अमरत्व हासल करना ?




सुआल : अमरत्व हासल करना ?

जबाब :
बाईबल असेंगी अमरत्व हासल करने दा सिद्धा रस्ता दसदी ऐ। पैह्लें ते एह् मन्नना पौग जे असें ईश्वर खलाफ बुरे कर्म कीते दे न, अपने बुरे कर्म कारण गै अस ईश्वर दे यश अग्गें निक्के पेई जन्नेआं (रोमन 3:23) असें नेह् कर्म कीते दे न जेह्ड़े ईश्वर गी नराज करदे न, ते असेंगी सजा दे हकदार बनादे न, कीजे साढ़े सारे बुरे कर्म अमरत्व प्राप्ति दे रस्ते च रुकावट बनदे न। इस आस्तै साढ़ी सजा बी शरीरक नेईं होइयै आत्मक होनी चाहिदी ऐ। “बुरे कर्मे दा फल ते मृतु ऐ पर यीशु मसीहा आसेया माफी दे रूप च अस अमरत्व बी हासल करी सकनेआं।”(रोमन 6:23)

यीशु मसीहा जि’न्न कोई पाप नेईं हा कीते दा,(1 पीटर 2:22) परम पिता परमेश्वर दा प्यारा पुत्तर जि’न्न माह्नू रूप च जन्म लेइयै मृतु दे रूप च साढ़े पापें दी सजा भुगती। एह्दे च ओह्दे साढ़े प्रति हिरख दे दर्शन होंदे न, जद के अस अजें बी पापी आं। यीशु मसीहा साढ़ी खात्तर मृतु गी प्राप्त होआ।(रोमन 5:8) यीशु मसीहा ने क्रास उप्पर लटकियै (जान 19:31-42) ओह् सजा प्राप्त कीती जिसदे हकदार अस हे।(2 कोरिनथेनस 5:21) त्रै दिन बाद उ’नें अपनी मृतु शैया शा उट्ठियै मौत पर जित्त हासल कीती।।(1 कोरिनथेनस 15:1-4) अपने इस बलिदान ते पुनर्जन्म कारण गै उ’नें असेंगी आशा दी इक किरण दस्सी जे माह्नू चंगे कर्मे राहें मौत उप्पर बी जित्त हासल करी सकदा ऐ।(1 पीटर 1:3)

शरधा राहें असेंगी यीशु गी मसीहा दे रूप हासल करने बाद अपनी सोच गी बदलना चाहिदा ऐ। ओह् कु’न ऐ, ते उ’न्न साढ़ी मुक्ति आस्तै केह् ते कैह्सी कीता। (ऐक्ट 3:19) अगर अस ईश्वर पर विश्वास करनेआं ते इस गल्लै गी मन्नने आं जे उ’न्न साढ़े पापें दी सजा भुगती ऐ। असेंगी अपने पापें शा मुक्ति थ्होई जाह्ग ते कन्नै गै स्वर्ग च ईश्वर कन्नै अमरत्व दी प्राप्ति बी होई जाह्ग । “परम पिता परमेश्वर अपनी कायनात कन्नै इन्ना हिरख करदा ऐ जे उ’न्न धरती पर अपना इक गै पुत्तर भेजेया की जे जो बी ओह्दे पर विश्वास करै उसी दर-बदर नेईं भटकना प’वै बल्के सिद्धे अमरत्व दी प्राप्ति होयै।“(जान 3:16) जे तुस अपने हिरदे थमां स्वीकार करदे ओ जे यीशु गै परम पिता परमेश्वर दा ऐ, ते उ’न्न गै उसी मृत शैया शा ठोआंदे होई पुर्नजन्म दित्ता हा तां तुं’दा बेड़ा पार ऐ। यीशु मसीहा ने जो कम्म कीते ओह्दे च शरधा कन्नै विश्वास करना गै अमरत्व प्राप्त करने दा रस्ता ऐ। इस आस्तै बिना कोई मूर्खता कीते ईश्वर आसेआ दित्ते गेदे उपहार गी स्वीकार करदे होई ओह्दे आसेआ कीते गेदे कर्मे च विश्वास करो। इस्सै च तुस मैह्फूज ओ।(रोमन 10:9) सिर्फ यीशु मसीहा आसेया कीते गेदे कम्में च विश्वास गै अमरत्व हासल करने दा सिद्धा ते सच्चा रस्ता ऐ। तुस अपने विश्वास ते ओह्दी मैह्मा कारण गै मैह्फूज ओ। एह् सब किश असें अपने कर्में राहें हासल नेईं कीता ऐ, बल्के एह् ईश्वर आसेया साढ़े पर ओह्दी कृपा ऐ ताकि कोई बी इंसान घमंड च आनियै उसी भुल्ली नेईं जा। (फीसन 2:8-9)

अगर तुस यीशु मसीहा गी अपने तारनहार दे रूप च स्वीकार करदे ओ तां इक सिद्धी जने’ई प्रार्थना ऐ, जेह्दा जप करने कन्नै तुं’दा बेड़ा पार होई सकदा ऐ। ईसायत च विश्वास गै तुसेंगी बुरे कर्मे शा बचाई सकदा ऐ। एह् प्रार्थना सिर्फ इक जरिया ऐ उस ईश्वर दा धन्नवाद करने दा जि’न्न तुसेंगी मुक्ति प्रदान कीती ऐ। “ हे ईश्वर अ’ऊं जाननां जे अ’ऊं तुं’दे आसेआ बनाए गेदे नियमें खलाफ जाइयै बुरे कर्म कीते न जिसलेई अ’ऊं सजा दा हकदार आं। “हे प्रभु मेरे सारे बुरे कर्मे दा फल तुस अपने उप्पर लेई लेओ, जिं’दा हकदार अ’ऊं आं तां जे मेरे हिरदे च क्षमा आह्ला विश्वास बनी र’वै ते मिगी पापें शा मुक्ति थ्होई जा, मिगी मुक्ति आस्तै तुं’दे उप्पर पूरा विश्वास ऐ, मिगी मुक्ति प्रदान करने आस्तै तुं’दा मता-मता धन्नवाद जिस कारण मिगी अमरत्व प्राप्त होग। आमीन।“

जो किश इत्थें लिखे दा ऐ उसी पढ़ने दे बाद तुसें ईसाई बनने दा फैसला कीता ऐ, अगर हां ते कृपा करियै “अ’ऊं अज्ज ईसायत गी कबूल करना” उप्पर क्लिक करो



डोगरी दे मुक्ख पन्ने पर बापस जाओ



अमरत्व हासल करना ?