سوال
کیہ ہمیش دی حفاظت کلام پاک دے مطابق اے؟
جواب
جدوں لوک مسیح نوں اپنے مکتی داتا دے طور تے جاندے نیں، اوہ رب دے نال اک رشتے وچ آ جاندے نیں جیہڑا اوہناں دی ہمیش دی حفاظت دی ضمانت اے۔ یہوداہ 24 آیت وچ اعلان کردا اے، "ہن جیہڑا تہانوں ٹھیڈا لگن توں بچا سکدا اے تے اپنے جلال نال بھر حضور وچ کمال خوشی دے نال بے عیب کھڑا کر سکدا اے"۔ رب دی قوت ایماندار نوں ٹھوکر کھان توں بچا سکدی اے۔ ایہہ اوہدی وجہ توں اے، ساڈی وجہ توں نہیں، سانوں اوہدے جلال دے حضور وچ لیاؤندی اے۔ ساڈی ہمیش دی حفاظت ایس گل دا ثبوت اے کہ رب ساڈی دیکھ بھال کردا اے، اسیں اپنی مکتی آپ ای قائم نہیں رکھ سکدے۔
رب یسوع مسیح نے اعلان کیتا، "تے میں اوہناں نوں ہمیش دی حیاتی دینا آں تے اوہ ہمیش تیکر کدی وی نہ مرن گے تے کوئی اوہناں نوں میرے ہتھ وچوں کھوہ نہیں لوے گا۔ میرا پیو جیہنے اوہناں نوں مینوں دتا اے سب توں وڈا اے تے کوئی اوہناں نوں پیو دے ہتھ وچوں کھوہ نہیں سکدا" (یوحنا 10 باب 28 توں 29)۔ یسوع تے پیو دوویں سانوں اپنے ہتھاں وچ مضبوطی دے نال پھڑ کے رکھدے نیں۔ پیو تے پتر دوہاں دی پکڑ وچ کون سانوں وکھ کرسکدا اے؟
افسیوں 4 باب 30 آیت سانوں دسدی اے کہ ایمانداراں "تے مخلصی دے دن لئی مہر ہوئی اے"۔ جے ایمانداراں دے کول ہمیش دی حفاظت نہیں اے تے مخلصی دے دن لئی مہر اصل نہیں ہو سکدی، پر صرف پاپ کرن دے دن، رب توں انکار کرن دے دن یاں بے یقینی ۔یوحنا 3 باب 15 توں 16 آیت سانوں دسدی اے کہ جیہڑا وی یسوع مسیح تے ایمان رکھدا اے "ہمیش دی حیاتی رکھدا اے"۔ جے کسے بندے دے نال ہمیش دی حیاتی دا وعدہ کیتا گیا سی، پر فیر اوس وعدے نوں واپس لے لیا گیا اے، ایہہ کدی وی "ہمیش"دا وعدہ نہیں سی۔ جے ہمیش دی حفاظت اصلی نہیں اے ، کلام پاک وچ ہمیش دی حیاتی دا وعدہ غلط ہوئے گا۔
سب توں زبردست دلیل اے ہمیش دی حیاتی لئی رومیوں 8 باب 38 توں 39 آیت وچ، "کیونجے مینوں یقین اے کہ رب دی جیہڑی محبت ساڈے رب مسیح یسوع وچ اے اوہدے توں سانوں نہ موت نکھیڑ سکدی اے نہ حیاتی ۔ نہ فرشتے نہ حکومتاں ۔ نہ حال دیاں نہ استقبال دیا شیواں ۔ نہ قدرتاں نہ اُچاناں نہ نیواناں نہ کوئی ہور مخلوق۔ ساڈی ہمیش دی حفاظت دی نیہنہ رب دی محبت اے، ایہہ اوہناں لئی اے جیہڑے مکتی پا چکے نیں۔ ساڈی ہمیش دی حفاظت یسوع نے خرید لئی اے، پیو نے وعدہ کیتا اے تے پاک روح دی مہر کیتی اے۔
English
کیہ ہمیش دی حفاظت کلام پاک دے مطابق اے؟
