प्रश्न
येशूलाई व्यक्तिगत मुक्तिदाताको रूपमा ग्रहण गर्नुको अर्थ के हो?
उत्तर
के तपाईंले येशू ख्रीष्टलाई आफ्नो व्यक्तिगत मुक्तिदाता भनेर स्वीकार गर्नुभएको छ? यस प्रश्नलाई बुझ्न पहिले “येशू ख्रीष्ट”, “व्यक्तिगत” र “मुक्तिदाता” भन्ने शब्द बुझ्नु आवश्यक छ।
येशू ख्रीष्ट को हुनुहुन्छ? धेरै मानिसहरू येशू ख्रीष्ट असल मानिस, महान् शिक्षक वा परमेश्वरका भविष्यवक्त्ता हुन् भनेर मान्न तयार हुन्छन्। यी सबै कुरा साँचो हो, तर यसले उहाँ को हुनुहुन्छ भनेर वास्तविकतामा व्याख्या गर्न सक्दैन। बाइबलले यो भन्दछ कि येशू देहधारी हुनुभयो, परमेश्वर मानव बन्नुभयो (युहन्ना १:१, १४)। परमेश्वर यस संसारमा हामीलाई सिकाउन, निको पार्न, सुधार्न, क्षमा दिन - र हाम्रा लागि ज्यान गुमाउन आउनुभयो! येशू ख्रीष्ट परमेश्वर हुनुहुन्छ, सृष्टिकर्ता, सार्वभौम प्रभु, के तपाईंले येशू प्रभुलाई स्वीकार्नुभएको छ?
मुक्तिदाता के हो? अनि हामीलाई मुक्तिदाता किन चाहिन्छ? बाइबलले हामीलाई भन्दछ कि हामी सबैले पाप गरेका छौँ र हामीले दुष्ट कार्यहरू अपनाएका छौँ (रोमी ३:१०-१८)। फलस्वरूप हामी परमेश्वरको न्याय र क्रोधको योग्य छौँ। हामीले अनन्त परमेश्वरको विरुद्ध गरेका पापको निम्ति सजायँ अनन्त दण्ड भोग्नुपर्ने हो (रोमी ६:२३, प्रकाश २०:११-१५)। यसैकारण हामीलाई मुक्तिदाता चाहिन्छ!
येशू ख्रीष्ट पृथ्वीमा हाम्रो खातिर प्राण दिन आउनुभयो। येशूको मृत्युले हाम्रो पापको लागि अनन्तको ज्याला उहाँले चुक्त्ता गर्नुभएको थियो (२ कोरिन्थी ५:२१)। येशू हाम्रो पापको मूल्य तिर्न मर्नुभयो (रोमी ५:८)। येशूले हाम्रो ॠण तिर्नुभयो ताकि हामीले त्यसको ज्याला चुक्त्ता गर्नुनपरोस्। येशूले मृत्युबाट बौरिउठेर यो साबित गर्नुभयो कि उहाँको मृत्युद्वारा हाम्रो पापको मूल्य तिर्न सफल हुनुभयो। यसकारण येशू एकमात्र मुक्तिदाता हुनुहुन्छ (युहन्ना १४:६, प्रेरित ४:१२)! के तपाईंले येशूलाई मुक्तिदाताको रूपमा विश्वास गर्नुभएको छ?
के येशू तपाईंको व्यक्तिगत मुक्तिदाता हुनुहुन्छ? धेरै मानिसहरू ख्रीष्टियन हुनुको अर्थ केवल चर्चमा जानु, धार्मिक काम गर्नु, कुनै पाप नगर्नु हो भन्छन्। तर त्यसरी ख्रीष्टियन बन्न सकिन्न। साँचो ख्रीष्टियन बन्नु भनेको येशू ख्रीष्टसँग व्यक्तिगत सम्बन्ध राख्नु हो। येशूलाई व्यक्तिगत मुक्तिदाता भनेर स्वीकार गर्नु, उहाँमा विश्वास र भरोसा गर्नु हो। कोही पनि अरूको विश्वासद्वारा बाँच्न सक्दैन। न त कसैले असल कार्य गरेर क्षमा पाउन सक्छ। मुक्ति पाउन एक मात्र बाटो येशूलाई मुक्तिदाता भनी स्वीकार्नु हो, उहाँको मृत्युले हाम्रो पापको मोल तिरेको छ र उहाँको बौरिउठाईले हामीलाई अनन्त जीवनको दिएको हो भनी भरोसा गर्नु हो (युहन्ना ३:१६)। के येशू तपाईंको व्यक्तिगत मुक्तिदाता हुनुहुन्छ?
यदि तपाईंले येशू ख्रीष्टलाई आफ्नो मुक्तिदाता भनी स्वीकार गर्न र परमेश्वरबाट आफ्नो पापको क्षमा चाहनुहुन्छ भने यो सरल प्रार्थना गर्न सक्नुहुन्छ। यो प्रार्थना गर्नाले वा अरू कुनै प्रार्थनाले तपाईंलाई बचाउन सक्दैन। येशू ख्रीष्टलाई विश्वास गरेर मात्र पापको क्षमा पाइन्छ। यो प्रार्थना केवल तपाईंको विश्वासलाई प्रभुमा व्यक्त गर्न र तपाईंलाई क्षमा दिनुभएकोमा धन्यवाद चढाउन होः “प्रभु, म जान्दछु कि मैले तपाईंको विरुध्दमा पाप गरेको छु र सजायँ पाउने योग्यको छु। तर येशू ख्रीष्टले त्यो सजायँ भोग्नुभयो, जसको म योग्य थिएँ, ताकि उहाँमा विश्वास गरेर मेरो पाप क्षमा हुन सकोस्। मुक्तिको लागि म मेरो भरोसा तपाईंमा राख्दछु। तपाईंको अचम्मको अनुग्रह र क्षमादानको निम्ति तपाईंलाई धन्यवाद! आमिन!”
के तपाईंले यहाँ लेखिएका कुरा पढेर ख्रीष्टलाई ग्रहण गर्ने निर्णय गर्नुभएको छ? यदि छ भने तल दिएको "मैले आज ख्रीष्टलाई ग्रहण गरेको छु" भन्ने बटनमा क्लिक गर्नुहोस्।
English
येशूलाई व्यक्तिगत मुक्तिदाताको रूपमा ग्रहण गर्नुको अर्थ के हो?
