अ’ऊं यीशु गी ईश्वर दे रूप च मन्नन लगां... हून अ’ऊं केह् करां ?




अ’ऊं यीशु गी ईश्वर दे रूप च मन्नन लगां... हून अ’ऊं केह् करां ?

सारें शा पैह्ले ते तुसेंगी बधाई जे तुसें अपना जीवन सार्थक करने आह्ला फैसला लेआ ऐ, पर तुस पच्छै करदे ओ हून केह् करां ? अ’ऊं अपनी जीवन जात्तर ईश्वर कन्नै कि’यां शुरू करी सकनां” बाईबल च दस्से गेदे पंज रस्ते तुंदा पथ प्रदर्शन करङन जदूं बी मनै च कोई खतोला होए तां साढ़े कन्नै इत्थें रावता करो। www.GotQuestions.org/Dogri.

I.पैह्लें ते एह् पक्का करो जे तुसें मोक्ष गी समझी लेआ ऐ।

1.जान 5:13 च दस्सदे न अ’ऊं एह् उंदे आस्तै लिखै करना जेह्ड़े उस परम पिता परमेश्वर दे पुत्तर च विश्वास करदे न की जे उनेंगी पता ऐ उनेंगी अमरत्व प्राप्त ऐ”। ईश्वर असेंगी मोक्ष दे रस्ते गी समझाना चाह्न्दा ऐ। ईश्वर असेंगी पूरा यकीन दुआना चाह्न्दा ऐ, जे अस पूरी तरहां सुरक्षित आं, बस्तार च मुक्ति द रस्ते गी समझने आस्तै इ’नें गल्लें गी समझना जरूरी ऐ…

(क) असें सारें पाप कीते दे न, असें सारें ऐसे कर्म कीते दे न जेह्ड़े ईश्वर गी नराज करदे न।

(ख) पापें कारण गै सजा दे रूप च अस ईश्वर दी कृपा शा दूर आं (रोमन-6:23)

(ग) यीशु ने क्रास उप्पर अपनी जान साढ़े पापें दे बदले च दित्ती ऐ (रोमन (5:8:2, 2 कोरीनथेनस 5:21) यीशु ने साढ़ी जगह मृतु प्राप्त कीती ऐ।

(घ) उन्न ’ओह् सजा हासल कीती जिसदे हकदार अस हे। ओह्दा पुनर्जन्म एह् साबत करदा ऐ जे ओह्दा बलिदान साढ़े पापें बड़ी बड्डी सजा ऐ।

(ङ) ईश्वर उनें सारें गी दया ते मुक्ति प्रदान करदा ऐ जेह्ड़े ओह्दे च शरधा ते विश्वास बनाई रखदे न, इस गल्लै च विश्वास करदे न जे ओह्दी मृतु साढ़े पापें दा फल ऐ। (जान 3:16; रोमन 5:1 रोमन 8:1)

इ’यै मुक्ति दा सनेहा ऐ! अगर तुस तारनहार दे रूप च यीशु च विश्वास रखदे ओ तां समझो तुस सुरक्षित ओ। तुंदे सारे गुनाह् माफ कीते जाङन, ईश्वर तुसेंगी कदें बी मझदार च नेईं छोड़ग (रोमन 8:38-39; मैथ्यू 28-20) याद रक्खो तुंदी मुक्ति यीशु मसीहा दे हत्थें च गै ऐ (जान 10:28-29) अगर तुस मन्नदे ओ जे यीशु गै तुंदा तारनहार ऐ तां एह् विश्वास रक्खो स्वर्ग च तुसेंगे ईश्वर कन्नै अमरत्व जरूर प्राप्त होग !

2. इक नेह् चर्च दी खोज करो जेह्ड़ी तुसेंगी बाईबल पढ़ाई सकै-

एह् मत समझो जे चर्च सिर्फ इक बिल्डिंग ऐ, चर्च एक ऐसी जगह् ऐ जित्थें ईसायत गी मन्नने आह्ले सैह्योग दी भावना लेइ’यै किट्ठे होंदे न। चर्च दा पैह्ला उद्देश्य इ’यै ऐ, हून अगर तुसें यीशु मसीहा च अपना विश्वास बनाई गै लेया ऐ तां इक ऐसी चर्चा दी तपाश करो जेह्ड़ी बाईबल दे सिद्धांते उप्पर चलदी ऐ ते पादरी कन्नै अपने बचारें दा अदान प्रदान करो, ताकि उसी बी पता चली सकै जे तुस यीशु मसीहा उप्पर किन्ना विश्वास करदे ओ। चर्चा दा दुआ उद्देश्श बाईबल पढ़ाना ऐ, जिस राहें तुस ईश्वर आसेआ दित्ते गेदे ग्यान गी अपने जीवन च अजमाई सकदे ओ। बाईबल गी पढ़ियै पूरी तरह समझना इक सुखद ईसाई होनी दी पैह्ली नशानी ऐ। 2 टिमोथी 3:16-17 गलांदे न सृश्टि दा हर कण ईश्वर आसेआ बनाया गेदा ऐ ते हर कण कोई न कोई शिक्षा दिंदा ऐ। ओह् सृश्टि दे हर कण दी गल्तियें गी ठीक करदे होई सार्थक जीवन बत्तै उप्पर टुरने लेई प्रेरत करदे न तां जे ईश्वर आसेआ बनाया गेदा माह्नू चंगा कम्म करी सकै।

चर्चा दा त्रिया उद्देश्श ऐ पूजा करने दी जगह, पूजा इक जरिया ऐ ईश्वर दा शुक्रिया अदा करने दा, उ’न्न जो साढ़े आस्तै कीता ऐ! ईश्वर ने असेंगी बचाया ऐ, ओह् साढ़े कन्नै बड़ा हिरख ते लगाऽ करदा ऐ, जीवन च साढ़ा पथ प्रदर्शक बनदा ऐ, अस ओह्दा शुक्रिया कि’यां नेईं अदा करचै, ईश्वर दयावान, हिरखी ते पवित्र ऐ।

3. हर दिन ईश्वर दा ध्यान जरूर करो :-

एह् बड़ा जरूरी ऐ जे हर दिन ईश्वर दा ध्यान जरूर करो। किश लोक इसी शांति आह्ला समां आखदे न, किश इसी समर्पण आह्ला कीजे इस बेल्लै अस अपने आप गी ईश्वर अग्गें सर्मपत करी ओड़ने आं। किश लोक एह् बडलै करना चांह्दे न ते किश लोक त्रकालें। इस च कोई फर्क नेईं पौंदा जे तुस इस समें गी केह् गलाना चांह्दे ओ ते कुसलै करना चांह्दे ओ। असली मकसद ते एह् जे तुस ईश्वर दे ध्यान च जरूर किश समां व्यतीत करो।

(अ) प्रार्थना, प्रार्थना ईश्वर कन्नै सिद्धे तौर उप्पर रू-बरू होने दा जरिया ऐ। ईश्वर गी अपनी दुख तकलीफां दस्सने दा जरिया ऐ। ईश्वर शा मंगो जे म्हेशां तुसेंगी सद्-बुद्धि ते मार्गदर्शन दिंदा र’वै। तुंदी हर इक जरूरत पूरी होंदी र’वै, ईश्वर गी एह् जतलाओ जे तुस ओह्दे पर किन्ना विश्वास ते हिरख करदे ओ ते ओह्दा शुक्रिया अदा करदे ओ जे उ’न्न तुंदी हर जरूरत गी पूरा कीता ऐ। इ’यै प्रार्थना दा सार ऐ।

(ब) बाईबल पढ़ना- चर्च दे लावा बी अपने-आप बाईबल पढ़ने दी आदत पाओ। बाईबल च ओह् सारा किश ऐ जेह्ड़ा इक सच्चा ईसाई होने आस्तै चाहिदा ऐ। एह्दे च ईश्वर आसेआ दित्ते गेदे दिशा निर्देश न जिंदे राहें तुस सार्थक फैसले लेई सकदे ओ, ईश्वर दी मर्जी गी जानी सकदे ओ, कि’यां दुखें पर काबू पाया जाई सकदा ऐ। आत्मक तौर उप्पर तुस कि’यां अगड़े बधी सकदे ओ। बाईबल ईश्वर दा गै वाक् ऐ। बाईबल ईश्वर आसेआ दित्ते गेदे दिशा निर्देशें दा ब्यौरा ऐ जिंदे राहें अस आत्मक शांति पांदे होई ईश्वर गी खुश करी सकनेआं।

4. नेह् लोकें कन्नै मेल जोल बधाओ जेह्ड़े मानसक ते आत्मक तौरै पर प्रेरत करन….

कोरीनथेनस 15:33 च दससे न कदें बी गुमराह मत हौवो बुरी संगत म्हेशां चंगे चरित्र दा सत्यानाश करी ओड़दी ऐ। बाईबल म्हेशां असेंगी साढ़े आले-दुआले फिरने आह्ले दुश्ट लोकें शा सावधान करदी आई ऐ। बुरे लीकें दी संगत च समां व्यतीत करने पर अस बी उ’नें कम्में च गै लिप्त होई जन्ने आं। उनें लोकें दा बुरा चरित्र साढ़ा बी बेड़ा गर्क करी ओड़दा ऐ। इस आस्तै एह् जरूरी ऐ म्हेशां ऐसे लोकें दे संपर्क च र’वो जेह्ड़े ईश्वर कन्नै हिरख करदे न ते अपना सर्वस्व उसी अर्पत कीते दा ऐ।

चर्चा शा ऐसे दो त्रै साथियों दी तपाश करी जेह्ड़े तुंदी मदद ते तुसेंगी प्रेरत करन। (हिब्रू 3:13; 10:24) अपने इनें दोस्तें गी आखो जे ओह् तुंदी दिनचर्या पर नजर रक्खन. जे तुस ईश्वर दे ध्यान च किन्ना समां गुजारदे ओ, तुस बी उंदी दिनचर्या पर नजर रक्खी सकदे ओ। एह्दा एह् मतलब नेईं जे तुस अपने उनें साथियें गी छोड़ो ओड़ो जेह्ड़े यीशु मसीहा गी अपने तारनहार दे रूप च नेईं मन्नदे। उं’दे कन्नै अपना सैह्योग ते मेलजोल बनाई रक्खो, उनेंगी एह् एह्सास कराओ कि’यां यीशु मसीहा ने तुंदी जिंदगी बदली ओड़ी ऐ, जो किश तुंदी जिंदगी च बदलेआ ऐ ओह् सारी ओह्दी देन ऐ। ईश्वर अग्गें एह् प्रार्थना करो जे ओह तुसेंगी बी मौका देआ जे ओह्दी मैह्मा दा दोस्ते च गुणगान करी सको।

5. दीक्षास्नान करना

मते सारे लोक दीक्षास्नान दा अर्थ नेईं समझदे हैन। दीक्षास्नान शब्द दा अर्थ ऐ, पवित्र पानी च डुबकी लाइयै अपने आप गी पवित्र करना । दीक्षास्नान इक ऐसा तरीका ऐ जिस राहें तुस बाईबल च दस्से गेदे तरीके अनुसार ईसायत च अपने विश्वास ते उसे मन्नने दी घोशना करदे ओ। पानी च डुबकी लाइ’यै धुलने दा मतलब ऐ उस ईश्वर कन्नै जाई मिलना, सिर्फ दीक्षास्नान राहें गै तुस नेईं बची सकदे। दीक्षास्नान कन्नै तुंदे सारे पाप दूर नेईं होई जंदे। सिर्फ दीक्षास्नान करने कन्नै तुंदे सारे पाप दूर नेईं होई जंदे। दीक्षास्नान सिर्फ इक ढंग ऐ ओह्दे च विश्वास जगाने दा, सार्वजनक तौर उप्पर मोक्ष लेई यीशु पर विश्वास बनाइयै घोशना करने दा। दीक्षास्नान जरूरी ऐ की जे इस राहें गै तुस पूरी शरधा कन्नै ईसायत गी मन्नी सकदे ओ, सार्वजनक तौर उप्पर यीशु मसीहा पर विश्वास दी घोशना करदे ओ। अगर तुस दीक्षास्नान लेई त्यार ओ तां इस विशे च पादरी कन्नै गल्ल करी सकदे ओ।



डोगरी दे मुक्ख पन्ने पर बापस जाओ



अ’ऊं यीशु गी ईश्वर दे रूप च मन्नन लगां... हून अ’ऊं केह् करां ?