण है?
उत्तर
काई परमेश्वर रो अस्तित्व है। इण सवाल रे उलट बहुत कम लोग ओ सवाल करियो के काई यीशु मसीह रो की अस्तित्व हो। ओ सामान्य रुप ऊ स्वीकारिजे के यीशु हाचाणि मांय एक मिनख हो जिको लगेटगे 2000 साल पैली इजराइल री धरती माथे रेवतो हो। बोल-चाल तद सरु व्हे जद यीशु री पक्की पैचाण रे बाबत विचार करे। लगेटगे हरेक धरम आ शिक्षा देवे है के यीशु एक आगमभाकी, के ऐक चोखो मास्टर, के पछै एक धारमिनक मिनख हो। समस्या आ है के बाइबल आपां ने बतावे के यीशु सरुआत ऊ ऐक आगमभाकी, एक चोखो मास्टर, के ऐक धारमिक मिनख ऊ घणौ ऊचो हो।
सी एस लुईस आपरी किताब “सिरफ मसीहियत”मांय ओ लिखे, “म्हे अठे किने ई ऊण स़ाची मूरखता पुरक बात ने केवणा ऊ रोकणा रौ कोसिस करू हू जिने लोग घणाकर यीशु रे बाबत केवे। ‘म्हे यीशु ने ऐक महान नैतिक मास्टर रे रुप मांय मानणा ने तियार हू, पण म्हे उण रे परमेश्वर व्हेणा रे दावा ने नी मानू। आ ऐक ऐड़ी बात है जिको आपां ने नीं केवणी चाइजै। ऐक मिनख जिको सिरफ ऐक मिनख हो अर इण तरै री बाता केवतो हो जेड़ी यीशु केयी ऐक महान नैतिक मास्टर नीं व्हे सके। वो के तो ऐक पागल मिनख हेतो- उण स्तर माथे ज्यू कोई मिनख केवे के वो ऐक हिड़योड़ो ईण्डो है- के पछे वो नरक रो राकसस व्हे सके। थाने थोरो चुनाव करणो चाइजै। के तो ओ मिनख, जिको परमेश्वर रो पुत्र हो अर है, के कोई पागल, के कीं ओर इण ऊ घणौ खराब मिनख। थे मुरखता रे वास्ते उणने चुप करा सको, उण माथे थूक सको अर ऐक दुस्ट आत्मा रे रुप मांय उने मार सको, के थे ऊन रे चरणा मांय पड़’र उणने प्रभु अर परमेश्वर केह सको। पण आपां ने कदैई किरपा ऊ भरयोड़ी मुरखता रे स़ाथै ओ निरणय नीं लेणौ चाइजै के वो ऐक महान मास्टर हो। वो ओ विकल्प आपा रे वास्ते खाली नीं छोडियो। उणरी ऐड़ी कोई मंशा नीं ही।“
इण वास्ते यीशु खुद रे वास्ते कुण है रो दावो करियो। बाइबल काई केवे के वो कुण हो? सबा ऊ पैली, यूहनना 10:30 मांय यीशु रा शब्दा री कानी देखा, “म्हे अर पिता ऐक हा।“ पैली निजर मांय, ओ परमेश्वर व्हेणा रा दावा रे रुप मांय निजर नीं आवे। पण तो ई, उण री बात माथे यहुदिया री प्रतिक्रिया ने देखो, “यहुदी उने जवाब दियो के भला काम वास्ते म्हे थारे माथै भाटा नीं फेका पण परमेश्वर री निन्दा करणा रे कारण, अर इण वास्ते के थु मिनख व्हेर अपने आप ने परमेश्वर बणावे(यहन्ना 10:33) यहुदी यीशु री बात ने परमेश्वर वेणा रो दावो समजियो। आगे आवण वाळी लाइणा मांय यीशु यहुदिया ने सुधारण वास्ते कदेइ ओ नी केयो, “म्हे परमेश्वर वेणा रो दावो नीं करियो”। ओ इशारो करे के यीशु आ घोसणा करता थका के, “म्हे अर पिता ऐक है।“(युहन्ना 10:30) साचाणी म्हे केवतो हो के वो परमेश्वर है।
यूहन्ना 8:58 एक भळे भळै उदाहरण है: यीशु कियो, “म्हे थारे ऊ स़ाची स़ाची बात केऊ के इण पैली के अब्राहम पैदा व्हियो, म्हे हू।“ ऐक बार भळै, प्रतिक्रिया मांय, यहुदी भाटा लेयर, यीशु ने मारना री कोशिस करी(यूहन्ना 8:59) यीशु आपरी पैचाण री घोसणा “म्हे हू” के’र दी वो पुराणा नियम मांय परमेश्वर रे नाम रो सीदी तौर माथे लागू व्हेती (निरगमन 3:14) यहुदी पाछा यीशु ने भाटा ऊ क्यू मारणी चावता हाजे अगर वो ऐड़ौ की नीं कियो जिने वे परमेश्वर री निन्दा करणौ समजता हा मतळब, परमेश्वर वेणा रो दावो।।
युहन्ना 1:1 केवे है के “वचन परमेश्वर हो।” युहन्ना 1:14 केवे है के “वचन डील बणियो।“ ओ साफ साफ इशारो करे के यीशु ई डील माय परमेश्वर है। चेलो थोमा यीशु रे बाबत केवे के, “हे म्हारा प्रभु, हे म्हारा परमेश्वर” (युहन्ना 20:28)। यीशु उने नीं सुधारियो। प्रेरित पोलुस उणरो इण रुप मांय बखान करे के, “आपरो महान परमेश्वर अर मोक्षदाता यीशु मसीह” (तितुस 2:13)। प्रेरीत पतरस ई ऐड़ो ईज केवे के, “आपां रा परमेश्वर अर मोक्षदाता यीशु मसीह” (पतरस 1:1) पिता परमेश्वर ई यीशु री पूरी पैचाण रा गवाह है, “पण पुत्र उ केवे के, ‘हे परमेश्वर थारो सिगासन जुग जुग रेवेला, थारो राज रो राजदण्ड न्याव रो राजदण्ड है’” पुराणा नियम री मसीह री करयोड़ी आगमभाकिया ऊन रे ईश्वरत्तव री घोसणा करे क, “क्यु के आपां रे वास्ते ऐक पुत्र दियो गयो है अर प्रभुता ऊण रे कधा माथे रेवेला, अर उण रो नाम गजब युक्ति करण वालापराक्रमी परमेश्वर, अनन्तकाल रो पिता अर शान्ती रो राजकुमार व्राखियो जावेला” (यशायाह 9:6)
इण वास्ते इज, जेड़ो के सी एस लुईस कियो हो के, यीशु ने ऐक चोखो मास्टर मानणौ कोई विकल्प नी है। यीशु साफ तौर माथे अर परमेश्वर वेणा ऊ ना देवण वाळा दावा ने करियो है। जे वो परमेश्वर नीं है तो पछे वो जुठौ है अर इण वास्ते ऐक आगमभाकी, चोखौ मास्टर के धारमिनक मिनख नी है। यीशु रे शब्दो रो बखान करणा रौ कोसिस करता थका आधुनिक विद्वान औ दावो करे के “हाचौ ऐतिहासिक यीशु” वा घणीकर बाता ने नी केयी जिको बाइबल मांय वो केयी। परमेश्वर रा वचन रे साथे बहस करण वाळा आपां कुण हा के यीशु काई कियो अर काई नी कियो? किकर कोई ऐक “विद्वान” जिको यीशु रे 2000 साल बाद आयो मांय ऐड़ो चोखो बौध वारी बजाय जिको उन रे साथै रिया, जिको उणरी सेवा करी अर खुद यीशु ऊ शिक्षा ली ऊं कीकर केह सके के यीशु काई केयो अर काई नीं केयो(यूहन्ना 14:26)?
यीशु री हाची पैचाण माथे सवाल इतो खास कयु है? इण बात रो काई सेलाण है के यीशु परमेश्वर हे के नी? इण रो सबा ऊ खास कारण ओ है के यीशु ने इन वास्ते परमेश्वर वेणो हो वो आओ है के जे परमेश्वर यीशु नी है, तो उणरी मौत पूरा संसार रा पाप रे जुरमाने री कीमत चुकावण वास्ते पुरी नी व्हे सकती। सिरफ परमेश्वर इज ऐड़ा अणमाप रा जुरमाना ने भर सके(रोमियो 5:8, 2करन्थियो 5:21) यीशु ने परमेशवर व्हेणो हो ताकी वो आपां रा करज ने चुका सके। यीशु ने मिनख बणनो हो ताकी वो मर सके। मौक्ष सिरफ यीशु मसिह माथे विश्वास करणा ऊ ईज मिळ सके। यीशु रो ईश्वरत्व इज है क्यू के वो ईज मोक्ष रो ऐकाएक मारग है। यीशु रो ईश्वरत्व इज है जिण कारण वो आ घोसणा करी के, “मारग अर सचाई अर जीवन म्हे ई हू। म्हारे बगैर कौइ पिता कने नीं पूग सके” (युहन्ना14:6)।
English
यीशु मसीह कुण है?