Icipusho
Bushe cipilibule nshi ukusumina Yesu ngo Mupusushi obe we mwine?
Ukwasuka
Bushe walimusumina Yesu ngo Mupusushi obe we mwine? Pakuti kube ukumfwikishe cipusho ici, ulungile waishibo mwalola amalembo “Yesu Christu,” “we mwine” na “Umupusushi.”
Bushe Yesu ni Nani? Abantu abengi kuti basuminisha Yesu ukubo muntu umusuma, kasambilisha mukalamba, nangufye kasesema wakwa Lesa. Ifi fintu icine cine fishinka pa lwa kwa Yesu, lelo tafilolondolola ukufikapo ifyo aba mu cishinka. Icipingo citulondolwele fyo Yesu ni Lesa mu buntunse, Lesa mu bubumbo bwa buntu, (moneni Yohane 1:1, 14). Lesa aishile pano pesonde ku kutusambilisha, ku kutuposha, ku kutulungika, ku kutwelela—na ku kutufwila! Yesu Christu ni Lesa, Kabumba, Shikulu uushitungululwa. Bushe wali mupokelelo yu Yesu?
Bushe Umupusushi cinshi, elo cinshi tulekabilwo Mupusushi? Icipingo citwebe fyo fwe bonse twalibembuka; bonse twacita ifyabupulumushi (Roma 3:10-18). Pa mulandu walubembu lwesu, twalingilo kukalipa noku pingula kwa kwa Lesa. Ukukandwafye kwalingile pa lubembu twachitile kuli Lesa wa muyayaya ni uko kukandwa kwa muyayaya (Roma 6:23; Ukusokolola 20:11-15). I Ico e calenga tukabilwo mupusushi.
Yesu Christu aishile pa calo no kufwila mwipunda lyesu. Imfwa yakwa Yesu yali malipilo ya muyayaya aya membu shesu (2 Korinti 5:21). Yesu afwile ukuti alipile icilandushi ca luembu shesu (Roma 5:8). Yesu alipīle umutengo pakuti ifwe twikalipila. Ukubuka kwa kwa Yesu ku bafwa calango kuti imfwa yakwe yali iyafikapo kulipile cilambu calubembu lwesu. Ico e calenga Yesu ukuba e mupusushi fye eka (Yohane 14:6, Imilimo 4:12)! Bushe ulesubila muli Yesu ngo mupusushi wobe?
Bushe Yesu Mupusushi obe “we mwine”? Abantu abengi bamweno bwina Christu mu kuya mukulongana, mu kukonke fyatantikwa, nangula mu kukana cite membu shimo shimo. Ifyo te bwina Christu iyo. Ubwina Christu bwine bwine kukwate cibusa we mwine na Yesu Christu. Ukusumina Yesu ukubo mupusushi wobe we mwine cipilibulo kubika icisumino cobe we mwine ne subilo lyobe muli wena. Takuli uupusukila pa cisumino ca bambi. Takuli uwelelwa pa mulandu wakucite ficitwa fimo fimo. Inshilafye iyakupusukilamo ni muli we mwine ukusumina Yesu ngo Mupusushi obe, no kusubila mu mfwa yakwe ukuba e malipilo ya lubembu lwobe na mu kubūka kwakwe ukube cikatilo cobe ku mweo wa muyayaya (Yahone 3:16). Bushe Yesu Mupusushi obe we mwine?
Ngo lefwayo kumupokelela Yesu Christu ukubo Mupusushi obe we mwine, landa amashiwi aya kuli Lesa. Lelo ibukisho kuti, ukulanda amashiwi ya kupepa aya nangula amashiwi ya kupepa yambi ayaliyonse tayenga kupususha iyo. Ukusuminafye muli Yesu Christu no ku bomba kwakwe ukwapwililika palupanda pamulandu wa iwe, e kwinga pususha iwe ku membu. Ipepo ili ninshila fye imo iyakulangilamo kuli Lesa icitetekelo cobe muli wena elo no kumutotela pa kubikako inshila yakupusukilamo. “Lesa, ninjishibo kuti nalibembuka kuli iwe elo nindingilo kukandwa. Lelo nde tetekelo kuti Yesu Christu alisendo kukandwo kwalingile ine pakuti mu kusumina muli wena nsange ukwelelwa. Napokelelo kupela kobe ukwakunjelela na kabili nabike subilo lye pusukilo lyandi muli iwe. Napokelela Yesu Christu ukubo mupusushi wandi ne mwine! Natotela pa kusenamina kobe no kwelela—icilambu ca mweo wa muyayaya! Amen!”
Bushe mwasala ukukonka Christu pamulandu wafyo mwabelenga kuno? Nga nifyo, saleni apalembelwe “Na pokelela Christu Lelo” paka kusalilapo panshi.
English
Bushe cipilibule nshi ukusumina Yesu ngo Mupusushi obe we mwine?