سوال
کلام پاک طلاق تے فیر ویاہ بارے کیہ کہندا اے؟
جواب
ساریاں توں پہلاں طلاق بارے کسے دے کجھ وی وچار ہون کلام پاک دے ایہہ لفظ یاد رکھن والے نیں جیہڑے ملاکی 2 باب 16 آیت وچ نیں "خداوند اسرائیل دا رب فرماؤندا اے میں طلاق توں بیزار آں"۔ کلام پاک دے مطابق ویاہ بارے رب دا منصوبہ اے پوری حیاتی دا عہد۔" بس اوہ دو نہیں سگوں اک جثہ نیں۔ ایس لئی جیہنوں رب نے جوڑیا اوہنوں بندہ وکھ نہ کرے (متی 19 باب 6 آیت)۔ رب نے جانیا کہ جدوں دو پاپ نال بھرے ہوئے جی ویاہ کردے نیں تے طلاق وجود وچ آؤندی اے۔ پرانے عہد نامے وچ اوہنے کجھ قانون بنائے جیہڑے کہ طلاق یافتہ لوکاں دے حقاں لئی سی اچیچا زنانیاں لئی (استثنا 24 باب 1 توں 4 آیت)۔ یسوع مسیح نے ایس گل نوں ظاہر کیتا کہ ایہہ قانون ایس لئی بنائے گئے کیونجے لوکاں دے دل سخت سی، ایہہ نہیں کہ رب انج چاہوندا سی (متی 19 باب 8 آیت)۔
بحث ایس گل تے مُک نہیں جاندی جدوں کہ طلاق تے فیر ویاہ دی اجازت کلام پاک وچ یسوع مسیح دے ایہناں لفظاں دے آسے پاسے گھمدی اے جتھے اوہناں نیں (متی 5 باب 32 آیت اتے 19 باب 9 آیت) وچ آکھیا اے۔ خورے "سوائے بدکاری" دے کلام پاک وچ ایہو اوہ اک شے اے جیہڑی ممکنہ طور تے رب ولوں طلاق تے فیر ویاہ دی اجازت دیندی اے۔ بہت سارے ترجمہ کرن والے ایس گل نوں اک "ممنوعہ اصول" سمجھدے نیں تے انج حوالے دیندے نیں کہ بدکاری جیہڑی منگنی ہو جان توں مگروں ہوئے۔ یہودی رسم و رواج وچ اک بندے تے اک زنانی نوں ویاہے سمجھیا جاندا سی جدوں کہ حالے اُکا اوہناں دی منگنی ای ہوئی ہوئے۔ بدکاری ای ایس سانگے نوں توڑن لئی اک جائز وجہ اے جیہدی وجہ نال طلاق ہو سکدی اے۔
پر یونانی لفظ دا ترجمہ "بدکاری" کیتا گیا اے ایس لفظ دا مطلب اے کہ ہر طرحاں دی جنسی بدکاری۔ ایہدا مطلب اے کہ بد کرداری، عصمت فروشی، زناکاری تے ہور کئی کجھ۔ یسوع مسیح نے آکھیا کہ طلاق ایس صورت وچ ہو سکدی اے جدوں جنسی بدکاری دا پاپ سرزد ہوئے۔ جنسی سانگے اک ویاہہ وری حیاتی دا خاص تے اک عہد اے "اوہ دوویں اک جثہ ہون گے" (پیدائش 2 باب 24 آیت؛ متی 19 باب 5 آیت؛ افسیوں 5 باب 31 آیت)۔
ایس لئی ویاہ دے ایس پاک عہد نوں اُکا جنسی سواد لئی توڑنا طلاق لئی اک جائز وجہ اے۔ جے انج اے یسوع مسیح ایس حوالے وچ فیر ویاہ بارے جان دے نیں، "تے میں تہانوں کہنا آں کہ جیہڑا وی اپنی ووہٹی نوں بدکاری دے سوا کسے ہور سبب نال چھڈے تے دوجی دے نال ویاہ کرے اوہ زنا کردا اے تے جیہڑا کوئی اوس چھڈی ہوئی نال ویاہ کرے اوہ وی زنا کردا اے" (متی 19 باب 9 آیت)۔ ایہہ ظاہر کردا اے کہ طلاق تے فیر ویاہ دی اجازت اے اُکا اوس ویلے جدوں ایس مناہی والے اصول نوں توڑیا جائے یاں کوئی ایہنوں جیویں وی سمجھے۔ ایہہ یاد رکھنا ضروری اے کہ اُکا اوہ دھر فیر ویاہ کرسکدی اے جیہڑی پاک اے۔ بھاویں ایہہ گل ایہناں آیتاں وچ لکھی ہوئی تے نہیں اے طلاق دے مگروں فیر ویاہ خدا ولوں رحم تے اک وادھو بخشش اے کہ جیہڑا وی اوہدا پاک کیتا اے، ایس لئی نہیں جیہناں نے جنسی بدکاری کیتی اے۔ انج وی ہو سکدا اے کہ پاپی بندہ وی فیر ویاہ کرلوے، پر ایس طرحاں دا کوئی وچار ایہناں آیتاں وچ نہیں آیا۔
کجھ لوک1۔کرنتھیوں 7 باب 15 آیت وچ اک ہور رعایت سمجھدے نیں جیہڑی فیر ویاہ لئی اجازت دیندی اے جے کوئی بے ایمان بندہ کسے ایماندار نوں طلاق دیوے۔ فیر وی ایہنناں آیتاں وچ ایہہ نہیں لکھیا کہ اوہ فیر ویاہ کرے، پر ایہہ آکھیا گیا اے کہ ایمان والے بندے لئی ضروری نہیں کہ اوہ اپنے ویاہ دے عہد نوں جاری رکھے جے کوئی بے ایمان بندہ اوہنوں چھڈنا چاہے۔ کجھ ایہنوں گالھ سمجھدے نیں (کھسم / تیویں تے بچے) کہ ایہہ اک جائز وجہ اے طلاق لئی تے نہ ای اوہناں دی کوئی تفصیل کلام پاک وچ موجود اے۔ جدوں ایہہ ایس مسئلے بارے ٹھیک اے، ایہہ بالکل کوئی سیانف نہیں کہ اسیں کلام پاک بارے پہلاں کوئی سٹہ کڈھ لئیے۔
اکثر اسیں بحث وچ دور چلے جانے آں ایس رعایت بارے جیہڑی کہ سچ اے کہ "بدکاری" دا کوئی وی روپ ہوئے طلاق اوہدی بخشش اے۔ طلاق دی لوڑ نہیں۔ ایتھوں تیکر کہ جدوں کوئی جوڑا زناکاری دا پاپ کردا اے، رب فضل نال معافی نوں سمجھدا اے تے ویاہ دے مگروں حیاتی فیر شروع کردا اے۔ رب سانوں بہت ساریاں شیواں توں معاف کر دیندا اے۔ یقیناً اسیں اوہدی مثال نوں اپنے ساہمنے رکھدے ہوئے زناکاری جہے پاپ نوں وی معاف کر سکدا اے (افسیوں 4 باب 32 آیت)۔ فیر وی بہت واری ویکھیا گیا اے کہ اک بندہ تے ایہہ حاصل نہیں کردا تے جنسی بدکاری جاری رکھدا اے ایس لئی اوتھے متی 19 باب 9 آیت ہر طرحاں نال پوری ہوندی اے۔ ویکھیا گیا اے کہ بہت سارے لوک طلاق مگروں تُرت ویاہ کرلیندے نیں جدوں کہ رب چاہوندا اے کہ اوہ بغیر ویاہ توں ای رہے۔ رب اکثر لوکاں نوں بغیر ویاہ توں ای بلاؤندا اے ایس لئی کہ اوہناں دا دھیان اُکا اک پاسے ای ہوئے (1۔کرنتھیوں 7 باب 32 توں 35 آیت)۔ طلاق مگروں فیر ویاہ کر لینا کجھ تھاواں تے ہو سکدا اے ، پر ایہد ایہہ مطلب نہیں کہ صرف ایہو ہو سکدا اے۔
ایہہ بڑے ای ہرکھ دی گل اے طلاق دی شرح مسیحی ایمانداراں وچ بے ایماناں دی نسبت بہتی اے۔ کلام پاک بہت ای سختی دے نال تے صاف طور تے دسدا اے کہ رب طلاق توں نفرت کردا اے (ملاکی 2 باب 16 آیت) تے صلح تے معافی اک ایماندار دی حیاتی دی علامت اے (لوقا 11 باب 4 آیت؛ افیسوں 4 باب 32 آیت)۔ فیر وی رب جان دا اے کہ طلاق ہوئے گی۔ پر اوہدے بچیاں وچ وی۔ اک طلاق مگروں فیر ویاہیا ہویا ایماندار بالکل ایہہ محسوس نہ کرے کہ رب اوہدے نال گھٹ پیار کردا اے، ایتھوں تیکر کہ اوہدی طلاق تے فیر ویاہ ایس ممنوع اصول توں پرانہہ اے (متی 19 باب 9 آیت) دے دائرے وچ آؤندی ہوئے یاں نہیں۔ رب اکثر پاپ دے نال بھری ہوئی نافرمانیاں نوں وی مسیحاں دی بھلائی لئی ورتدا اے۔
English
کلام پاک طلاق تے فیر ویاہ بارے کیہ کہندا اے؟
