سوال
څلور روحانى قوانين څۀ دى؟
جواب
هغه څلور روحانى قوانين د نجات د زېرى نورو ته رسولو يوه طريقه ده کُوم چې په عيسٰى مسيح کښې د ايمان په وجه ملاوېږى. دا يوه ساده طريقه ده چې په انجيل کښې کوم اهم معلومات دى چې هغه منظم شى.
د هغه څلورو قوانينو نه وړومبې قانون، ”خدائ پاک ستا سره مينه کوى او هغه ستا د ژوند د پاره عجيبه منصوبه لرى.“ يوحنا ٣: ١٦ مونږ ته وائى، ”خُدائې دَ دې دُنيا سره داسې مينه وکړله چه خپل يکى يو زوئ يې هم ورکړو چه هر هغه څوک چه په زوئ يې ايمان راؤړى هغه هلاک نۀ شى خو دَ تل عُمرى ژوندُون بيا مُومى.“ يوحنا ١٠: ١٠ مونږ ته هغه وجه ښائى چې عيسٰى مسيح د څۀ د پاره راغلې وو. ” زَۀ دې له راغلې يم چه خلق ژوندُون ومُومى اَؤ ډير يې ومُومى.“ د خدائ پاک د مينې نه مونږ څۀ څېر ايساروى؟ هغه څۀ څيز دې چې مونږ د ډېر ژوند نه ايساروى؟
د هغه څلورو روحانى قوانينو نه دويم قانون، ”انسان د ګناه په وجه ګنده شوې دې او په دې وجه د خدائ پاک نه جدا شوې دې. نو په نتيجه کښې، مونږ د هغه عجيبه منصوبې پته نه لږى چې خدائ پاک يې زمونږ د پاره لرى.“ د روميانو په نوم خط ٣: ٢٣ دا خبره پخوى، ”ځکه چه ټولو ګُناه کړې ده اَؤ دَ خُدائ پاک دَ لوئۍ نه محرُوم دى.“ د روميانو په نوم خط ٦: ٢٣ مونږ ته د ګناه نتيجه ښائى، ”د ګناه بدل مرګ دې.“ خدائ پاک مونږ د دې د پاره پېدا کړو چې د هغۀ سره رفاقت ولرلو. اګرچې د انسان په ذريعه دنيا ته ګناه راغله، او په دې وجه د خدائ پاک نه جدا شو. مونږ د هغۀ سره هغه تعلق تباه کړې دې چې خدائ پاک زمونږ سره د لرلو اراده لرله. نو د دې حل څۀ دې؟
د هغه څلورو روحانى قوانينو نه دريم دا دې، ” عيسٰى مسيح زمونږ د ګناه د پاره يواځنې بندوبست دې. د عيسٰى مسيح په ذريعه زما ګناه معاف کېدې شى او د خدائ پاک سره صحيح تعلق په ځائ کولې شو.“ د روميانو په نوم خط ٥: ٨ مونږ ته وائى، ”خو خُدائ خپله مينه مُونږ ته داسې ښکاره کړه،کله چه مُونږ لا ګُناه ګار وُو نو مسيح زمُونږ دَ پاره مړ شو!“ د کورونتيانو په نوم اول خط ١٥: ٣-٤ مونږ د هغۀ څۀ نه خبروى چې ته په څۀ باندې پوهېدل يا ايمان لرل په کار دى هغه د دې د پاره چې مونږ ته نجات ملاو شى، ”...مسيح دَ کتابِ مُقدس په مُطابق زمونږ دَ ګُناهُونو دَ پاره مړ شو، ٤ اَؤ ښخ شو اَؤ دَ کتاب مُقدس په مُطابق په دريمه ورځ بيا ژوندې پاڅيدلو....“ په يوحنا ١٤: ٦ کښې عيسٰى مسيح په خپله دا اعلان کوى چې صرف هم هغه د نجات يواځنې لار ده، ”زَۀ لار يم،زَۀ حق يم اَؤ زَۀ ژوندُون يم. هيڅوک هم زما دَ وسيلې نه بغير پلار ته نۀ شى راتلې.“ د نجات دا عجيبه تحفه ما ته څنګه ملاوېدې شى؟
د هغه څلورو روحانى قوانينو نه څلورم دا دې، ”مونږ له خامخا دا ايمان لرل په کار دى چې عيسٰى مسيح نجات ورکوونکې دې دا د دې پاره چې مونږ ته د نجات تحفه ملاو شى او چې زمونږ د ژوند د پاره د خدائ پاک په هغه عجيبه منصوبه پوهه شو.“ يوحنا ١: ١٢ مونږ ته د دې بيان کوى، ”خو کومو خلقو چه قبُول کړو هغوئ ته يې دا حق ورکړو چه دَ خُدائ اَؤلاد شى يعنې هغوئ چه دَ هغۀ په نامه ايمان راؤړى،“ اعمال د رسولانو ١٦: ٣١ په صفا ټکو کښې دا وائى، ”په مالِک عيسىٰ باندې ايمان راؤړه اَؤ تۀ اَؤ ستا کورنئ به خلاصُون ومُومى.“ مونږ ته صرف د فضل په ذريعه خلاصون ملاوېدې شى، صرف په عيسٰى مسيح کښې او يواځې د ايمان په وجه خلاصوم ملاوېږى. (د افسيانو په نوم خط ٢: ٨-٩)
کۀ تۀ دا غواړې چې ته په عيسٰى مسيح کښې دا يقين ولرې چې هغه نجات ورکوونکې دې، نو دا ټکى خدائ پاک ته ووايه. د دې ټکو وئيلو په ذريعه به تا نجات نۀ ملاوېږى، خو په عيسٰى مسيح باندې د يقين په وجه به تا نجات ملاوېږى! دا په ساده طريقه خدائ پاک ته په هغۀ باندې د ايمان د اظهار يوه دعا ده او د هغه شکر ګزارۍ د پاره اظهار دې چې هغۀ ستا د نجات بندوبست وکړو. ”خُدايه پاکه، ما ته پته چې ما ستا خلاف ګناه کړې ده او زۀ د سزا حقدار يم. خو چې د کومې سزا زه حقدار وم نو هغه عيسٰى مسيح په خپل ځان تېره کړه نو په هغه باندې د ايمان په وجه زۀ معاف کېدې شم. زه د خپلې ګناه نه راګرځم او د نجات د پاره په تا باندې يقين کوم. ستا د لوئ فضل او معافۍ ډېره مننه، کومه چې د ابدى ژوند تحفه ده! آمين!“
تۀ چې دلته څۀ لوستلى د هغې په وجه تا د عيسٰى مسيح په باره کښې څۀ فېصله کړې ده څه؟ کۀ داسې وى نو دا لاندې بټن باندې کلک کړئ. ”ما نن مسيح قبول کړې دې“
English
څلور روحانى قوانين څۀ دى؟
