Epulilo:
¿Onjila Yeyovo oyo nye?
Etambululo:
¿Okasi lonjala? Hanjalako yetimba, pwãyi okasi vali lonjala ya cimwe vomwenyo? ¿Kuli cimwe vokati kove okuti lalimwe eteke cimoleha okuti ca sanjwiswa? Nda oco, Yesu eye onjila! Yesu hati: “Ame ndimbolo yomwenyo. U iya kokuange ka kuata onjala lu o ñolela ka yevi vali enyona.” (Yoano 6:35)
¿Kuli cimwe ca ku tangeleka? ¿O tela oku limbuka okuti lalimwe eteke o sanga onjila pamwe ocimaho vomwenyo? ¿Ci moleha ndu okuti umwe wa ima ovinyi kwenje ove ku tela oku sanga apa o senga oco ci taime? Nda oco, Yesu eye onjila yeyovo! Yesu wa popya hati: “ Ame ndicinyi coluali. U o ñuama ka endela vali vowelema, puãi o kala locinyi comuenyo.”(Yoano 8:12)
¿Olonjanja vyalwa ove o sima okuti wa yikilwa kosamwa yomwenyo? ¿Wa seteka ale apito alwa kwenje wa sanga okuti eci ci kasi konele yikwavo cupolokoso kwenda ka ci kwete esilivilo? ¿Okasi loku vanjiliya uvelo u ku twala komwenyo umwe wa swapo? Nda oco o sima oco, Yesu eye onjila yeyovo! Yesu wa popia hati: “Ame nduvelo, nda umue o pita vuvelo waco okuti vokuange, o popeliwa, iñaila, o tunda tunda kuenje o sanga ulio.” (Yoano 10:9)
¿Omanu olonjanja vyosi va ku sumwisa? ¿Ukamba wene wa lingaño waño hawo wupolokoso? Cimoleha okuti omanu vosi va kasi ño loku ku lavisa? Nda oco, Yesu eye onjila! Yesu wa popya hati: “Ame ndungombo uwa. Ungombo uwa o pesila olomeme omuenyo waye. Ame ndungombo uwa. Ñuliha olomeme viange. Olomeme viange vi ñuliha ame.” (Yoano 10:11, 14)
¿Wa kuliha pamwe wa la lipula eci ci ka pita kovaso yomwenyo ulo? Wa kava loku pesela omwenyo wove lovina vyaño vi futa, vi vola pamwe viya onguyu? ¿Olonjanja vimwe o sanga atatahãyi nda he omwenyo ukwete mwele esilivilo limwe? O yongola oku kwata omwenyo kovaso yokufa kuove? Nda oco, Yesu eye onjila yeyovo! Yesu wa popia hati: “Ame ndipinduko haime ndimuenyo. U o ñolela, ndaño o fa, haimo o kala vali lomuenyo. Kuenda wosi okasi lomuenyo, kuenje o ñolela ka fi vali”(Yoano 11:25-26)
Onjila oyo nye? Ocili oco nye? Omuenyo owo nye? Yesu wa tambulula hati: “Ame ndinjila, haime ndicili, haime ndimuenyo. Lomue iya ku Isi ate lame.” (Yoano 14:6)
Onjala o yevite, onjala yespilitu kwenje yi sanjwisiwa lika la Yesu. Yesu eye lika o tela oku imula owelema. Yesu eye epito lyomwenyo wesanju hawo wenda hũ. Yesu eye ekamba kwenda ungombo ove wa vanjiliya. Yesu eye omwenyo – volwali lulo kwenda volwali lwiya. Yesu eye onjila yeyovo!
Ekoka ove o kwetele onjala, ekoka ove o molehela okuti wa nyelela vowelema, ekoka ove ku t~elela oku sanga elomboloko vomwenyo momo ove wa litepa la Suku. Embimbiliya li tu lombolwila hati etu vosi twa lweya, twa linga akandu omo lyaco twa litepa la Suku (Ukundi 7:20; Va Roma 3:23). Upolokoso o yevite vutima wove, momo lyekambo lya Suku vomwenyo wove. Ove wa lulikiwila oku kala ukamba la Suku. Omo lyekandu lyove ove wa litepa kukamba waco. Ca vihapo vali, ekandu lyove li ka koka oku litepa la Suku olotembo ka vi pwi, vomwenyo ulo kwenda vomwenyo wiya (Va Roma 6:3; Yoano 3:36)
¿Ocitangi eci ci tangulwiwa pamwe ci potolwiwa ndati? Yesu eye onjila yeyovo. Yesu wa kwata ekandu lyove kwenje wa li likapela wa li kapa Kokwayemwele (2 Va Korindo 5:21). Yesu wa fila pomangu yove (Va Roma 5:8), loku tambula ekangiso ove wa sesamelele. Kovaso yoloneke vitatu, Yesu wa pinduka kolofa loku lekisa eyulo lyaye kekandu kwenda kokufa (Va Roma 6:4-5) ¿Momo nye a ci lingila? Yesu Eye Mwele wa tambulula kepulilo eli: “Ocisola ca velapo eci ka kuli, cokuti omunu o pesila akamba vaye omuenyo waye.” (Yoano 15:13) Yesu wa fa oco ove o kwate omwenyo. Nda ove o kapa ekolelo lyove ku Yesu loku kolela okuti Okufa kwaye kwa feta akandu ove, akandu ove osi a eceliwa kwenda a sukwiwa. Noke ove o laka oku sanjuisa onjala yove yespilitu. Ocinyi ci laka oku tama. Ove o ka kwata epondolo lyoku sanjwisa omwenyo wove. Ove o ka kulĩha ekamba lyove lya velapo lyocili haye ungombo uwa. O ka kulĩha okuti o ka kwata omwenyo kovaso yokufa kwove – omwenyo wepinduko kovailu oloneke ka vi pwi la Yesu.
“Omo Suku a sola ndoco oluali, oco a ecela Omõlaye wongunga okuti wosi u kolela ka fi, puãi o mola omuenyo ko pui.” (Yoano 3:16)
Wa nõlapo oku kwama Kilistu omo lyeci wa tanga palo? Nda oco, linga ohenda yoku lamba pokambutawũ ka kasi vemehi “Nda tava Kilistu etali”.
English
¿Onjila Yeyovo oyo nye?