Dot Na
Tawntung nuntana na ngah hiam?
Dawn na
Laisiantho in tawntung nuntakna lampi kitel tak in hong hilh hi. Khatna ah, Pasiantung ah mawh khin ih hih lam ki phawk ding hi hang: “Bang hang hiam na cih uh leh, mikhempeuh a maawh uh a, Pasian’ maipha a ngah na ding uh ki sia hi” (Rom 3:23). Pasian lungkim loh na ding na te bawl khin hi hang, tua mawh na dan thuakding a a ki lawm te hi hang. Tawntung Pasian tung ah ih mawhna ih bawl man in tawntung dan ih thuak ding ih ki lawm hi. “Bang hang hiam na cih uh leh, sih na in mawhna’ thaman a hi hi. A hih hang in Ih Topa Khazih Zeisu hang a nuntak tawntung na in man kipia lo Pasian’ letsong a hi hi.
A hih hang in, tawntung Pasian’ Tapa, mawhneilo (Peter masa 2:22), Zeisu Khazih, mi bang in hong piang a (Johan 1:1,14), ih mawh na thaman sih na hong thuak hi. “Eite in mawh nei ih hih lai takin Khazih in eite tang ding si a hih ciang in Pasian in eite hong itna hong kilang sak hi” (Rom.5:8). Ih thuakding dan te hong thuak sak ding in (Korin nihna 5:21), singlamteh tung ah Zeisu Khazih hong si hi (Johan 19:31-42). Nithum khit ciang in sihna pan in thokik a (Korin masa 15:1-4), sih na leh mawh na tung ah a gualzawh na hong lak hi. “a nungta lametna thu a on na ding a hi zong in, a sia thei lo, a kih huai nitna om lo, a vul thei lo luahna eite in ih ngah na ding a hi zong in, Zeisu Khazih in sihna pan a thawh kik ciang in hehpihna lianpi tawh ki tuakin eite hong piang kik sak ih Topa Zeisu Khazih’ Pa Pasian in thupha ngah ta hen” (Peter masa 1:3-4).
Upna tawh Gupkhiatna ngah na ding in,Khazih tawh kisai a Mah kua hi a, a Ma’n bang sem a, bang hang in sem cih ih lungsim ngaihsutna ih khel kul ding hi (Sawltak 3:19). Ih mawhna tang a singlamteh tung ah a Mah hong sih na um in, ih upna a Mah tung ah ih koih leng, mawhmaisak na ih ngah ding a, vantung a om tawntung nuntakna kamciam ih ngah dinghy. “Pasian in a Tapa a um mi khempeuhte in kisia lo a, nuntak tawntungna a ngah na ding in a Tapa khatbek a piak dong in leitung mite a it hi’ (Johan 3:16). “Banghang hiam na cih uh leh, ‘Zeisu in Topa a hi hi’ cik inna kam in mang a, Pasian in a mah sihna pan a thosak kik zo hi ci-in na lungsim sungah na up leh, gupna na ngahding hi” (Rom 10:9). Singlamteh tung ah Khazih hong zawhsak n ate up na bek tawntung nuntakna lampi taktak hi! “Bang hang hiam na cih uh leh, note in thu-upna hang ah hehpih na tawh gupna na ngah zo uh hi. Note ut thu-a ngah na hi kei uh hi: Pasian’ letsong a hi hi. Kuamah in a kisaktheih loh nading in note’ gamtat pha hang in gupna na ngah kei uh hi (Efesa 2:8-9).
Zeisu Khazih na Gumpa in na san nop a leh, hi dan in thungen in. Hih thunget na a hih kei leh a dang thunget na te in gupna hong pialo hi cih phawk in. Khazih na up na bek in na mawhna pan hong gum thei hi. Hih thunget na in gupna na ngahna lungdam kohna leh a Mah na upna Pasian tung ah na lah na namkhat a hi hi. “Pasian aw, Nang tung ah mawhna kong bawl lam ka thei a, mawhna dan a thuak ding ka hih lam ka thei hi. A hih hang in, Zeisu Khazih in ka thuak ding maawhna dan te hong puak sak ci in um ka hih man in mawhmai na a ngah sa ka hih lam ka um hi. Gupkhiatna ka ngah na ding in ka up na Nang tung ah k akoih hi. Nong piak mawhmaisak na ka sang hi. A lamdang Nong hehpihna leh mawhmaisak na hang in nuntak tawntung na letsong ka ngah man in ka lungdam hi! Amen!”
Hih sung a thu te na sim na hang in Khazih a ding in khensatna na nei khin hiam? Na neih khit a leh, heh pih na tawh a nuai a, “Tuni Zeisu ken sang ing” cih pen na mek in.
English
Tawntung nuntana na ngah hiam?