Epulilo:
Yesu Suku? Yesu wa la funda pamwe oku hoyela ocili cokuti Suku?
Etambululo:
Vamwe pokati kava va likala elinga lyokuti Yesu Suku va lekisa ocisimilo cokuti Yesu lalimwe eteke a popele hati Eye Suku. Ocili okuti Embimbiliya lalimwe eteke lya lekisile Yesu oku linga hati “Ame Suku.” Haimo lumwe, eci ka ci lomboloka okuti Yesu lalimwe eteke a fundile oku kala Suku.
Yesu Suku? – Yesu wa funda okuti ame Suku.
Vanja handi ndocindekase, olondaka vya Yesu Kilistu ko Yoano 10:30, “Ame la Isia tuamuamue”. Etu tu sukila lika oku vanja ketambululo lya va Yundeya kovaso yolondaka Vyaye, oku kuliha okuti Eye wa kala loku funda okuti Eye Suku. Ovo va seteka oku U sasõla lovawe omo lyelinga eli mwele: “…Momo ove vumunu o lilingisa Suku” (Yoano 10:33). Va Yundeya va kwata elomboloko liwa lyeci Yesu a kala loku funda – oku tyamela ku Suku. Eci Yesu a popya hati: “Ame la Isia tuamuamue,” Eye wa kala loku popya hati Eye la Isya va tyamela kekalo limosi kwenda kocitwa cimosivo. Yoano 8:58 ocindekase cikwavo. Yesu wa popya hati: “Ndu sapuili siti, Ocili ocili osimbu Avirahama ka citiwile, ame, ame u!” Eyi onjivaluko yo Etundilo 3:14 Eci Suku a lisitulula Eyemwele hati “AME MUELE AME” Va Yundeya vo yeva oku popya olondaka evi vo tambulula loku kwata vovawe loku u sasõla ha vo pondela etonãyi, ndomo Ocihandeleko ca Mose ca handelekele (Ovisila 24:16).
Yesu Suku? – Oloñame Vyaye vyO lombolola hati eye Suku.
Yoano o pitulula ocisimilo pamwe esokolwilo lya Yesu oku tyamela ku Suku: “Ndaka (Yesu) wa kala Suku” kwenje “Ndaka wa linga omunu” (Yoano 1:1, 14). Ovinimbu evi vi lekisa ciwa okuti Yesu eye Suku vomunu. Ovilinga 20:28 vi tu lombolwila hati: “Lilavi ene muele. Lavivo ocunda cosi Espiritu Sandu wo ci kapeli angombo, okuti vu lisa lisa ekongelo lia Ñala lina a landa losonde yaye.” Helye wa landa ekongelo losonde Yaye? Yesu Kilistu. Kwenda ocinimbu cimosi haco ci lombolola okuti Suku wa landa ekongelo Lyaye losonde Yaye mwele. Omo lyaco, Yesu eye Suku.
Tomasi ondonge, ca tyamela ku Yesu wa kumbulula hati: “A Ñala yange, a Suku yange.” (Yoano 20:28). Yesu ko lemelele. Tito 2:13 li tu vetiya oku talamela oku iya kwa Suku yetu haye Onjovoli, Yesu Kilistu (Vanjavo ko 2 Petulu 1:1). Ku Va Heveru 1:8 oku tukula Yesu, Isya hati: “Ocalo cove a Suku, coloneke ka vi pui. Epangati liesunga olio epangati liusoma wove.” Isya o tukula Yesu hati Suku, ci lekisa okuti Yesu ocili eye Suku.
Kesituluilo, ungelo wa longisa upostolo Yoano oku fendela lika Suku (Esituluilo 19:10) Olonjanja vyalwa Vovisonehwa Yesu o tambula esivayo (Mateo 2:11; 14:33; 28:9, 17; Lukas 24:52; Yoano 9:38). Eye lalimwe eteke a lungwile pamwe oku lemela owiñi omo wa kala loku u fendela. Nda Yesu ka kale Suku, Eye nda wa lombolwila owiñi pamwe oku u lungula okuti ka u U fendela ndeci ungelo a ci linga kelivulu Lyesituluilo. Hacoko lika, kuli ovipama vyalwa vikwavo Vyovisonehwa vi lekisa okuti Yesu Suku.
Yesu Suku? – Ekoka li lekisa okuti Yesu eye Suku.
Ekoka lya velapo lyokuti Yesu eye Suku lyeli lyokuti, nda Eye ha Sukuko, olofa Vyaye nda ka vya swilepo okuti vi tela oku feta ekangiso lyakandu olwali wosi (1 Yoano2:2). Ociluvo ca lulikiwa, eci okuti nda oco ca kala Yesu nda ka kale Suku, nda ka ca telele oku feta ekangiso ka lipwi, lya kisikiwile ekandu li lingiwila Suku ka pwi. Te lika Suku eye o tela oku feta ekangiso eli ka lipwi. Te lika Suku eye wa tela oku upa akandu olwali (2 Va Korindo 5:21), wa fa, kwenda wa pinduka, loku lekisa eyulo lyaye kekandu lo kokufa.
Yesu Suku? Oco. Yesu Eyemwele wa lilombolola hati Ame Suku. Elyangiliyo lyeyovo li talavaya lika nda Yesu eye Suku. Yesu eye Suku wa linga omunu. Efetikilo haye Esulilo lyenda ño hu (Esituluilo 1:8; 22:13), kwenda Suku Onjovoli yetu (2 Petulu 1:1).
English
Yesu Suku? Yesu wa la funda pamwe oku hoyela ocili cokuti Suku?