سوال
پاپی دی دعا کیہ اے؟
جواب
پاپی دی دعا اک اجہی دعا اے جو اک بندہ رب کول کردا اے جد کہ اوہ جان دا اے کہ اوہ پاپی اے تے اوہنوں اک مکتی داتا دی لوڑ اے۔ پاپی دی دعا کہن دے نال کوئی شے اپنے آپ ای نہیں ہو جاوے گی۔ اک پاپی دی دعا اوس ویلے ای اثر کرے گی کہ اوہ بندہ اصل وچ ایس گل نوں جانے تے سمجھے کہ اوہنوں اپنے پاپ بارے پتہ اے تے اوہنوں مکتی دی لوڑا اے۔
پاپی دی دعا دی پہلی صورت اے کہ اوہ جانے کہ اسیں ساریاں نے پاپ کیتا اے۔ رومیوں 3 باب 10 آیت اعلان کردی اے، "ایس لئی لکھیا اے کہ کوئی وی چنگا نہیں، اک وی نہیں"۔ پاک کلام صاف دسدا اے کہ ساریاں نے پاپ کیتا اے۔ اسیں سارے پاپی آں تے رب ولوں رحم تے معافی دے طلبگار آں (ططس 3 باب 5 توں 7 آیت)۔ کیونجے اسیں اپنے پاپ دی وجہ توں ہمیش دی سزا دے حقدار آں (متی 25 باب 46 آیت)۔ پاپی دی دعا اک منت اے فضل لئی بجائے اس دے کے عدالت ہووے۔ ایہہ رحم دی بینتی اے بجائے ایہدے کہ غضب ہووے۔
پاپی دی دعا دی دوجی ایس گل نوں جاننا اے کہ رب نے ساڈی وگڑی تے پاپ نال بھری ہوئی حالت دا کیہ علاج کیتا اے۔ رب بندہ بن کے آیا تے یسوع مسیح دی صورت وچ دنیا تے آیا (یوحنا 1 باب 1 اتے 14 آیت)۔ یسوع نے رب دے بارے سانوں سچ سچ دسیا تے اک پوری تے پاپ توں بغیر حیاتی گذاری (یوحنا 8 باب 46 آیت؛ 2۔کرنتھیوں 5 باب 21 آیت)۔ یسوع نے ساڈی تھاں تے صلیب تے جان دتی، اوس سزا نوں اپنے اُتے لیا جس دے اسیں حقدار سی (رومیوں 5 باب 8 آیت)۔ یسوع نے مردیاں وچوں جیوندا ہو کے پاپ تے موت تے دوزخ تے اپنی کامیابی ثابت کیتی (کلیسوں 2 باب 15 آیت؛ 1۔کرنتھیوں 15 باب)۔ ایس لئی، اسیں اپنے پاپ معاف کروا سکنے آں تے اسمان تے اک ہمیش دے گھر دا وعدہ کیتا گیا اے۔ جے اسیں اپنا ایمان چھڑا یسوع مسیح تے رکھیئے۔ سانوں ساریاں نوں یقین کرنا اے کہ اوہ ساڈی تھاں تے مریا اے تے مُردیاں وچوں جی اُٹھیا اے (رومیوں 10 باب 9 تے 10 آیت)۔ اسیں اُکا اوہدے فضل دے نال ای مکتی پا سکنے آں، اُکا ایمان دے نال، اُکا یسوع دے کولوں۔ افسیوں 2 باب 8 آیت اعلان کردی اے، "کیونجے تہانوں ایمان دے وسیلے دے نال فضل دے نال مکتی ملی اے، تے ایہہ تہاڈے ولوں نہیں، رب دی دات اے"۔
پاپی دی دعا سادہ جہیا اک ڈھنگ اے رب دے نال اس گل دے اظہار دا کہ تسیں اپنی مکتی لئی یسوع مسیح تے ایمان رکھدے او۔ ایہہ کوئی "جادو" والے لفظ نہیں جہیڑے تہانوں مکتی دے سکن۔ اُکا ایس گل تے ایمان رکھنا کہ یسوع دی موت تے اوہدا مُردیاں وچوں جی اُٹھنا ای سانوں مکتی دے سکدا اے۔ جے تسیں سمجھدے اوہ کہ تسیں پاپی او تے یسوع ای تہانوں مکتی دے سکدا اے ایتھے پاپی لئی اک دعا اے جہیڑی تسیں رب دے کولوں کرسکدے او۔ "ربا! میں جانناں کہ میں تیرے خلاف پاپ کیتا اے تے میں سزا دا حقدار آں۔ پر جیہڑی سزا دا میں حقدار سی یسوع مسیح نے اوہ سزا اپنے اُتے لے لئی بس اوہدے تے ایمان نال میں معافی پا لئی اے۔ میں اپنے پاپاں توں دور رہواں گا تے اپنا ایمان تیرے تے رکھاں گا اپنی مکتی لئی۔ میں شکر کرنا تیرے اجہے فضل تے دات دا۔ جہیڑا ہمیش دی حیاتی دا تحفہ اے آمین"۔
جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔
English
پاپی دی دعا کیہ اے؟
