के येशू ख्रीष्टको पुनरुत्थान साँचो हो ?




प्रश्न: के येशू ख्रीष्टको पुनरुत्थान साँचो हो ?

उत्तर:
धर्मशास्त्रले येशू ख्रीष्ट मृत्युबाट वास्तवमै पुनरुत्थित हुनुभएको थियो भनेर निश्चित प्रमाण प्रस्तुत गर्दछ । ख्रीष्टको पुनरुत्थानलाई मत्ती २८:१–२०; मर्कूस १६:१–२०; लूका १:५३; अनि यूहन्ना २०:१—२१ : २५ मा अभिलेख गरिएको छ । पुनरुत्थित ख्रीष्ट प्रेरितको पुस्तक (प्रेरित १:१–११) मा पनि देखा पर्यो । यी परिच्छेदहरुबाट तपाईंले ख्रीष्टको पुनरुत्थानको कैयौं “प्रमाणहरु” पाउन सक्नुहुन्छ । पहिलोचाहिँ चेलाहरुमा भएको नाटकीय परिवत्र्तन हो । तिनीहरु डराउने र लुक्ने मानिसहरुको झूण्डबाट संसारभरी नै सुसमचार सुनाउने साहसी र आँटिलो गवाहीहरु बने । बौह्री उठ्नुभएको ख्रीष्ट तिनीहरुमा देखा पर्नुभएको सिवाय अरु कुन कुराले यस नाटकीय परिवत्र्तनलाई वयान गर्न सक्दथ्यो र ?

दोस्रोचाहिँ हो पावल प्रेरितको जीवन । तिनलाई एकजना मण्डलीहरुको खेदो गर्ने व्यक्तिबाट मण्डलीका प्रेरितमा कुन कुराले परिवत्र्तन गर्यो ? के यो दमस्कसको बाटोमा बौह्री उठ्नुभएको ख्रीष्ट (प्रेरित ९:१६) तिनीकहाँ देखा पर्नु भएकोले गर्दा थियो त ? तेस्रो पत्यारलाग्दो प्रमाण हो रित्तो चिहान । यदि ख्र्रीष्ट बौह्री उठ्नु नभएको हुँदो हो त, उहाँको शरीर कहाँ छ त ? चेलाहरु र अरुहरुले उहाँलाई राखिएको चिहान देखेका थिए । जब तिनीहरु फर्के, उहाँको शरीर त्यहाँ थिएन । स्वर्गदूतले घोषणा गरे कि उहाँ मृत्युबाट बौह्री उठ्नु भएको थियो जस्तो उहाँले प्रतिज्ञा गर्नुभएको थियो (मत्ती २८:५–७) । चौथो, उहाँको बौह्री उठाईको थप प्रमाणचाहिँ हो उहाँ देखा पर्नुभएका थुप्रै मानिसहरु (मत्ती २८:५,९, १६–१७; मर्कूस १६:९; लूका २४:१३–३५; यूहन्ना २०: १९,२४, २६–२९, २१:१–१४; प्रेरित १ :६–८; १ कोरिन्थी १५: ५–७) ।

येशू ख्रीष्टको पुनरुत्थानको अर्को प्रमाण हो चेलाहरुद्वारा दिइएका येशूका पुनरुत्थानको ठूलो मात्राको गवाही । ख्रीष्टको बौह्री उठाईको एउटा मुख्य वाक्याँशचाहिँ हो १ कोरिन्थी १५ । यस अध्यायमा खीष्टको बौह्री उठाईलाई बुझ्नु र विश्वास गर्नुमा किन महत्वपूर्ण छ भनेर पावल प्रेरितले वयान गरेका छन् । पुनरुत्थानचाहिँ निम्नलिखित कारणहरुका लागि महत्वपूर्ण छन् : १) यदि ख्रीष्ट मृत्युबाट बौह्री उठ्नु भएको थिएन भने, विश्वासीहरु पनि उठ्ने छैनन् (१ कोरिन्थी १५:१२–१५) । येशूको पुनरुत्थानले प्रमाणित गर्यो कि उहाँको मृत्युलाई परमेश्वरद्वारा हाम्रा पापहरुको प्रायश्चितका लागि ग्रहण गरियो । यदि उहाँ केवल मरेकामात्र हुँदो हो त, त्यसले उहाँको बलिदान पर्याप्त थिएन भन्ने संकेत गर्नेथियो । फलस्वरुप, विश्वासीहरुलाई तिनीहरुका पापहरुका लागि क्षमा गरिन्थेन, अनि तिनीहरु मरेपछि मृतक नै रहने थियो (१ कोरिन्थी १५:१६–१९) । त्यहाँ अनन्त जीवन जस्ता कुनैपनि कुरो हुने थिएन (यूहन्ना ३:१६) । वास्तवमा ख्रीष्ट मृतकहरुबाट जीवित हुनुभएको छ । सुतिजानेहरुमध्येमा उहाँचाहिँ प्रथम फल हुनुहुन्छ (१ कोरिन्थी १५ :२०) ।

अन्त्यमा, येशू ख्रीष्टमा विश्वास गर्नेहरु उहाँ जस्तैगरी अनन्त जीवनको लागि बौह्री उठ्नु हुनेछ भन्ने कुराप्रति धर्मशास्त्र स्पष्टै छ (१ कोरिन्थी १५:२०–२३) । पहिलो कोरिन्थी १५ ले ख्रीष्टको पुनरुत्थानले कसरी पापमाथिको उहाँको विजयलाई प्रमाणित गरेको छ अनि हामीलाई पापमाथि विजयी भएर जिउने शक्ति प्रदान गरेको छ भनेर वर्णन गरेको छ (१ कोरिन्थी १५:२४–३४) । यसले हामीले प्राप्त गर्ने पुनरुत्थित शरीरको महिमित स्वभावको वर्णन गर्दछ (१ कोरिन्थी १५:३५–४९) ।

ख्रीष्टको बौह्री उठाई एउटा कति महिमित सत्यता ! “यसकारण मेरा प्रिय भाई हो स्थिर र अटल रहो । प्रभुको काममा सधैं बढदैजाओ । किनकि तिमीहरु जान्दछौ कि प्रभुमा तिमीहरुको परिश्रम व्यर्थ हुँदैन” (१ कोरिन्थी १५:५८) । बाइबल मुताबिक, येशू ख्रीष्टको बौह्री उठाई एकदमै निश्चित सत्यता हो । बाइबलले ख्र्रीष्टको पुनरुत्थान, ख्रीष्टको बौह्रीउठाईलाई अभिलेख गर्दछ अनि यसलाई ४०० भन्दा धेर मानिसहरुद्वारा देखिएको थियो भनेर उल्लेख गर्दछ, अनि येशूको पुनरुत्थानको एतिहासिक सत्यतामा महत्वपूर्ण ख्रीष्टियन सिद्धान्तलाई अगाडि बढाउँदछ ।



नेपाली सुरुवात(होमपेज) पानामा फर्कनुहोश



के येशू ख्रीष्टको पुनरुत्थान साँचो हो ?