سوال
مسیحیت کیہ اے؟ تے مسیحاں دا ایمان کیہ اے؟
جواب
1۔کرنتھیوں 15 باب 1 توں 4 آیت دسدی اے، "ہن اے بھراؤ، میں تہانوں اوہی خوشخبری جتاؤنا جہیڑی پہلاں دے چکیا آں جیہنوں تسیں قبول کیتا سی تے جیہدے تے قائم وی او۔ اوس دے وسیلے تہانوں مکتی وی ملی اے شرط اے کہ اوہ خوشخبری جہیڑی میں تہانوں دتی سی یاد وی رکھدے او نہیں تے تہاڈا ایمان لیاؤنا بے فائدہ اے۔ ایس لئی میں ساریاں توں پہلے تہانوں اوہ گل ای پُچا دتی جہیڑی مینوں ملی سی کہ مسیح کتاب مقدس دے مطابق ساڈے پاپاں لئی مریا۔ تے دفن ہویا تے تیجے دن کتاب مقدس دے مطابق ای جی اُٹھیا"۔
بہت تھوڑے جہے لفظاں وچ ایہہ مسیحیت دا ایمان اے، مسیحیت دوجے سارے مذہباں توں بے مثال اے، کیونجے مسیحیت دے سانگے بارے اے، مذہبی عملاں دے الٹ۔ ایس دے بجائے کہ اسیں لمے چوڑے قانوناں دی اک لسٹ دے نال بجھے رہیے، اک مسیحی دا مقصد ایہہ ہوندا اے کہ اوہ خدا باپ دے نال اک پکا سانگا رکھیئے۔ ایہہ سانگا ممکن بن دا یسوع مسیح دے کم دی وجہ نال، تے حیاتی وچ مسیح بن کے پاک روح دے راہیں خدمت کرن نال۔
مسیحی ایمان رکھدے آں ہوئے کہ کلام پاک اک الہامی تے ہر غلطی توں پاک رب دا کلام اے ، تے ایہدی تعلیم آخری اخیتار اے (2۔تیُمتُھیس 3 باب 16 آیت؛ 2۔پطرس 1 باب 20 توں 21 آیت)۔ مسیحی اک رب تے یقین رکھدے نیں جیہدے وچ تین ہستیاں موجود نیں، پیو، پتر (یسوع مسیح) تے پاک روح۔
مسیحی ایمان رکھدے نیں کہ بنی نوع انسان نوں خدا دے نال سانگا رکھن لئی پیدا کیتا گیا اے، پر پاپ نے سارے انسانان نوں رب نوں جدا کر دتا اے (رومیوں 5 باب 12 آیت؛ رومیوں 3 باب 23 آیت)۔ مسیحیت تعلیم دیندی اے کہ یسوع مسیح زمین تے آئے، کامل خدا، تے نال ای کامل انسان (فلیپوں 2 باب 6 توں 11 آیت)، تے صلیب تے جان دتی۔ مسیحی ایمان رکھدے نیں کہ صلیب تے موت دے مگروں یسوع نوں دفنایا گیا، اوہ جی اُٹھیا، تے ہن رب دے سجے ہتھ رہندا اے، ایمانداراں لئی ہمیش دی شفاعت لئی (عبرانیوں 7 باب 25 آیت)۔ مسیحیت اعلان کردی اے کہ یسوع دی صلیب تے موت ای بتھیری سی جیہدے نال پورے طور تے پاپ دا کفارہ ادا کیتا گیا جدوں کہ انسان پاپ دا مقروض سی تے ایہہ رب تے بندے دے ٹٹے ہوئے ساک نوں مڑ بحال کردا اے (عبرانیوں 9 باب 11 توں 14 آیت؛ عبرانیوں 10 باب 10 آیت؛ رومیوں 6 باب 23 آیت؛ رومیوں 5 باب 8 آیت)۔
مکتی حاصل کرن لئی لوڑ اے کہ چھڑا اپنا پورا ایمان مسیح دے صلیب تے مکائے گئے کم تے رکھیئے۔ جے کوئی ایہہ ایمان رکھدا اے کہ مسیح اوہدے لئی مریا تے اوہدے پاپاں دا مُل تاریا، تے فیر جی اُٹھیا، تے اوس بندے نیں مکتی پائی اے۔ ایتھے کوئی شے نہیں جیہنوں کرن نال تسیں مکتی پا سکدے او۔ کوئی وی "راستباز" بن کے رب نوں خوش نہیں کرسکدا اوہ جنا ہوئے یاں زنانی۔ کیونجے اسیں سارے پاپی آں (یسعیاہ 64 باب 6 توں 7 آیت، یسعیاہ 53 باب 6 آیت)۔ دوجا، ایس توں بہتا کوئی وی کجھ نہیں کر سکدا، کیونجے مسیح نے سارا کجھ کر دتا اے جدوں اوہ صلیب تے سی، یسوع آکھیا، "مُک گیا" (یوحنا 19 باب 30 آیت)۔
ایتھے کوئی اجہیا کم نہیں جیہنوں کرن نال اسیں مکتی پا سکنے آں، جدوں کوئی جنا یاں زنانی مسیح دے صلیب تے کیتے گئے کم تے ایمان رکھدا اے، تے ایہہ ہو ای نہیں سکدا کہ اوہ جنا یا زنانی اپنی مکتی گنوا دیوے۔ چیتے رکھو، کم پورا ہوگیا اے تے مسیح نیں پورا کیتا اے۔ مکتی پاؤن لئی سانوں کوئی تھوڑ نہیں کہ اسیں اوہنوں حاصل نہ کرئیے یوحنا 10 باب 27 توں 29 آیت دسدی اے، "میریاں بھیڈاں میری واج سن دیاں نیں تے میں اوہناں نوں جان دا آں تے اوہ میرے پیچھے چلدیاں نیں تے میں اوہناں نوں ہمیش دی حیاتی دینا آں تے اوہ ابد تیکر کدی وی نہ مرن گیاں تے کوئی اوہناں نوں میرے ہتھ توں کھوہ نہیں لوے گا۔ میرا پیو جیہنے اوہناں نوں مینوں دتا اے ساریاں توں وڈا اے تے کوئی اوہناں نوں پیو دے ہتھ توں کھوہ نہیں سکدا"۔
کجھ ایہہ وچار کردے ہون گے ، "ایہہ بہت چنگا اے۔ اک واری میں مکتی پا لئی اے، میں اپنی مرضی دے نال کجھ وی کرسکناں آں تے میں اپنی مکتی کدی وی نہیں گنوا سکدا "پر مکتی دا مطلب انج نہیں کہ تسیں بے دھڑک ہو کے کجھ وی کرسکدے او۔ مکتی پاپ دی پرانی فطرت توں چھٹکارا دواؤندی اے تے رب دے نال چنگے ساک دی پیروی کرواؤندی اے۔ جنا چر ایماندار اپنے پاپی جثیاں دے نال دھرتی تے رہن گے، ایتھے پکے ہو کے ایہہ جتن کردے رہن کہ تسیں پاپ ول نہ جاؤ۔ پاپ وچ رہنا رب دے نال ساڈے ساک وچ بہت وڈی اڑیچ اے جہیڑی رب بندیاں وچ لبھدا اے۔ جنا چر کوئی ایماندار پاپ وچ اپنی حیاتی لنگھاؤندا اے، اوہ رب دے نال اپنے ساک دا پورا سواد نہیں لے سکدا جدوں تک کہ اوہ رب نوں اپنے ساہمنے نہ رکھے۔ فیر وی مسیحی نوں ایہہ جتن کردے رہنا چاہیدا اے کہ اوہ پاپ تے فتح حاصل کرسکدا اے، کلام پاک نوں من کے تے رب دے کلام نوں اپنی حیاتی وچ لاگو کرکے تے پاک روح دے اختیار نال۔ جہیڑا کہ روحانی اثر تے روز دیہاڑی ساڈی حیاتی وچ اگوائی تے اطاعت کردا اے، تے روحانی طور تے رب دے کلام دی تابعداری کردا رہے۔
پس، جدوں کہ بہت سارے مذہبی نظام کسے بندے توں ایہہ منگ کردے نیں کہ اوہ ایہہ کرے تے اوہ نہ کرے، مسیحیت رب دے نال سانگا رکھن بارے اے۔ مسیحیت ایمان رکھن بارے اے کہ مسیح نے صلیب تے ساڈے پاپ لئی اپنی جان دا مُل بھریا، تے فیر جی اُٹھیا۔ تہاڈے پاپ دا قرض ادا کر دتا تے تسیں رب دے نال رفاقت رکھ سکدے او۔ تسیں اپنی پاپ دے نال بھری فطرت تے فتح پا سکدے او تے رب دے نال رفاقت تے تابعداری وچ رہ سکدے اوہ ۔ ایہہ کلام پاک مُوجب سچی مسیحیت اے۔
English
مسیحیت کیہ اے؟ تے مسیحاں دا ایمان کیہ اے؟
