Tapukuy
¿Pitaq Jesucristoqa?
Kutichiy
¿Pitaq Jesucristoqa? Sapaqkunapa tapukuynin: ¿Kanchu otaq kawsanchu Tayta Dios? Wakin runakunallam tapukunku Jesucristo kawsasqanmanta. Yaqapas lliw rukunam ninku: cheqaptapunim Jesucristoqa karqa huk runa hinaspam purirqa Israel llantakunapi, yaqa iskay waranqa watakunapiraq. Atipanakuyqa qallarirqa maypacham qawarinchik sumaqta Jesucristo pim hinaspa maylawmi kasqanta. Yaqa lliw religionkunam yachachin kaynata: Jesucristoqa karqa Diosmanta willakuqmi otaq allin yachachiq amawtam otaq Tayta Dios yupaychaq runam, nispanku. Chay rimaymantaqa kaynatam Chuya Qellqa niwanchik: Jesucristoqa karqa wiñaymantapunim, manamá Diosmanta willakuqllachu, nitaq hun allin yachachiq amawtallachu nitaq Tayta Dios yupaychaqllachu, nispa:
C. S. Lewis nisqanmi Mero Cristianismo nisqan libronpim kaynata nin: “Kay libropim willakuchkani pipas mana pantarunanpaq, chaynapi Jesusmanta mana allinta yuyaymanaspa pantarunankumanta, hinaspataq yanqakuna ninankumanta: “Ñoqaqa chaskinim kayna nisqankuta: Arí Jesusqa karqa allin yachachikuq amawtam, ichaqa manam chaskichwanchu Jesusqa Diosmi nisqankutaqa”. Chayna rimaykunataqa ñoqanchikqa manam rimachwanchu. Huk runaqa arí runallam hinaspam rimanmanraq imakunatapas, chaynakunata nispaqqa nichkan manam huk hatun yachachikuq Jesusmantachu; aswanchu nichkan killapa uriwasqanmi otaq nin: mana ancha reqsisqa runam karqa otaq nichkan Infiernopi kaq supaymi, nispa. Chaynaqa qampuniyá akllakuy, Jesusqa ñam karqaña chaynataqmi kachkanña, payqa Tayta Diospa Churinmi, Icha karqa Jesusqa yuyaynin chinkasqa runachu, ichapas aswan mana allin runa karqa. Qamqa kamiwaqmi Jesusta mana umayuq runa, nispa, chaynataqmi toqaykuwaqpas uyanpi, chaynataq supaypa wawanta hinapas wañuchiwaq; ichataqchu chakinman pakchakuykuspa qayakuwaq Dios Taytay, nispa. Chaynaqa amayá kasunchu yanqakuna rimaqtaqa, hinaspa amataq nisunchu Jesusqa karqa huk hatun amawta runam, nispaqqa. Jesusqa manam saqewarqanchikchu chayna yanqakuna rimanapaqchu, Payqa manam sonqonpipas nitaq yuyay ninpipas chaynakunataqa rimarqachu.
Kunanñataq qawaykusunchik: ¿Pitaq mañakurqa pim Jesús kasqanta? ¿Imanintaq Chuya Qellqa Jesusmanta? Puntatayá qawaykusunchik kikin Jesúspa siminwan nisqanta: Juan 10:30 “Taytaywanqa hukllam kaniku”. Qonqayllamanta qawariptinchikqa manam yachayta atinchikchu Jesús Dios kasqanta. Ichaqa qawaykusun Jesusta judiokuna imaynam nisqanmanta: “Manam, allinkuna rurasqaykimantachu rumiwanqa chamqaykiku, aswanqa Diosmi kani nisqaykimantam” (Juan 10:33). Qateqnin patachaykunapipas, Jesusqa manam nirqachu judiokunataqqa: Dios hinam kani, nispaqqa, chay nisqanwanmi Jesus qawachiwanchik: “Ñoqaqa kani Diosmi, nispan, Taytaywanqa hukllan kaniku”, nispa. Jn. 10:30. Dios kasqanta Jesús willakuspam, nirqa: “¡Cheqaptapunim nikichik, manaraqpas Abraham kachkaptinqa ñam karqaniña!”, nispa (Juan. 8:58). Chaynata niptinmi rumikunata hapirqaku chamqapanankupaq. (Jn. 8:59). Jesusmi pim kasqanta willakuspan nirqa: “Ñoqam kani”, nispa; chaynataqa nirqa Ñawpaq Testamentopim rimarqaña Jesús Dios kasqanmanta. (Ex. 3: 14).
Mosoqmanta nisunchik: Juan 1:1 “Jesusqa Dios”. Juan 1:14 “Jesusqa Dios runayaruchkaspapas”. Kay Diospa simin ñawinchasqanchikmi niwanchik clarota: Jesusqa Diosmi runayaruchkaspapas. Jesuspa qatiqnin Tomasmi nirqa: “Señorllay, Diosllay” nispa (Juan 20:28). Jesusqa manam nirqachu ama chaynataqa niwaychu, nispaqqa. Apostol Pablopas nirqam kaynata: “…Jesucristoqa salvaqninchikmi hinaspa ancha munayniyuq Diosmi”. nispa. (Tito 2:13). Apóstol Pedrospas nirqam kaynata: “Señorllay, Diosllay”nispa (2 Pedro 1:1). Chaynallataqmi Dios Taytapas testigo hinanin Jesús cheqap Dios kasqsanamanta kaynata nispa: “Diosllay tiyanaykiqa wiñaypaqmi chaynataq mana tukuq, tawnaykiqa gobiernoykipi allinkunalla ruranallaykipaqmi”. Chaynallataqmi Ñawpaq Testamentopi Diosmanta willakuqkunapas willakurqaku Jesusqa Dios kasqanmanta. “Huk wawam paqarimurqa, huk churitam qoykuwarqa, sutimi kanqa Emmanuel”.
Imaynam nirqa C. S. Lewis, nisqan, manapunim creechwanchu Jesusqa karqa allin yachachikuq amawtallan nisqankutaqa. Jesusqa nirqa clarotam hinaspanpas chiqaptam nirqa Dios kasqanta; sichu Jesús ninman karqa manam Dioschu kani nispaqa hatun llullach kanman karqa, manam kanmanchu Diosmanta willakuqllapas otaq allin yachachikuq amawtapas manataqmi kanmanchu Dioslla yupaychaq runapas. Señor Jesuspa rimasqankunatam kunan tiempopi yachayniyuq runakuna ninku: “Jesusqa ñawpaqmantaraqmi cheqap Dios, ichapas mana ninkuchu Chuya Qellqaman hinaqa lliw yachachiwasqanchikta. ¿Pitaq kanchik Tayta Diospa yachachikuyninta ñoqanchik atipanakunapaq, Jesuspa rimasqanta arí chaynam otaq manam chaynachu, nispa? ¿Imaynataq huk yachayniyuq runa ninman Jesusmanta , yaqa iskay waranqa wataña pasaruchkaptin, allinmi Payqa nispa otaq manam allintachu riman, nispaqqa? Ichaqa Jesuswan kuska kaqkunachá chaynataq yanapaqninkunachá hinaspa yachachisqankunachá imam rikusqankuta, yachasqankuta willakunmanku (Juan 14: 26).
¿Imanasqataq kay tapukuy ancha qokuyniyuq, Jesús cheqap Dios kasqanmanta? Chaynataq kan tapukuykuna: ¿Imanasqataq ancha qokuyniyuq Jesúsqa Dioschu icha manachu? nispa. Sichu yuyaymanasunchik allin imam qokuymanta nisun Jesusqa Diospunim, nispa ichaqa nisun Jesusqa manam Dioschu niptinchikqa, manacha Jesusqa atinmanchu karqa, kay pachapi runakunapa huchankun manta pagayta. (I Juan. 2:2). Aswanqa Diosllam pagan llunpay huchasapa runakunamanta (Romanos 5: 8; II Corintios 5:21). Jesusqa Diospunin, chayraykun atirqa runakunapa huchan pampachayta manun pagachkaq hina. Jesusqa chaynallataqmi karqa runa, chaynapi runakunapa huchanmanta wañunanpaq. Ñam alistasqaña kachkan salvacionninchikqa, ichaqa aswan iñikusun Señor Jesusllaman. Jesusqa Dios kaspanmi yuyachiwanchik Pay sapallan salvacionpaq ñan kasqanta. Jesusqa Dios kaspanmi yachachiwanchik kaynata nispa: “Ñoqam kani ñan, cheqap kaqpas. Taytaymanqa manam pipas chawanmanchu mana ñoqawanqa” (Juan 14: 6).
English
¿Pitaq Jesucristoqa?