سوال
حیاتی دا کیہ مطلب اے؟
جواب
حیاتی دا کیہ مطلب اے؟میں اپنی حیاتی دا مقصد، اوہدا پُورا ہونا تے سکون کیویں حاصل کر سکدا آں؟ کیہ میں کسے شے دے ہمیش رہن دے مطلب نوں پورا کرن دی طاقت رکھدا آں؟ بہت سارے لوک کدی ایس گل تے گوہ کرنا بند نہیں کردے کہ حیاتی دا کیہ مطلب اے۔ اوہ سالاں بعد پیچھے مڑ کے ویکھدے نیں تے حیران ہوندے نیں کہ کیوں اوہناں دے سانگے خراب ہوئے سی تے کیوں اوہ بہت خالی خالی جہیا محسوس کردے نیں جے اوہ سب کجھ حاصل کر چکے نیں جو اوہناں نے پورا کرن دا وچار کیتا سی۔ اک بیس بال کھیڈن والے کھلاڑی نے آکھیا جیہڑا بیس بال وچ بہت شہرت حاصل کر چکیا سی اوہنے سدھر رکھی کہ جدوں اوہنے بیس بال کھیڈنا شروع کیتا تے کوئی اک اوہنوں دسن والا ہوندا اوہنے آپ ای جواب دتا، "میری سدھر اے کہ کوئی مینوں دسدا کہ جدوں میں بہت اُتے ہواں گا تے اوتھے کوئی نہیں ہوئے گا"۔ بہت سارے مقصد اپنا خالی پن اُکا اوس ویلے ظاہر کردے نیں جدوں اوہناں دا پچھا کردیاں کئی ورہے برباد ہو جاندے نیں۔
ساڈے انسانی وسیب وچ لوک اپنے بہت سارے مقصداں دا پچھا کردے نیں، وچار کردے نیں کہ اوہ ایہہ مقصد پاؤن گے۔ اوہناں وچوں کجھ اوہناں شیواں دا پیچھا کردے نیں جیویں: کاروبار وچ کامیابی، دولت، چنگے سانگے، جنسی سواد، موج میلہ، دوجیاں لئی چنگا کرنا تے ہور کئی کجھ۔ لوک گواہی دیندے نیں کہ جدوں اوہناں نے اپنے مقصد جیہڑے دولت، سانگیاں تے خوشی نوں حاصل کیتا، پر فیر وی اوہناں دے اندر اک خالی پن موجود سی۔ خالی پن دا احساس جیہڑا کدی بھردا نظر نہیں آؤندا۔
کلام پاک وچ واعظ دی کتاب نوں لکھن والا اپنے ایس احساس نوں انج دسدا اے جدوں اوہنے آکھیا، "غلط ای غلط، غلط ای غلط ۔۔۔سب کجھ غلط "۔ ایس دے لکھاری دی دولت نوں گنیا نہیں جا سکدا سی، حکمت وچ وی کوئی بندہ اوہدے ورگا نہیں سی اوس ویلے تے ساڈے ویلے وچ، اوہدیاں سینکڑیاں دے حساب وچ تیویاں سن، محلات تے باغات جیہڑے کہ بادشاہت دا غرور سن، چنگا کھانا، مے تے ہر قسم دی خوشی اوہدے کول سی۔ تے اوہنے اک تھاں تے آکھیا، جیہڑی شے نوں اوہدا دل چاہیا اوہنے حاصل کیتی۔ تے ہن اوہنے ایہہ سٹہ کڈھیا "دھرتی دے سارے کم خراب نیں" (جیویں اسیں سارے حیاتی گزاردے آں حیاتی کیہ اے جیہڑی اسیں اپنیاں آکھاں نال ویکھدے آں تے اوہدی آزمائش اپنی عقل دے نال کردے آں) غلط اے کیویں ایہہ انج خالی اے؟ کیونجے رب نے سانوں ایس لئی بنایا کہ اسی کجھ شیواں دی اج آزمائش کرئیے۔ سلیمان نے رب نوں آکھیا، "اوہنے ہمیشگی نوں اوہدے دل وچ پایا۔۔۔"۔ اسی اپنے دلاں وچ اوہدے نال واقفیت رکھدے آں جیہڑا "اج" ایتھے اے اوہ سب کجھ نہیں اے۔
پیدائش کلام پاک دی پہلی کتاب اسیں ویکھنے آں کہ رب نے بنی نوع انسان نوں اپنی شکل تے بنایا (پیدائش 1 باب 26 آیت)۔ ایہدا مطلب اے کہ اسیں خدا ورگے آں نہ کہ کسے ہور شے ورگے (کسے ہور جیوندی شے ورگے)۔ سانوں ایہہ وی پتہ اے کہ بنی نوع انسان دے پاپ وچ ڈگن توں پہلاں تے دھرتی تے لتھ آؤن توں پہلاں تھلے دتیاں ہوئیاں شیواں سچ سی: (1) رب نے انسان نوں میل ملاپ والی مخلوق بنایا (پیدائش 2 باب 18 توں 25 آیت)؛ (2) رب نے بندے نوں کم دتا (پیدائش 2 باب 15 آیت)؛ (3) رب بندے دے نال میل ملاپ رکھدا سی (پیدائش 3 باب 8 آیت)؛تے (4) رب نے انسان نوں زمین تے اختیار دتا (پیدائش 1 باب 26 آیت)۔ ایہناں شیواں دا کیہ مطلب اے؟ میں یقین رکھدا آں کہ رب ایہناں شیواں نوں ساڈی حیاتی دی لوڑ لئی رکھیا اے، پر ایہناں سب وچ (خاص طور تے رب دا انسان دے نال میل ملاپ) بری طرحاں متاثر ہویا سی انسان دے پاپ وچ ڈگن دی وجہ توں تے ایس لئی زمین لعنتی ہوئی (پیدائش 3 باب)۔
مکاشفہ کلام پاک دی آخری کتاب اے، آخر وچ تے آخرت وچ خدا ظاہر کردا اے کہ اوہ ہن دی دھرتی تے آسمان نوں تباہ کرے گا جیہنوں اسیں جان دے آں تے اوہ ہمیش دی حیاتی وچ خالق بن کے نویں آسمان تے نویں زمین نوں پیدا کرے گا۔ اوس ویلے، اوہ فیر توں پورا میل ملاپ بحال کرے گا مُکت بنی نوع انسان دے نال۔ جیہڑے انسان لائق نہ ہون گے اوہناں دی عدالت ہوئے گی تے اوہ آگ دی جھیل وچ سٹے جان گے (مکاشفہ 20 باب 11 توں 15 آیت)۔ تے پاپ دی لعنت اوہناں توں دور کر دتی جائے گی؛ اوتھے پاپ، ہنجو، بیماری، موت درد تے ہور نک سُک نہ ہون گے (مکاشفہ 21 باب 4 آیت)۔ تے ایماندار اوہناں شیواں دے وارث ہون گے؛ رب اوہناں دے نال رہے گا تے اوہ اوہدے پتر ہون گے (مکاشفہ 21 باب 7 آیت)۔ پس اسیں رب دے پورے دائرے وچ آنے آں جیہنے سانوں اپنے نال میل رکھن لئی بنایا اے؛ بندے نے پاپ کیتا، میل ملاپ نوں توڑیا، رب ایس میل ملاپ نوں پورے طور تے بحال کردا اے اوہناں لئی جیہڑے ایس ہمیش دی مکتی دے وارث نیں۔ ہن حیاتی راہیں ہر اوس شے نوں حاصل کرنا جیہڑی اُکا موت اے جو خدا توں ہمیشہ لئی پرانہہ کردی اے بدتر تے بے کار ہوجاوے گی پر رب نے اک رستہ وکھایا اے جیہڑا نہ صرف ہمیش لئی روحانی مسرت بنیا (لوقا 23 باب 43 آیت)، سگوں نال ای ایہہ تسلی تے بامقصد حیاتی وی بنائی۔ ہن کیویں ایہہ ہمیش دی روحانی خوشی تے سانوں "دھرتی تے جنت" دیندا اے؟
حیاتی دا مطلب یسوع مسیح راہیں بحالی
جیویں اُتے دسیا گیا ایہہ دوویں اصل مطلب ہن تے ہمیش لئی خدا دے نال سانگے بحال رکھن نال ملدے نیں جیہڑا ٹٹ گیا سی جدوں آدم تے حوا نے پاپ کیتا سی۔ اج رب دے نال اوہ ساک اُکا اوہدے پتر یسوع مسیح راہیں ہو سکدا اے (اعمال 4 باب 12 آیت؛ یوحنا 14 باب 6 آیت؛ یوحنا 1 باب 12 آیت)۔ ہمیش دی حیاتی اوس مرد تے زنانی نوں ملدی اے جیہڑے اپنے پاپاں توں توبہ کردے نیں (کہ اوہ اپنی پاپ نال بھری حیاتی نوں ہور نہیں گزارنا چاہوندے پر چاہوندے نیں کہ مسیح اوہناں نوں بدل کے تے اک نویں مخلوق بنا دیوے) تے یسوع مسیح تے اپنے مکتی داتا وانگوں یقین کرنا شروع کردے (ویکھو سوال "مکتی دا چارہ کیہ اے؟" ایس ضروری نکتے دے بارے ہور جانن لئی)
ہن حیاتی دا اصل مطلب صرف ایہہ نہیں کہ یسوع نوں اپنا مکتی داتا من لیا اے (جیویں دا حیران کن اوہ اے)۔ سگوں حیاتی دا اصل مطلب ایہہ پاؤنا اے کہ مسیح دا شاگرد اوہدی پیروی کردا اے، اوہدے توں سکھو، اوہدے کلام راہیں اوہدے نال ویلا گزارو، کلام پاک دعا وچ اوہدے نال گلاں کرو تے اوہدے نال نال چلدے رہو تابعداری دے نال اوہدے حکماں تے عمل کرو۔ جے تسیں ایماندار نہیں (یا خورے اک نویں ایماندار) تسیں بھاویں اپنے آپ نوں آکھو"ایہہ میرے لئی بڑی خوشی دے گل نہیں یاں میں تے کوئی تابعداری نہیں کیتی۔ پر برائے مہربانی تھوڑا جہیا تے آگے پڑھو۔ یسوع تھلے سانوں دسدا اے:
اے محنت چُکن والیو تے بھار ہیٹھاں دبے ہوئے لوکو سارے میرے کول آؤ۔ میں تہانوں آرام دیاں گا۔ میرا جُوا اپنے اُتے چُک لو تے میرے توں سکھو۔ کیونجے میں حلم آں تے دل دا فروتن آں۔ تانجے تہاڈیاں جاناں آرام پاؤن۔ کیونجے میرا جُوا ملائم تے میرا بھار ہولا اے" (متی 11 باب 28 توں 30 آیت)۔" میں ایس لئی آیا کہ اوہ حیاتی پاؤن تے بہت پاؤن" (یوحنا 10 باب 10 آیت)۔ "جے کوئی میرے پیچھے آؤنا چاہوندا اے تے اپنی خودی دا انکار کرے تے اپنی صلیب چُکے تے میرے پیچھے آ جائے۔ کیونجے جیہڑا وی اپنی جان بچاؤندا اے اوہ اوہنوں کھوئے گا تے جیہڑا کوئی میرے لئی اپنی جان کھوئے گا اوہ اوہنوں پائے گا" (متی 16 باب 24 تا 25 آیت)۔ "خداوند وچ خوش رہ تے اوہ تیرے دل دیاں ساریاں مراداں پوری کرے گا" (37 زبور 4 آیت)۔
ایہہ ساریاں آیتاں کیہ کہندیاں نیں جیہڑا اسیں پسند کردے آں۔ اپنی ای رہنمائی لئی ایس کھوج نوں جاری رکھیئے (خالی حیاتی گزارن دے نتیجے نال) یاں اسیں ایہہ چون کرسکدے آں کہ رب دی پیروی کرن نوں تے اپنے سارے دل نال کہ اوہدی مرضی ساڈی حیاتی وچ پوری ہوئے (جیہڑی کہ چنگی حیاتی گزارن دا نتیجہ اے، تہاڈے دل دی آس پوری ہوئے گی ، تے تسیں سکون تے تسلی پاؤ گے) ایہہ ایس لئی اے کہ ساڈا پیدا کرن والا سانوں پیار کردا اے تے ساڈے لئی چنگی سدھر رکھدا اے (ضروری نہیں کہ اے حیاتی سوکھی ہوئے، پر بہتی چنگی اے)۔
آخر وچ میں تہانوں اک مثال دسنا چاہوناں جیہڑی اک پادری یار توں لئی گئی اے۔ جے تسیں کھیڈاں نوں پسند کرن والے او تے تسیں ایہہ فیصلہ کیتا اے کہ تسیں پیشہ وارنہ طور تے کھیڈ وچ جانا چاہوندے او ، تے تسیں کجھ ڈالر خرچ کرن نال کھیڈ دے میدان وچ سب توں آگے والی لائن وچ سیٹ لے سکدے اوہ یاں کجھ سو ہور ڈالر خرچ کرن نال تسیں آپ اوس کھیڈ وچ حصہ وی لے سکدے او۔ مسیحی حیاتی وچ انج ای ہوندا اے۔ رب دے سجرے تے نویں کم اتوار دے اتوار گرجے آؤن والے مسیحاں لئی نہیں۔ اوہناں نے مُل نہیں تاریا۔ رب دے سجرے تے نویں کم اوہناں شاگرداں لئی نیں جیہڑے پورے دل توں مسیح تے ایمان رکھدے نیں جیہڑے مرد تے زنانیاں اصل وچ اپنیاں دنیاوی سدھراں دی پیروی چھڈ چکے نیں ایس لئی کہ اوہ مرد تے زنانی اپنی حیاتی وچ رب دے مقصد دی پیروی کردے نیں۔ اوہناں نے مُل تاریا اے (اوہناں نے اپنے آپ نوں پورے طور تے مسیح تے اوہدی مرضی دے تابع کردتا اے)؛ اوہ پورے طور تے حیاتی دا تجربہ کردے نیں؛ اوہ اوہناں دا ساہمنا کرسکدے نیں، اوہناں ورگے انسان تے اوہناں دے بناؤن والیاں نوں کوئی ہرکھ نہیں کیہ تسیں مُل تاریا اے؟ کیہ تسیں من دے او؟ جے من دے او، تسیں حیاتی دے مقصد بارے فیر بھکے نہیں رہو گے۔
English
حیاتی دا کیہ مطلب اے؟
