Dot Na
Tapidaw (Christian) ih cih bang hiam?
Dawn na
Khiatna kigelh laubu (dictionary) in “Zeisu a ummi a hih kei leh Zeisu’ thu kihilh na a bulphuh upna” ci in a khiat na khia hi. Hih pen a dang khiatna kigelh laubu te mah bang in kipat na hoih khat a hih hang in, Laisingtho tawh kisai Tapidaw ii khiatna tawh ki bang lo hi. Laisiangtho thak sung ah “Tapidaw (Christian)” cih kammal munthum ah ki mu thei hi (Sawltak 11:26; 26:28; Peter masa 4:16). Antioch khua ah Zeisu Khazih nungzui te pen, a mau gamtatna, sep na, leh kampau na te Khazih tawh ki bang a hih uh ciang in “Tapidaw” ci uh hi. “Tapidaw (Christian)” cih kammal ii khiat na tak tak pen “Khazih pawl sung ah ki hel na” a hih kei leh “Khazih’ nungzui te” cih na hi.
A hi zong in hun te hong sawt toh toh tak ciang in, “Tapidaw (Christian)” cih kammal ii gennop na tak’’ pen hong bei a, gamtat hoih a gamta mi khat a hih kei leh biakna mikhat in hihkam mal a zah pah pah hang in tua mi pa peh Zeisu Khazih nungzui takpi maw a hih kei leh Zeisu Khazih nungzui lo khat na hi thei hi. Mitampi tak te in Zeisu Khazih um loin,muang lo na pi un, biakinn ah a kikhop man a hih kei leh Tapidaw gam ah a om man un a mauleh a mau Tapidaw ki sa uh hi. A hih hang in, biakinn ah na ki khop nang sang’n a cimawh te na huhna, a hih kei leh mihoih khat na hih na in Tapidaw hong suak sak lo hi. Mawtaw buk ah na pai na in mawtaw hong suak sak lo ding a, biakinn ah na kikhop na in Tapidaw hong suak sak lo zawlai ding hi. Pawlpi mi na hihna, na kikhop den na, leh Pawlpi’ na sep na ah na piakkhiatna te in nang Tapidaw hong suak sak lo ding hi.
Nahoih ih sep na in Pasian tung ah a sanhuai hong suak sak zo lo hi ci-in Laisiangtho in hong hilh hi. Titu 3:5 in, “Ei te gamtatna pha hang hi lo in, a a hehpihna bang in nihvei suahna tawh a hi zongin, KhaSiangtho’ hong bawlphat thakna tawh hong gum hi” a ci hi. Tua a hih man in, Tapidaw ih cih in Zeisu Khazih umin muang a, Pasian hang in pianthakna a ngah te a hi hi(Johan 3:3,7; Peter masa 1:23). Efesa 2:8 in, “Bang hang hiam na cih uh leh, note in thu-up na hang ah hehpihna tawh gupna na ngah zo uh hi. Note ut thu-a ngah na hi kei uh hi: Pasian’ letsong a hi hi” hong ci hi.
Tapidaw tak tak ih cih te pen Zeisu in ih mawhna thaman sih na hong thuak a, ni thum khit ciang in a tho kik hi ci a, a Ma’ sep sak te leh a Mah um in a muang mite a hi hi. Johan 1:12 sung ah, “A hih hang in a Mah sang a, a Ma’ min a um te khempeuh in Pasian’ tate suah theih na’ng thu a pia hi” ci in hong gen hi. Tapidaw tak tak ih cih te ii ciapteh na in midang te itna leh Pasian’ Kammal bang a thuman na a hi hi (Johan masa 2:4,10). Tapidaw tak tak ih cih te pen Pasian’ ta, Pasian, innkuan’ mi, leh Zeisu Khazih sung ah nuntak thak na a nei te a hi hi.
Hih sung a thu te na sim na hang in Khazih a ding in khensatna na nei khin hiam? Na neih khit a leh, heh pih na tawh a nuai a, “Tuni Zeisu ken sang ing” cih pen na mek in.
English
Tapidaw (Christian) ih cih bang hiam?