Suraq
Isa Qudai ma? Isa Ózin Qudai dep atady ma?
Jaýap
Kieli kitapta Isanyń «Men – Qudaimyn» degeni jazylmaǵan. Degenmen bul Onyń Ózin Qudai dep sanamaǵanyn bildirmeidi. Joxan 10:30 ayatynda Isa: «Ákem Ekeýimiz birtutaspyz» deidi. Osy sózderdi mysalǵa alaiyq. Bul sózderge birinshi qaraǵanda Isa Ózin Qudai dep atamaǵandai kórinedi. Alaida osy sózderdi estigen evreilerdiń serpilisine qaraiyq. Olar Isaǵa: «Seni igi isiń úshin emes, Qudaidy qorlaǵanyń úshin tas laqtyryp óltirmekpiz. Sen adam bola tura, Ózińnen Qudai jasaǵyń keledi!» - dedi (Joxan 10:33). Demek evreiler Isa Ózin Qudai dep atady dep paiymdady. Kelesi ayattarda biz Isanyń: «Men Ózimnen Qudai jasaǵan joqpyn» - dep aqtalǵanyn kórmeimiz. Yaǵni Isa Óziniń Qudai ekeninen bas tartpady. Ol: «Ákem Ekeýimiz birtutaspyz» degende Óziniń Qudai ekenin jariyalady (Joxan 10:30). Osy jaily taǵy bir mysal - Joxan 8:58. Isa: «Senderge mańyzdy shyndyqty aitaiyn: Ybyraiym týmastan buryn-aq Men bar bolatynmyn» - dedi. Bul jerde de evreiler Ony tas laqtyryp óltirmekshi boldy. Nelikten? Óitkeni Isa Ózin Qudai dep atady, al evreilerge bul sózder Qudaidy balaǵattaýmen teń bolǵan (Joxan 8:59).
Joxan 1:1 ayatynda: «Sóz Qudai edi», al Joxan 1:14 ayatynda: «Sóz adamǵa ainalyp, aramyzda ómir súrdi» dep jazylǵan. Bul sózder Isanyń adam keiipinde kelgen Qudai ekenin bildiredi. Elshiler. isteri 20:28 ayatynda bylai delingen: «Shopan qoiyn qalai baqsa, sender de Qudai Iemizdiń óz qanyn tógip, iemdengen qaýymyna solai qamqor bolyńdar!». Kim qaýym úshin Óz qanyn tógip, ony iemdendi? Isa Másix. Elshiler. isteri 20:28 ayatynan biz Qudaidyń qaýymdy Óz qanymen satyp alǵanyn bilemiz. Sondyqtan Isa – Qudai!
Isanyń shákirti Toma óziniń Ustazyna: «Iem meniń, Qudaiym meniń!» - dedi. Isa ony túzetpedi. Tit. xat 2:13 ayaty bizdi Qudaiymyz ári Qutqarýshymyz – Isa Másixti kútýge jigerlendiredi (Petir. 2-xaty 1:1 ayatyn da qarańyz). Evrei. xat 1:8 ayatynda Qudai Áke Isa týraly bylai deidi: «Ýa, Qudai, Seniń taǵyń saqtalady máńgilik, júrgizesiń Patshalyǵyńa ádil bilik».
Ayan kitabynda perishte elshi Joxandy jalǵyz Qudai ǵana tabynýǵa jigerlendiredi (Ayan 19:10). Isa Kieli jazbanyń birneshe jerinde madaqtalady (Matai 2:11; 14:33; 28:9,17; Luqa 24:52; Joxan 9:38). Adamdar Isaǵa tabynǵan kezde Ol olardy eshqashan áshkerelemeidi. Eger Isa Qudai bolmaǵanda onda Ol, Ayan kitabyndaǵy perishtedei, adamdarǵa Oǵan tabynýǵa tyiym salar edi. Kieli jazbada Isanyń Qudai ekenin rastaityn ayattar men úzindiler kóp.
Isa Qudai bolýǵa tiisti, munyń eń mańyzdy sebebi mynandai: eger Ol Qudai bolmaǵanda Onyń ólimi búkil adamzattyń kúnálarynyń qunyn óteýge jetpes edi (Joxan. 1-xaty 2:2). Osyndai orasan ári sheksiz qundy Qudai ǵana tólei alatyn edi. Búkil adamzattyń kúnálaryn Óz moinyna alyp, ólip, qaita tirilý – Qudaidyń qolynan ǵana keletin is (Qorynt. 2-xaty 5:21), osy arqyly Qudai Óziniń ólim men kúnány jeńgenin dáleldedi.
English
Isa Qudai ma? Isa Ózin Qudai dep atady ma?