म कसरी परमेश्वरसँग सही रहन सक्छु?



प्रश्न: म कसरी परमेश्वरसँग सही रहन सक्छु?

उत्तर:
परमेश्वरसँग "सही" रहनु, हामीले पहिले यो बुझ्नु जरूरी छ कि “गलत” के हो। यसको उत्तर पाप हो। "कसैले असल गर्दैन, असल गर्ने एक जना पनि छैन।" (भजनसंग्रह १४:३)। हामीले परमेश्वरको आज्ञाको विरूद्ध विद्रोह गरेका छौँ; "हामी सबै भेडाझैँ बरालिएका छौँ" (यशैया ५३:६)।

दु:खको समाचार यहि हो कि पापको दण्ड मृत्यु हो। "जुन प्राणले पाप गर्छ, त्यही मर्छ" (इजकिएल १८:४)। खुशीको समाचार यहि हो कि प्रमी परमेश्वर ले हामीलाई प्रेरित गर्नुभएको छ ताकि हामी उद्धार सम्म पुउन सकौँ। येशूले आफ्नो उद्देश्यको घोषणा यसरी गर्नुभयोको थियो "हराएकालाई खोज्न र बचाउन आएको हो" (लूका १९:१०)। अनि उहाँले घोषणा गर्नुभयो कि उहाँको उद्देश्य प्राप्त भइसकेको थियो जब उहाँ क्रूसमाथी मर्नु भयो र भन्नु भयो "अब सिद्दियो" (यूहन्ना १९:३०)।

परमेश्वरसँग सही सम्बन्धको शुरूवात आफनो पापलाई स्वीकार गर्नु हो। त्यसपछि परमेश्वरको अघि आफनो पापलाई नम्रतसाथ स्वीकार गर्नु हो (यशैया ५७:१५)। अनि पापलाई छोडने संकल्प गर्नु हो। "किनकी मानिसले आफ्नो हृदयले विश्वास गर्छ र ऊ निर्दोष ठहरिन्छ, अनि उसले आफ्नो मुखले स्वीकार गर्छ र उद्धार पाउँछ” (रोमी १०:१०)।

यो पश्चाताप विश्वासको साथमा हुन पर्दछ – विशेष गरी, येशूको विश्वास बलिदानत्मक मृत्य तथा आश्रर्यजनक पुनरुत्थानले उहाँलाई हाम्रो उद्धारकर्ता बनाएको छ। "किनकी यदि तिमीले येशूलाई प्रभु हो भनी आफ्नो मुखले स्वीकार गर्यौ, र परमेश्वरले उहाँलाई मरेकाहरूबाट जीवित पार्नुभयो भनी आफ्नो हृदयमा विश्वास गर्यौ भने तिम्रो उद्धार हुनेछा" (रोमी १०:९)। अन्य संदर्भहरूले विश्वासको आवश्यकताको बारेमा बताउँदछ, जस्तै (यूहन्ना २०:२७; प्रेरित १६:३१; गलाती २:१६; ३:११,२६; र एफीसी २:८)।

परमेश्वरसँग सही हुनु तपाईंको त्यो प्रतिक्रिया को विषय हो जसमा परमेश्वरले तपाईंको बदलामा के गर्नुभयो। उहाँले उद्धारकर्ता पठाउनु भयो, उहाँले तपाईंको पापलाई हटाउनको लागी बलिदानको व्यवस्था गर्नुभयो (यूहन्ना १:२९), र उहाँले तापईलाई यो प्रतिज्ञा दिनुहुन्छ: "अनि जसले परमप्रभु को नाउँ लिनेछ, त्यसले उद्धार पाउने छ" (प्रेरित २:२१)।

उडाऊपुत्र का दृष्टान्त पश्चाताप तथा क्षमा को एउटा सबभन्दा सुन्दर उदाहरण हो (लूका १५:११-३२)। कान्छो छोराले टाढा देशमा गई र यहाँ भोग-बिलासमा आफनो सम्पति उडायो (पद १३)। जब उसले आफ्नो गलती थाहा पायो, तब ऊ घर फर्किने निर्णय लियो (पद १८)। उसले यो अनुमान लगायो कि अब उप्रान्त म तपाईंको छोरा भनिनो योग्यको छैन (पद १९), तर ऊ गलत थियो। बुबाले जसरी पहिला प्रेम गर्थे त्यसरी फर्केर आएको छोरालाई प्रेम गरे (पद २०)। सबै कुरा क्षमा गरि, अनी एउटा उत्सव गर्नलाई आदेस दिए (पद २४)। परमेश्वर आफ्नो प्रतिज्ञाको राख्नमा भलो हुनुहुन्छ, जसमा क्षमा को प्रतिज्ञा पनी समावेश छ। "चूर्ण हृदय भएकाहरू सबैका नजीक परमप्रभु हुनुहुन्छ, र निराश भएकाहरूलाई उहाँले बचाउनुहुन्छ” (भजनसंग्रह ३४:१८)।

यदि तपाईं परमेश्वरसँग सही हुन चाहानुहुन्छ भने, यो सरल प्रार्थना तपाईंले गर्न सक्नुहुन्छ। यो प्रार्थना गर्नाले वा अरू कुनै प्रार्थनाले तपाईंलाई बचाउन सक्दैन। येशू ख्रीष्टलाई विश्वास गरेर मात्र पापहरूको क्षमा पाइन्छ। यो प्रार्थना केवल तपाईंको विश्वासलाई प्रभुमा व्यक्त गर्न र तपाईंलाई क्षमा दिनुभएकोमा धन्यवाद चढाउनु हो। “प्रभु, म जान्दछु कि मैले तपाईंको विरूद्धमा पाप गरेको छु, र सजाय पाउने योग्यको छु। तर येशू ख्रीष्टले त्यो सजाय भोग्नुभयो जसको म योग्य थिए, ताकि उहाँमा विश्वास गरेर मेरो क्षमा हुन सकोस्। मुक्तिको लागि म मेरो भरोसा तपाईंमा राख्दछु। तपाईंको अचम्मको अनुग्रह र क्षमादानको निम्ति तपाईंलाई धन्यवाद! आमिन!”

के तपाईंले यहाँ लेखिएका कुरा पढेर ख्रीष्टलाई ग्रहण गर्ने निर्णय गर्नुभएको छ? यदि छ भने तल दिएको "मैले आज ख्रीष्टलाई ग्रहण गरेको छु" भन्ने बटनमा क्लिक गर्नुहोस्।



नेपाली सुरुवात (होमपेज) पानामा फर्कनुहोश



म कसरी परमेश्वरसँग सही रहन सक्छु?