سوال
میں یقین نال کیویں جان سکناں کہ جدوں میں مراں گا تے اسمان تے جاواں گا؟
جواب
کیہ تسیں یقین نال کہہ سکدے اوہ کہ تہاڈے کول ہمیش دی حیاتی اے تے جدوں تسیں مرو گے تے اسمان تے جاؤ گے؟ رب چاہوندا اے کہ اسیں ہمیش دی حیاتی پائیے کلام پاک کہندا اے کہ: "میں تہانوں جیہڑے رب دے پُتر دے ناں تے ایمان لیائے اوہ ایہہ گلاں ایس لئی لکھیاں کہ تہانوں پتہ لگے کہ ہمیش دی حیاتی رکھدے او" (1۔یوحنا 5 باب 13 آیت)۔ فرض کرو کہ ٹھیک ہن تسیں رب دے ساہمنے کھڑے اوہ تے اوہ کہندا اے کہ "میں تہانوں آسمان تے کیوں جان دیواں؟ "تسیں کیہ جواب دیو گے؟ تسیں نہیں جان دے کہ کیہ جواب دیو گے۔ تہانوں جو جانن دی لوڑ اے اوہ ایہہ کہ رب سانوں پیار کردا اے تے سانوں اک راہ وکھائی اے جیہدے راہیں اسیں جان سکدے آں کہ اسیں اپنی ہمیش دی حیاتی کتھے گزاراں گے۔ کلام پاک ایس طرحاں دسدا اے: "کیونجے رب نے دنیا دے نال اجہیی محبت رکھی کہ اوہنے اپنا اکلوتا پتر بخش دتا تانجے جیہڑا اوہدے تے ایمان رکھے مرے نہ سگوں ہمیش دی حیاتی پائے" (یوحنا 3 باب 16 آیت)۔
سانوں ساریاں توں پہلاں ایہہ جانن دی لوڑا اے کیہڑیاں شیواں سانوں آسمان دی بادشاہی وچ جان توں روکدیاں نیں۔ مسئلہ ایہہ اے کہ ساڈی پاپ دے نال بھری ہوئی فطرت سانوں رب دے نال ساک بناؤن توں روکدی اے۔ اسیں فطری طور تے اپنی مرضی دے نال پاپی آں۔ "ایس لئی کہ ساریاں نے پاپ کیتا تے رب دے جلال توں دور نیں" (رومیوں 3 باب 23 آیت)۔ اسیں اپنے آپ نوں نہیں بچا سکدے۔ "کیونجے تہانوں ایمان دے وسیلہ نال فضل نال ای مکتی ملی اے تے اے تہاڈے ولوں نہیں رب دی بخشش اے۔ تے نہ کماں دے سببوں تانجے کوئی مان نہ کرے" (افسیوں 2 باب 8 تے 9 آیت)۔ اسیں موت تے دوزخ دے حقدار آں۔ "کیونجے پاپ دی کمائی موت اے" (رومیوں 6 باب 23 آیت)۔
رب پاک اے تے صرف اوہ پاپ توں ای نفرت کردا اے، فیر وی اوہ سانوں پیار کردا اے تے سانوں ساڈے پاپاں دی معافی دیندا اے۔ یسوع نے آکھیا: "کہ راہ تے سچائی تے حیاتی میں آں۔ کوئی میرے وسیلہ دے بغیر پیو دے کول نہیں آ سکدا" (یوحنا 14 باب 6 آیت)۔ یسوع نے صیلب تے ساڈے لئی جان دتی: "ایس لئی کہ مسیح نیں وی یعنی راستبازاں نے ناراستاں لئی پاپاں دی وجہ نال اک واری دکھ چکیا تانجے سانوں رب دے کول لے جائے" (1۔پطرس 3 باب 18 آیت)۔ یسوع مُردیاں وچوں جی اُٹھیا: "اوہ ساڈے قصوراں لئی پھڑیا گیا تے سانوں چنگا بناؤن لئی جیوندہ کیتا گیا" (رومیوں 4 باب 25 آیت)۔
فیر، اپنے سوال تے پرتیئے۔ "میں یقین نال کیویں جان سکناں کہ جدوں میں مراں گا تے اسمان تے جاواں گا؟" جواب اے۔ یسوع مسیح تے ایمان لیا تے توں مکتی پایں گا (اعمال 16 باب 31 آیت)۔" پر جیہناں نے اوہنوں قبول کیتا اوہنے اوہناں نوں رب دے پتر بنن دا حق دتا یعنی اوہناں نوں جیہڑے اوہدے ناں تے ایمان لیاؤندے نیں" (یوحنا 1 باب 12 آیت)۔ تسیں ہمیش دی حیاتی دا تحفہ مفت پا سکدے او۔ "۔۔۔ پر رب دی بخشش ساڈے رب مسیح یسوع وچ ہمیش دی حیاتی اے" (رومیوں 6 باب 23 آیت)۔ تسیں اج توں اک مکمل تے بامعنی حیاتی لنگھا سکدے او۔ یسوع نے آکھیا: "۔۔۔ میں ایس لئی آیاں کہ اوہ حیاتی پاؤن تے کثرت دے نال پاؤن" (یوحنا 10 باب 10 آیت)۔ تسیں اسمان تے یسوع دے نال ہمیش دی حیاتی لنگھا سکدے اوہ، جیہدا اوہنے وعدہ کیتا اے: "تے جے میں جا کے جگہ تیار کراں تے فیر آ کے تہانوں اپنے نال لے جاواں گا تانجے جتھے میں آں تسیں وی اوتھے ہووو" (یوحنا 14 باب 3 آیت)۔
جے تسیں یسوع نوں اپنا مکتی داتا قبول کردے اوہ تے رب دے کولوں معافی لینا چاہوندے او، ایتھے اک دعا دا نمونہ اے۔ یاد رکھو، ایس دعا نوں پڑھن یاں کسے ہور دعا نوں پڑھن نال تہانوں مکتی نہیں مل سکدی ۔ اُکا مسیح تے ایمان لیاؤ اوہ تہانوں تہاڈے پاپاں توں مکتی دے سکدا اے۔ ایہہ دعا سادہ جہیا اک رستہ اے رب دے نال تہاڈے ایمان دے اظہار دا تے اوہدا شکر کرو کہ اوہنے تہانوں مکتی دتی اے۔ "ربا! میں جانناں کہ میں تیرے خلاف پاپ کیتا اے تے میں سزا دا حقدار آں۔ پر جیہڑی سزا دا میں حقدار سی یسوع مسیح نے اوہ سزا اپنے اُتے لے لئی بس اوہدے تے ایمان نال میں معافی پا لئی اے۔ میں اپنے پاپاں توں دور رہواں گا تے اپنا ایمان تیرے تے رکھناں اپنی مکتی لئی۔ میں شکر کرناں تیرے اجہے فضل تے بخشش دا۔ جیہڑا ہمیش دی حیاتی دا تحفہ اے آمین"۔
جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔
English
میں یقین نال کیویں جان سکناں کہ جدوں میں مراں گا تے اسمان تے جاواں گا؟
