سوال
کیہ واقعی کلام پاک رب دا کلام اے؟
جواب
ساڈے ایس سوال دا جواب دینا اُکا ایہہ نتارا کرنا نہیں کہ کیویں کلام پاک نوں پڑھیئے تے ایہدا ساڈیاں حیاتیاں تے کیہ اثر اے، پر نال ای نال ایہدا ہمیش تیکر ساڈے تے وی اثر ہووے گا۔ جے کلام پاک اصل وچ رب دا کلام اے، فیر سانوں ایہدے وچ ودھنا چاہیدا اے، ایہنوں پڑھنا چاہیدا اے، ایہدی تابعداری کرنی چاہیدی اے تے ایہدے تے یقین کرنا چاہیدا اے۔ جے کلام پاک رب دا کلام اے تے اوہنوں دور کرنا چاہیدا اے جیہڑا رب توں دور کردا اے۔
اصل گل ایہہ اے کہ رب نے کلام پاک سانوں صرف ثبوت دے طور دتا اے تے اپنے پیار دی تشریح لئی دیتا اے۔ لفظ "مکاشفہ" دا سادہ جیہا مطلب اے کہ رب انساناں نوں دسنا چاہوندا اے کہ اوہ کیہ چاہوندا اے تے کیویں اسیں اوہدے نال ٹھیک "تعلق" رکھ سکنے آں۔ ایہہ اوہ شیواں نیں جیہناں نوں اسیں نہ جان سکدے آں تے نہ جان سکدے سی پر رب نے اپنی الٰہی قدرت دے نال ایہنوں ساڈے تے اپنے کلام پاک راہیں ظاہر کیتا اے۔ بھاویں کلام پاک وچ رب دا مکاشفہ بڑی کامیابی دے نال لگ بھگ 1500 سالاں توں بہتے چر وچ دتا گیا سی، ایہہ وچ سدا ہر اوہ شے رلتی ہوندی سی جو انسان نوں رب دے بارے جانن دی لوڑ سی تانجے اوہ اوہدے نال ٹھیک تعلق رکھ سکن۔ جے کلام پاک اصل وچ رب دا کلام اے، فیر ایہہ آخری اختیار اے ایمان دے سارے معاملیاں لئی ، مذہب تے چلن لئی، تے چنگیائی لئی۔
سوال جو سانوں اپنے آپ توں پُچھنا چاہیدا اے کہ اسی کیویں جانیئے کہ کلام پاک ای رب دا کلام اے تے چھڑا اک چنگی کتاب نہیں؟ کلام پاک وچ کیہ وکھری شے اے جو ایہنوں جگ دیاں دوجیاں ساریاں لکھیاں گئیاں کتاباں توں وکھ کردی اے؟ کیہ ایتھے کوئی ثبوت اے کہ کلام مقدس اصل وچ رب دا کلام اے؟ ایتھے بہت سارے سوال نیں جیہناں تے سانوں گوہ کرنا چاہیدا اے جے اسیں کلام پاک دے دعویاں دی گمبھیرتا دے نال پُن چھان کرنا چاہوندے آں کہ کلام پاک اصل وچ رب دا کلام اے، پاک الہام ، تے ایمان دے سارے معاملیاں تے عمل لئی پورے طور تے بتھیرا اے۔
ایتھے ایس سچائی وچ کوئی شک نہیں کیتا جا سکدا کہ کلام پاک دعویٰ کردا اے کہ اوہ اصل وچ رب دا کلام اے۔ بنا شک ایہناں آیتاں نوں ویکھیے 2۔تیُمتھُیس 3 باب 15 توں 17 آیت کہندی اے، "۔۔۔ تے توں بچپن توں ای ایہناں پاک نوشتاں توں واقف ایں جیہڑے تینوں مسیح یسوع تے ایمان لیاؤن نال مکتی پاؤن لئی عقل بخش سکدے نیں۔ ہر اک صحیفہ جیہڑا رب دے الہام دے نال اے تعلیم تے الزام تے اصلاح تے راستبازی وچ تربیت کرن لئی لاہے وند وی اے۔ تانجے رب دے بندے کامل ہون تے ہر اک چنگے کم لئی ہر ویلے تیار رہن"۔
ایہناں سوالاں دے جواب دین لگے اسیں اندروں باہروں سارے ثبوتاں نوں ویکھاں گے جیہڑے کلام پاک نوں رب دا سچا کلام ثابت کردے نیں۔ اندر دے ثبوت اوہ شیواں نیں جیہڑیاں کلام پاک وچ موجود نیں جیہڑیاں پاک نینہہ دی تصدیق کردیاں نیں۔ اندر دے ثبوتاں وچ پہلا اک ایہہ اے کہ کلام پاک اصل وچ رب دا کلام اے جو اوہدی واحدنیت توں ظاہر ہوندا اے۔ حالانکہ ایہہ اصل وچ 66 وکھریاں وکھریاں کتاباں نیں، تن براعظماں وچ لکھیاں گئیاں نیں، تن وکھریاں زباناں وچ لگ بھگ 1500 ورھے دے ویلے وچ 40 توں بہتے لکھاریاں (جیہڑے حیاتی بہت سارے شعبیاں توں آئے) ، کلام پاک مڈھ توں اخیر تیکر اک کتاب رہی اے بنا کسے پاڑ دے۔ ایہدی واحدنیت باقی کتاباں توں وکھری اے تے ثبوت اے پاک بنیاد کہ اے رب دا کلام اوہناں نوں انج تحریک دیندا اے کہ اوہ اوہدے اصلی کلام نوں لکھن دا کم کردے سن۔
اندرلے ثبوتاں دا اک ہور ثبوت جیہڑا ظاہر کردا اے کہ کلام پاک واقعی رب دا کلام اے جیہڑا تفصیل نال کلام پاک دے صفحیاں وچ درج پیشن گوئیاں تے مشتمل اے۔ کلام پاک وچ سو توں بہتیاں تفصیل وار پیشن گوئیاں نیں جیہناں دا سانگا بہت ساریاں قوماں دے بھلک دے نال اے جیہدے وچ اسرائیل وی رلتی اے، اوہناں خاص شہراں دا بھلک وی، سارے بندیاں دا بھلک وی، تے اوس اک دے آؤن لئی جیہڑا مسیح ہووے گا، جیہڑا چھڑا اسرائیل دا مکتی داتا نہیں ہوئے گا، سگوں اوہناں ساریاں دا جیہڑے اوہدے تے ایمان رکھن گے۔ پیشن گوئیاں جیہڑیاں ثابت نہیں ہوندیاں دوجے مذہباں دیاں کتاباں وچوں ملدیاں نیں تے اوہ پیشن گوئیاں جیہڑیاں نوسڑاڈیمس نے کیتاں نیں، کلام پاک دیاں پیش گوئیاں حد توں بہتیاں تفصل نال ہوندیاں نیں تے ہمیشہ سچائی دے نال پوریاں ہویاں تے کدی ناکام نہیں ہوئیاں۔ صرف پرانے عہد وچ تن سو (300) توں ودھ پیش گوئیاں یسوع مسیح دے بارے نیں۔ نہ صرف پہلاں توں دسیا گیا سی کہ کتھے جمے گا تے کس ٹبر چوں ہووے گا، سگوں نال ای ایہہ وی دسیا گیا سی کہ اوہ کیویں مرے گا تے اوہ تیجے دن فیر جیوندا ہووے گا۔ ایتھے ایہہ سادگی دے نال نہ کہ منطقی راہ نال بیان کیتا گیا کہ کلام پاک دیاں پوری ہو چکیاں پیش گوئیاں کسے دوجے دے نال نہیں سگوں پاک مڈھ توں اے۔ ایتھے کسے دوجے مذہب دی کوئی کتاب نہیں جیہڑی اینے کھلار وچ ہووے یاں پوریاں ہویاں پیش گوئیاں کرے جیویں کلام پاک وچ نیں۔
کلام پاک دا پاک الہام ہون دا تیجا اندرلا ثبوت ایہدے بے مثال اخیتار تے طاقت وچ نظر آؤندا اے۔ جدوں اے ثبوت پہلے دو اندرلے ثبوتاں توں بہتا ٹھیک اے، ایہہ کلام مقدس دے پاک الہام ہون دی بہت طاقتور گواہی توں گھٹ نہیں۔ کلام پاک بے مثال اخیتار رکھدا اے جیہڑیاں ہُن تک لکھیاں گئیاں ساریاں کتاباں توں وکھری اے۔ اے اختیار تے طاقت ان گنت لوکاں دی حیاتی وچ نظر آؤندا اے جیہناں نیں اپنی حیاتی نوں کلام پاک نوں پڑھن دے نال بدلیا اے۔ نشے دے عادی لوک ایہدی وجہ نال ٹھیک ہوجاندے نیں، آپس وچ غلط کاری کرن والے ایہدے راہیں آزاد ہو جاندے نیں، لاوارث تے قرض دے نال دبے ہوئے لوک بدل جاندے نیں، سخت عادی مجرم ٹھیک ہو جاندے نیں، پاپیاں دی ایہدے نال ملامت کیتی جاندی اے، تے ایہنوں پڑھن دے نال نفرت پیار وچ بدل جاندی اے۔ کلام پاک بدل دین دی قوت تے عمل دی طاقت رکھدا اے جو صرف ایس لئی ہوندا اے کیونجے ایہہ اصل وچ رب دا کلام اے۔
اندرلے ثبوتاں دے نال نال ایہہ کہ کلام رب دا کلام اے ایتھے باہرلے ثبوت وی نیں جیہڑے ظاہر کردے نیں کلام پاک اصل وچ رب دا کلام اے۔ ایہناں ثبوتاں وچ اک ثبوت کلام پاک دا پُرانا ہونا۔ کیونجے کلام پاک چنگی تفصیل دے نال درج تاریخی واپریاں دوجی تاریخی لکھیاں گئی کتاباں دے نال ملاؤن لئی ایس سچائی تے درستگی نوں ثابت کردے نیں۔ پرانے آثار تے لکھتاں دونے ثبوتاں دے نال، کلام پاک دی تاریخی تفصیل ویلے دے نال نال ثابت ہو گئی اے جیہڑی ٹھیک تے سچی اے۔ اصل وچ سارے پرانے آثار تے ہتھ دے نال لکھیاں گئی کتاباں دے ثبوت کلام پاک دی حمایت کردے نیں اے ایہنوں ایس پرانی دنیا دی بڑی چنگی طرحاں لکھی گئی کتاب دسدے نیں۔ اصل وچ کلام پاک درستگی تے سچائی دے نال تاریخی طور تے لکھیا جاندا رہیا سی ایہدیاں واپریاں دی تصدیق ایہدے سچے تے وڈے ہون نوں ظاہر کردی اے جدوں مذہبی گلاں تے ایہدی تعلیم تے ایہدے دعویاں نوں سچ ثابت کرن وچ مدد کردا اے کہ اے واقعی رب دا کلام اے۔
اک ہور باہرلا ثبوت جیہدے نال کلام پاک اصل وچ رب دا کلام ثابت ہوندا اے اوہ ہر لکھن والے دی راستبازی اے۔ جیویں پہلاں دسیا گیا ، رب نے حیاتی دے بہت سارے شعبیاں وچ لوکاں نوں ورتیا تانجے اوہ ساڈے لئی رب دا کلام لکھن۔ ایہناں لوکاں دی حیاتی دا مطالعہ کرن نال، ایتھے اوہہناں دے یقین نہ کرن دی کوئی چنگی وجہ نہیں کہ اوہ ایماندار تے مخلص لوک نہیں سن۔ اوہناں دی حیاتی تے گوہ نال جھات پائیے تے ایہہ گل ساڈے ساہمنے آوے گی کہ اوہ مرن دے امیداوار سی (کئی بہت دردناک موت مرے) کہ اوہ کیہ ایمان رکھدے سن، ایہہ چھیتی ای ظاہر ہو گیا کہ اوہ عام لوک سن پر ایماندار تے رب تے یقین رکھن والے سی تے رب اوہناں دے نال گل کردا سی۔ اوہ لوک جیہناں نے نواں عہد نامہ لکھیا تے بتھیرے دوجے ایماندار (1۔کرنتھیوں 15 باب 6 آیت) ایس گل دی سچائی نوں جان دے سن کیونجے اوہناں نے یسوع مسیح نوں مُردیاں وچوں جی اُٹھن توں مگروں ویکھیا تے نال ویلا لنگھایا سی۔ مسیح دی بدلی ہوئی صورت نوں ویکھنا ایہناں لوکاں تے اک اجیہا اثر رکھدا سی۔ اوہ ڈردے مارے نس گئے، جیہڑا سنیہا رب نے اوہناں نوں دتا اوہ اوس لئی مرن لئی وی تیار سی۔ اوہناں دی حیاتی تے موت ایس اصل دی تصدیق کردے نیں کہ کلام پاک ای سچے رب دا کلام اے۔
کلام پاک دا اک آخیری باہرلا ثبوت اے کہ کلام پاک لازوال اے۔ کیونجے ایہدی اچیچتا پاروں تے ایہہ دعویٰ کردا اے کہ ایہہ اصل وچ رب دا کلام اے، کلام پاک نے بہت سارے گندے حملے جرے نیں تے تاریخ وچ کوئی دوجی کتاب نہیں جیہنوں کلام پاک وانگر نیست کرن دی کوشش کیتی گئی ہوئے۔ شروع دے روم دے شہنشاواں نیں، اشتراکیت پسند حکمراناں نیں تے نویں دنیا دے بے دین تے پچھونہے وچاراں نوں منن والیاں نیں، کلام پاک نے بڑی حوصلے دے نال تے سنبھل کے ایہناں ساریاں دا ساہمنا کیتا تے ہن وی اے دنیا دی سب توں بہتی چھپن والی کتاب اے۔
ویلا لنگھن دے نال نال ، بے ایمان لوک جیہڑے کلام پاک نوں خیالی قصے من دے نیں، پر پرانیاں شیواں دا علم رکھن والیاں نے ایہنوں تاریخی منیا اے۔ مخالفاں نے حملے کیتے کہ ایہدی تعلیم پرانی تے گھٹیا اے، پر ساری دنیا وچ نیک تے شرعی تصورات تے تعلیمات نے قوماں تے وسیباں تے چنگا اثر رکھیا۔ ایہدے تے سائنس توں، علم نفسیات توں تے سیاسی تحریکیاں دے نال حملے جاری رکھے گئے تے اج وی ایہہ سچا تے مناسب اے جیویں اے پہلی واری لکھیا گیا سی۔ ایہہ اک کتاب اے جیہنے پچھلے 2000 ہزار ورھیاں توں ان گنت حیاتیاں نوں تے وسیباں نوں بدلیا اے ۔ ایہہ کوئی مسئلہ نہیں کہ کیویں ایہدے مخالف ایہدے تے حملے کردے نیں، تباہ کردے نیں یا ایہنوں بدنام کردے نیں، کلام پاک ہمیش وانگوں قائم اے ۔ سچ وانگوں، تے حملیاں دے مگروں اوس طرحاں ای قائم رہندا اے جیویں اوہ پہلاں سی۔ ایہدی درستگی جیہڑی محفوظ کیتی گئی سی ویریاں نے ہر وس لگدا ہنبھلا ماریا کہ ایہنوں وگاڑئیے، حملہ کرئیے یا تباہ کرئیے، ایہہ اصل گل دی صاف گواہی اے کہ کلام پاک ای رب دا سچا کلام اے۔ ایہہ ساڈے لئی کوئی حیرانی دی گل نہیں کہ کیویں کلام پاک تے حملے کیتے گئے، ایہہ ہمیش توں بنا کسے بدلی دے تے نقصان دے محفوظ نکلیا اے۔ آخرکار، یسوع نے آکھیا اے، "آسمان تے زمین ٹل جان گے، پر میریاں گل کدی وی نہ ٹلن گیاں" (مرقس 13 باب 31 آیت)۔ سارے ثبوتاں نوں ویکھ کے ہر کوئی بنا کسے شک دے کہہ سکدا اے کہ "ہاں کلام پاک ای سچے رب دا کلام اے"۔
English
کیہ واقعی کلام پاک رب دا کلام اے؟
