Ibujo:
Kunzunya Yesu Kilisito gete Mpija wane maana yaho ni ki?
Ishosho:
Wamala kung'wanukula Yesu Kilisito gete Mpeja wako? Kumana gete ibujo lyenele kwandya welelwe mihayo gete "Yesu Kilisito", "wane" na "Mpija".
U Yesu Kilisito ni nani? Banhu binge badolile kunyomba Yesu Kilisito gete munhu wawiza, nangi ntale, nulu ng'hangi wang'wa Mulungu. Mihayo pyi yeneye ya ng'hana kuli Yesu, aliyo etosombolaga mu ng'hana omo ale. Bibilia ikotowelaga Yesu ale Mulungu mu munhu, (Lolaga Yohana 1:1, 14). Mulungu akiza mu si ku nguno ya kulanga, kutupija, kutula chiza maganiko gise,kutulekeja- owei akacha ku nguno ise! U Yesu Kilisito uwei Mulungu, Mumbi, Mulungu ntale. Wamala kunzunya U Yesu?
Mpija wako ni nani, nibole kile kinhu shawiza kubiza na Mpija? I Bibilia ikotowelaga bose tweta shibi atiho ntugilija nulu umo. (Balumi 3:10-18). Gete matokeo ya shibi shise, bupelanu wa ng'wa Mulungu. I mheela ya shibi ili kucha (Balumi 6:23; Kukundulwa 20:11-15). He chene tuhayile tubize na Mpija!
Yesu akiiza mu si akacha mu sehemu ise. Kucha kong'wa Yesu wale nsango wa shibi shise (2 Bakolinto 5:21). Yesu akatuchilila a bise aho twali tutaali banhu ba shibi (Balumi 5:8). U Yesuakatulepela i deni lise. Kujuka ko ng'wa Yesu mu bafu yale itoshije kutulepela ideni lya shibi shise. He chene U Yesu ali Mpeja wise (Yohana 14:6; Shitwa sha batung'wa 4:12) Ule nzunya Yesu gete Mpija wako?
U Yesu ali Mpija wako? Banhu binge bakalolaga buzunya gete kuja mu kanisa duhu, kweta mihayo ya mukanisa duhu, kuleka kweta shibi. Ubu bote buzunya. Nzunya wa ng'hana kubiza na buhihe na Yesu Kilisito. Kunzunya Yesu gete Mpija wane, kutula buzunya wane. Ateho munhu uyo akapejiwagwa na kuzunya kwa munhu onge. Ateho munhu uyo adolile kulekejiwa weta giki na giki. Nzile emo ya kupandeka bupiji kuli kunzunya Yesu gete Mpija, kuzunya kucha kwakwe gete shihamo na kujuka kwakwe kupandeka bupanga butashilaga (Yohana 3:16). U Yesu ali Mpija wako?
Ulu uhayile kung'wanukula u Yesu Kilisito gete Mpija wako, yombaga mihayo iyo ikofataga.Izokagwa giki kulomba sala yeniyi nulu sala jinge otopijiwa. Kunzunya Yesu duhu okamala nimo gwakwe ha nsalaba udolile kupijiwa mu shibi shako. Sala yeneye ile nzila ya kuyomba ko ng'wa Mulungu buzunya wako na kunumbeleja bupeji wakwe kuli bebe."Mulungu, namanile giki naketa shibi neyo nale munhu wa kucha. Aliyo Yesu Kilisito akabucha u nsango gwane kubetela mu buzunya wane kule wei napandeke kulekejiwa. Nalekuzunya Yesu gete mpija wane! Wabeja no mu shigongo shako na kunilekeja- shihamo na bupanga butashilaga! Amina!"
Wabizaga nzunya wa ng'wa Kilisito ku lwa nguno ya kusoma henaha? Ulu geko, kandaga "Nanzunyaga Kilisito lelo" kandaga hase.
English
Olena ibujo?