سوال
ہتھ رسی۔ کیہ ایہہ کلام پاک دے مطابق پاپ اے؟
جواب
کلام پاک وچ اچیچا تے ہتھ رسی دا ذکر نہیں تے نہ ای دسیا گیا اے کہ ہتھ رسی کرنا پاپ اے۔ نہ ای کوئی سوال اے، فیر وی پر جیویں ہتھ رسی کرن لئی عمل کیتے جاندے نیں اوہ پاپ نیں۔ ہتھ رسی کرنا شہوت نال بھرے خیالاں دا اخیری سٹہ اے، جنسی جذبات نوں ابھارنا تے یاں گندیاں مُورتاں۔ ایہہ اوہ اوکڑاں نیں جیہناں توں روکن دی لوڑ اے۔ جے شہوت تے جنسی طور تے ابھارن والی شے نوں چھڈ دتا جائے تے اوہناں تے قابو پایا جا سکدا اے۔ تے ہتھ رسی دا مسئلہ کوئی مسئلہ نہیں ہوئے گا۔ کلام پاک سانوں دسدا اے کہ جنسی بدکرداری دی موجودگی توں وی بچن دی لوڑ اے "افیسوں 5 باب 3 آیت"۔
میں نہیں ویکھیا کہ کنے ہتھ رسی کرن والیاں نے ایہہ امتحان پاس کیتا اے۔ کسے ویلے اک چنگی جانچ کہ کوئی شے پاپ اے یاں نہیں تسیں دوجیاں نوں بڑے مان دے نال دسو گے کہ تسیں کیہ کیتا اے۔ جے انج دی کسے شے دے پاروں دوجیاں نوں پتہ لگے جیہدے توں تسیں پریشان ہوو یاں تہانوں نموشی اے، ایہہ بہت ممکن اے کہ ایہہ پاپ اے۔ اک دوجا امتحان ایہنوں ایمانداری دے نال جانچنا اے، سچے دل نال رب نوں کہو کہ اوہ تہانوں برکت دیوے تے اپنے کم لئی چنگے مقصد لئی ورتے۔ میں انج نہیں سوچدا کہ ہتھ رسی کوئی انج دا کم اے جیہدے تے اسیں"مان" کرئیے یاں اصل وچ رب دا شکر ادا کرئیے۔ کلام پاک سانوں تعلیم دیندا اے، "بس، تسیں کھاؤ یاں پیو یاں جو کجھ کرو سب کجھ رب دے جلال لئی کرو" "1۔کرنتھیوں 10 باب 31 آیت"۔ جے ایتھے شک دی کوئی تھاں اے کہ ایہدے توں رب خوش ہوندا اے تے فیر ایہہ چنگا اے کہ ایہنوں چھڈ دتا جاوے۔ ہتھ رسی دے پاروں ایتھے شک دی گنجائش اے۔"جو کجھ وی ایمان دے نال نہیں اوہ پاپ اے" "رومیوں 14 باب 23"۔
مینوں نہیں پتہ کہ کیویں کلام پاک دے مطابق ہتھ رسی توں رب دی تمجید ہوندی اے۔ ہور سانوں ایہہ چیتے رکھن دی لوڑ اے کہ ساڈے پنڈے ساڈیاں روحاں مکتی پا چکیاں نیں تے رب دی ملکیت نیں۔ "کیہ تسیں نہیں جان دے کہ تہاڈے پنڈے روح القدس دا مقدس نیں جہیڑا تہاڈے وچ اے تے تہانوں رب ولوں ملیا اے، تے تسیں اپنے نہیں۔ کیونجے مُل تار کے خریدے گئے او۔ بس اپنے پنڈے دے نال رب دا جلا ل ظاہر کرو" "1۔کرنتھیوں 6 باب 19 تے 20 آیت"۔ ایہہ وڈا سچ سانوں جرنا پوے گا کہ اسیں کیہ کردے آں تے اپنے جُثیاں دے نال کتھے جاواں گے۔ بس ایہناں اصولاں دی لوئے، میں یقینی طور تے کہنا کہ ہتھ رسی کرنا کلام پاک دے مطابق پاپ اے۔ میں یقین نہیں کردا کہ ہتھ رسی کرنا رب نوں خوش کردا اے، بدکرداری دی موجودگی توں بچئیے، یاں آزمائش وچ پورے اترئیے تانجے رب ساڈا جُثیاں تے ملکیت رکھے۔
English
ہتھ رسی۔ کیہ ایہہ کلام پاک دے مطابق پاپ اے؟
