سوال
کلام پاک مسیحی عُشر بارے کیہ کہندا اے؟
جواب
ُشر اک اجیہا معاملہ اے جیہدا اج بہت سارے مسیحی ساہمنا کردے نیں۔ بہت ساریاں کلیسیاواں وچ عُشر تے بہت زور دتا جاندا اے۔ اکو ای ویلے وچ بہت سارے مسیحی اپنیاں شکر گزاریاں کلام پاک دے تھاپڑا دین اتے نصیحت دے چانن وچ رب نوں پیش کرن توں انکار کردے نیں۔ عُشر یاں خوشی دے نال دینا، برکت دا سبب اے۔ ہرکھ والی گل اے کہ ایہہ عمل اج دے گرجا گھراں وچوں مُکدا جا رہیا اے۔
عُشر پرانے عہد نامے دا وچار اے۔ عُشر شریعت موجب اک قانون سی جیہدے موجب سارے اسرائیلی اپنی کمائی یاں پیداوار دا 10% (دس فی صد) حصہ خیمہ اکٹھ یا گرجا گھر وچ لیاؤندے (احبار 27:30؛ گنتی 18:26؛ استثنا 14:24؛ 2 تواریخ 31:5)۔ پرانے عہد نامے وچ کجھ لوکاں نے عُشر نوں اک طرحاں دا ٹیکس دین دا اک طریقہ سمجھیا تانجے کاہن تے لاوی جیہڑے قربان گاہ تے آیا جایا کردے سی اوہناں دیاں لوڑاں نوں پورا کیتا جائے۔ نویں عہد نامے وچ عُشر دا حکم کِتے وی نہیں، ایتھے تیکر کہ مسیحی کسے قسم دے شرعی عُشر دے نظام نوں منن۔ پولوس دسدا اے کہ ایماندار نوں چاہیدا اے کہ اوہ اپنی کمائی وچ کجھ حصہ کلیسیا (گرجا گھر) دی مدد لئی رکھے (1 کرنتھیوں 16:1 2)۔
نواں عہد نامہ کِتے وی ایہہ نہیں کہندا کہ اپنی کمائی دا خاص حصہ (فیصد) وکھرا رکھیا جائے، پر چھڑا ایہہ آکھیا گیا "۔۔۔اپنی کمائی دے موافق کجھ اپنے کول رکھ چھڈو۔۔۔" (1 کرنتھیوں 16:2)۔ مسیحی کلیسیاں خاص طور تے پرانے عہد نامے دے مطابق 10% (دس فیصد) عُشر لیندیاں نیں تے ایہنوں لاگو وی کردیاں نیں جیویں "ایہہ گھٹ توں گھٹ متھیا گیا"حصہ مسیحاں لئی ضروری اے۔
فیروی مسیحی عُشر نوں دینا ضروری نہیں سمجھدے۔ اوہ ایناں ای دیندے نیں جناں اوہ دے سکدے نیں جیویں"۔۔۔اپنی کمائی دے موافق کجھ اپنے کول رکھ چھڈدے نیں۔۔۔"۔ اکثر ایہدا مطلب اے کہ سانوں عُشر توں بہتا وی دینا ہوندا اے، اکثر ایہد مطلب اے کہ سانوں عُشر توں گھٹ وی دینا ہوندا اے۔ ایہہ سب اک مسیحی دی پہنچ تے اے تے کلیسیا دی لوڑ اے۔ ہر اک مسیحی نوں چاہیدا اے کہ اوہ بڑی سرگرمی دے نال دعا تے رب توں حکمت لئی آس مند رہے کہ اوہ دوجے کماں وچ رلتی اے انج ای عُشر دین وچ وی مرد ہوئے یاں زنانی، رلتی ہوئے (یعقوب1:5)۔ "جناں کسے نیں اپنے دل وچ ٹھہرایا اے اوناں ای دیوے نہ ولاوے تے نہ لاچاری نال دیوے کیونجے رب خوشی دے نال د ین والیاں نوں عزیز رکھدا اے
English
کلام پاک مسیحی عُشر بارے کیہ کہندا اے؟
