سوال
میں اپنی حیاتی وچ پاپ تے جِت کیویں پا سکناں؟
جواب
کلام پاک تھلے دتے ہوئے طریقاں تے گل کردا اے جیہناں نال اسیں اپنی پاپی فطرت تے جِت پا سکنے آں:
پہلا ۔۔ پاک روح۔ ایک تحفہ اے جہیڑا خدا سانوں دیندا اے (اوہدی کلیسیا) مسیحی وانگ اپنی حیاتی گزارن پاک روح وچ رہندے نیں۔ خدا جسم دے کماں تے روح دے پھلاں وچ فرق رکھدا اے گلتیوں 5 باب 16 توں 25 آیت ۔ایہناں آیتاں وچ سانوں روح وچ چلن لئی بلایا جاندا اے۔ "سارے ایماندار پہلاں توں ای پاک روح رکھدے نیں، پر ایہہ آیت سانوں دسدی اے کہ سانوں روح وچ چلن دی لوڑ اے، اپنی مرضی دے نال اپنے آپ نوں اوہدے اخیتار وچ دے دئیے۔ ایہدا مطلب اے کہ اسیں "اُتلے حصے" دا چون کریئے جیہدی پاک روح ساڈی زندگی وچ ترغیب دیندا اے ایہدے بجائے کہ اسیں جسم دی پیروی کریئے۔ فرق جہیڑا پاک روح ایماندار دی حیاتی وچ لیاؤندا اے اوہ سانوں پطرس دی حیاتی وچ نظر آؤندا اے، جیہنے پاک روح دے نازل ہون توں پہلاں یسوع دا تن واری انکار کیتا تے ایہدے بعد اوہنے آکھیا کہ اوہ مرن تیکر مسیح دی پیروی کرے گا۔ پاک روح دے نال بھرن توں بعد، اوہ یہودیاں دی عید پینتکوست تے مکتی داتا دے پاروں صاف تے بہادری دے نال دسدے نیں۔
پاک روح وچ چلنا انج نہیں جیویں کوئی "خاموشی" دے نال پاک روح دے پاروں ابھارے ("روح نوں نہ بجھاؤ جیویں1۔ تھسلنکیوں 5 باب 19 آیت وچ کہیا گیا اے) تے ایہہ چاہو کہ روح نال بھر دے جاؤ (افیسوں 5 باب 18 توں 21 آیت)۔ کیویں کوئی روح دے نال بھر سکدا اے؟ ساریاں توں پہلاں، ایہہ خدا دی پسند اے جیویں ایہہ پرانے عہد وچ سی۔ اوہنے اپنے طور تے لوکاں نوں چُنیا تے اوہنے پرانے عہد وچ خاص واقعات وچ اجہے لوکاں نوں چُنیا تے اوہناں نوں روح دے نال بھریا تانجے اوہ اوہناں دے ذریعے اپنا کم پورا کرے جو اوہ کرنا چاہوندا سی (پیدائش 41 باب 38 آیت؛ خروج 31 باب 3 آیت؛ گنتی 24 باب 2 آیت؛ 1۔سموئیل 10 باب 10 آیت وغیرہ)۔ میں یقین رکھناں کہ افسیوں 5 باب 18 توں 21 تے کلسیوں 3 باب 16 آیت وچ ثبوت اے کہ خداوند اوہناں نوں چُندا اے جہیڑے اپنے آپ نوں خداوند دے کلام دے نال بھردے نیں ایس حقیقت دا ثبوت اے کہ ہر واری جدوں پاک روح نازل ہویا تے ایہدا ایہہ نتیجہ نکلیا۔ انج ایہہ سانوں ساڈی اگلی تھاں تے لیاؤندا اے۔
دوجا۔ خدا دا کلام ، کلام پاک 2تیمتھیس 3 باب 16 تے 17آیت کہندی اے کہ خدا سانوں اپنا کلام دیندا اے تانجو اسیں ہر چنگے کم لئی تیار ہو جائیے۔ ایہہ سانوں سکھاؤندا اے کہ سانوں کیویں دی حیاتی گزارنی چاہیدی اے تے کیہ ایمان رکھنا اے، ایہہ ساڈے تے ظاہر کردا اے جدوں اسیں غلط راہ ول جانے آں، ایہہ سانوں واپس ٹھیک رستے تے آؤن لئی مدد کردا اے، تے ایہدے تے قائم رہن لئی مدد کردا اے۔ جیویں عبرانیوں 2 باب 12 آیت
سکھاؤندی اے، "کیونجے خدا دا کلام زندہ تے اثر رکھدا اے تے ہر اک دو دھاری تلوار توں بہتا تیز اے تے جان تے روح تے بند بند تے گُودے گُودے نوں چیردے لنگھ جاندا اے تے دل دے خیالاں تے ارادیاں دی پڑچول کردا اے"۔ زبور نویس اپنی حیاتی دی تبدیلی دی قوت دے پاروں گل کردا اے 119 زبور 9 آیت، زبور 11 ؛ زبور 105 تے دوجی آیات وچ۔ یسوع دسدا اے کہ اوہدی کامیابی دی خاص وجہ جیہدے نال اوہنے اپنے ویریاں تے فتح پائی (روحانی جنگ وچ اکو جہی قوت) کہ اوہ اپنی تدبیر نوں بُھلیا نہیں سی سگوں اوہ دن تے رات عبادت وچ گذاردا ایس طرحاں اوہ ویریاں دے ارادیاں نوں پتہ کرلیندا سی۔ ایہہ اوہنے اوس ویلے کیتا جدوں خدا نے اوہنوں حکم کیتا کہ کوئی فوجی کاروائی نہیں کرنی، تے ایہہ اوہدی جنگ وچ کامیابی دی خاص وجہ سی کہ اوہنے وعدے دی دھرتی حاصل کیتی۔
ایہہ تدبیراں عام نیں جیہناں نوں اسیں معمولی سمجھ کے ورتدے آں۔ اسیں علامتی خدمت کرنے آں جیویں کلام پاک نوں ہتھ وچ پھڑ کے گرجے لے جانا تے روزانہ کلام پاک پڑھنا تے عبادت وچ مشغول رہنا یاں اک دن وچ اک باب پڑھنا، پر اسیں ایہنوں یاد رکھن وچ ناکام رہنے آں، ایہدے تے غور کرنا، اپنی حیاتی وچ ایہنوں ورتن نال، پاپاں توں توبہ کرن نال اے ظاہر ہوندا اے، خدا دی تعریف کرو تے اوہدا شکر کرو جو کجھ اوہنے سانوں دتا اے۔ کلام پاک وچ جدوں ایہہ آؤندا اے تے اسیں یاں تے کمزور تے یاں بے صبرے ہو جانے آں۔ سانوں ایناں ای کلام پاک نوں اپنی حیاتی وچ لینا چاہیدا اے کہ جیہدے لین نال اسیں روحانی طور تے زندہ رہ سکیے (ایناں نہ لئیے جیہدے نال اسیں بہت موٹے ہو جائیے، نویں مسیحیاں وانگ (یاں اسیں اکثر ایہنوں لین لئی آؤنے آں پر اسیں کدی ایہدے تے بہتی دیر تیکر غور نہیں کیتا کہ ایہدے نال روحانی طاقت تے نشوونما حاصل کرنی اے۔)
ایہہ بوہت ضروری اے کہ جے تسیں خدا دے کلام نوں خاص مقصد لئی روزانہ پڑھن دی عادت نہیں پائی، تے ایس گل نوں یاد رکھو جیویں پاک روح تہانوں ایہناں آیتاں نوں یاد رکھن لئی گل کردا اے، کہ اسیں ایس طرحاں ایہنوں اپنی عادت بنا سکنے آں۔ میں تہانوں مشورہ دینا کہ تسیں ایہنوں روز ای پڑھو (جے کمپیوٹر تے تیزی دے نال لکھ سکنے آں تے لکھیے) یا اک سپرنگ والی کاپی وچ لکھیا کرئیے۔ ایس گل نوں عادت بناؤ کہ تسیں کلام نوں نہیں چھڈو گے اوس ویلے تیکر جد تیکر کجھ نہ کجھ لکھ نہ لئیے، جد تیکر تسی ایہدے وچوں کجھ حاصل نہیں کرلیندے۔ میں اکثر خدا دے نال کیتیاں گئیاں دعاواں نوں لکھناں ساں تے کہنا ساں کہ مینوں ہر لحاظ نال بدل دے تے اوہ مینوں انج ای کہندا اے۔ کلام پاک اک ہتھیار اے جہیڑا روح ساڈی حیاتی وچ تے دوسریاں دی حیاتی وچ ورتدا اے (افسیوں 6 باب 17 آیت)، اک ضروری تے اہم شے بکتر اے جہیڑا خدا ساڈی حفاظت لئی دیندا اے سانوں روحانی جنگ وچ لڑن لئی (افسیوں 6 باب 12 توں 18آیت)۔
تیجا۔ دعا۔ ایہہ اک ہور ضروری کم اے جہیڑا خدا نے دتا اے۔ فیر، ایہہ اک کم اے جہیڑا مسیحی اکثر ہونٹاں دی خدمت دے نال کردے نیں پر ایہدی ورتوں بہت گھٹ کردے نیں۔ اسیں دعائیہ پروگرامز رکھدے ہاں، دعا دے ویلے وچ، ہور ہور، پر اسیں ایہدی ورتوں نہیں کر پاؤندے کہ جیہدی پہلی کلیسیا مثالاں دیندی اے (اعمال 3 باب 1 آیت؛ اعمال 4 باب 31 آیت؛ اعمال 6 باب 4 آیت؛ اعمال 13 باب 1 توں 3آیت وغیرہ)۔
پولوس باربار دسدا اے کہ اوہ اوہناں لئی دعا کردا اے جیہناں دی اوہ خدمت کردا اے۔ اسیں نہیں کردے، جدوں اسیں اپنے طور تے، ایس وڈے کم دی ورتوں جو اسیں کر سکدے آں۔ پر خدا نے ساڈے نال دعا دے پاروں اک وکھرا جہیا وعدہ کیتا اے (متی 7 باب 7 توں 11 آیت؛ لوقا 18 باب 1 توں 8 آیت؛ یوحنا 6 باب 23 توں 27 آیت؛ 1۔یوحنا 5 باب 14 تے 15 آیت وغیرہ)۔ تے فیر، پولوس، ایہناں آیتاں وچ دسدا اے کہ روحانی جنگ لئی تیار رہو (افسیوں 6 باب 18 آیت)۔
ایہہ کیویں ضروری اے؟ جدوں تسیں فیر پطرس نوں ویکھدے او، گتسمنی باغ وچ پطرس دے انکار توں پہلاں تہاڈے کول اوہدے لئی یسوع دے الفاظ نیں۔ اوتھے یسوع دعا کردا اے، پطرس سوندا پیا سی۔ یسوع نے اوہنوں جگایا تے آکھیا، "جاگ تے دعا کر، تانجے تسیں آزمائش وچ نہ پوو: روح تے ٹھیک اے پر جسم کمزور اے" (متی 26 باب 41 آیت)۔ تسیں پطرس وانگ اوہ کرنا چاہوندے او جو ٹھیک اے پر قوت نہیں پاؤندے۔ سانوں خدا دے نال مشورہ کرن دی لوڑا اے، کھڑکاؤندے رہنا چاہیدا اے، کہندے رہنا چاہیدا اے تے اوہ سانوں طاقت دیوے گا جیہدی سانوں لوڑ اے (متی 7 باب 7 آیت)۔ پر سانوں ایس کم لئی لوڑ اے بڑی سادگی دے نال لباں دی خدمت اوہنوں دین دی۔
میں نہیں کہندا کہ دعا کوئی جادو اے۔ انج نہیں۔ خدا جلالی اے۔ دعا سانوں ساڈی حد دسدی اے تے خدا دی بے شمار طاقت تے اوہدے ول ایس لئی مڑنا اے کہ جو اوہ ساڈے کولوں کرواؤنا چاہوندا اے اسیں کریئے (اوہ نہیں جو اسیں کرنا چاہوندے آں) (1۔یوحنا 5 باب 14 تے 15آیت)۔
چوتھا۔ کلیسیا۔ ایہہ آخری کم اوہ اک اے جہیڑا اسیں اکثر اکھوں پروکھے کر دینے آں۔ جیویں یسوع نے اپنے شاگرداں نوں باہر گھلیا، اوہنے اوہناں نوں دو دو کرکے گھلیا (متی 10 باب 1 آیت)۔ جدوں اسیں اعمال دی کتاب وچ تبلغی سفراں دے پاروں پڑھنے آں، اوہ سب اک واری ای باہر نہیں سن گئے، سگوں دو دو یاں بہتے دی جماعت بن کے۔ یسوع نے آکھیا کہ جِتھے دو یاں تن اوہدے ناں تے اکٹھے ہون گے، اوہ اوہناں دے وچکار ہوئے گا (متی 18 باب 20 آیت)۔ اوہ سانوں حکم کردا اے کہ اکٹھے ہون توں نہ مڑیو جیویں دوجے لوکاں دا دستور اے سگوں جیویں ای اوس ویلے نوں کول ہوندا ویکھو اک دوجے نوں پیار تے چنگے کماں دے پاروں کہو (عبرانیوں 10 باب 24 تے 25 آیت)۔ اوہ سانوں دسدا اے کہ اک دوجے دے نال اپنے اپنے پاپاں دا اقرار کرو (یعقوب 5 باب 16 آیت)۔ پرانے عہد نامے دی حکمت دی کتاب وچ سانوں دسیا گیا اے کہ جیویں لوہا لوہے نوں تیز کردا اے، ایس طرحاں بندہ اپنے یاراں دے مکھ نوں ویکھ کہ ٹھیک ہوندا اے (امثال 27 باب 17 آیت) ۔ "تے تہری ڈوری چھیتی نہیں ٹٹدی"۔ اتفاق وچ ای برکت اے (واعظ 4 باب 11 تے 12 آیت)۔
کجھ لوکاں نوں میں جاندا آں کہ اوہ مسیح وچ بھائی نیں یا مسیح وچ بھیناں نیں (جے تسیں کوئی کوڑی او) جہیڑی ٹیلی فون دے راہیں یا آپ کتے اکٹھے ہو کے اک دوجے نال اپنی مسیحی حیاتی دے کماں دے پاروں گلاں کردے نیں، کیویں اوہ کوشش کردے نیں جیویں تے پابندی دے نال اک دوجے لئی دعا کردے نیں تے اک دوجے نوں پھڑ کے رکھدے نیں تانجے خدا دا کلام ایہناں دے سانگیاں نوں پکا کرے گا۔
کسے ویلے تبدیلی چھیتی آئے گی۔ کسے ویلے دوجے حالات وچ ایہہ بہت ہولی ہولی آؤندی اے۔ پر خدا نے ساڈے نال وعدہ کیتا اے کہ جیویں جیویں اسیں ایہہ کم کردے آں اوہ ساڈی حیاتی وچ تبدیلی لیائے گا۔ اوہنوں جانن دی کوشش کردے رہیئے اوہ اپنے وعدیاں دا پکا اے۔
English
میں اپنی حیاتی وچ پاپ تے جِت کیویں پا سکناں؟
