ചോദ്യം
പിശാചുക്കളെപ്പറ്റി ബൈബിൾ എന്തു പഠിപ്പിക്കുന്നു?
ഉത്തരം
വെളിപ്പാട്.12:9 ൽ പിശാചുക്കളെപ്പറ്റിയുള്ള വ്യക്തമായ പരാമര്‍ശം കാണുന്നത്‌. "ഭൂതലത്തെ മുഴുവന്‍ തെറ്റിച്ചുകളയുന്ന പിശാചും സാത്താനും എന്ന മഹാസര്‍പ്പമായ പഴയ പാമ്പിനെ ഭൂമിയിലേയ്ക്ക്‌ തള്ളിക്കളഞ്ഞു. അവന്റെ ദൂതന്‍മാരേയും അവനോടുകൂടെ തള്ളിക്കളഞ്ഞു". പിശാചിന്റെ വീഴ്ചയെപ്പറ്റി പ്രതീകാത്മകമായി യെശയ്യാവ്.14:12-15; യെഹസ്കേൽ.28:12-15 എന്നീ വേദഭാഗങ്ങളിൽ പറഞ്ഞിരിക്കുന്നു. പിശാച്‌ പാപം ചെയ്തപ്പോൾ ഒരു പക്ഷെ അവനോടൊപ്പം മൂന്നില്‍ ഒന്നു പങ്കു ദൂതന്‍മാരും ഉണ്ടായിരുന്നു എന്ന് വെളിപ്പാട്.12:4 ൽ നിന്ന് ഊഹിക്കാവുന്നതാണ്‌. യൂദാ വാക്യം 6 ലും പാപം ചെയ്ത ദൂതന്‍മാരെപ്പറ്റി പറഞ്ഞിരിക്കുന്നു. സാത്താന്‍ പാപം ചെയ്തപ്പോൾ അവനോടൊപ്പം ഉണ്ടായിരുന്ന അവന്റെ ദൂതന്‍മാരാണ്‌ പിശാചുക്കൾ എന്ന് ഈ വേദഭാഗങ്ങളിൽ നിന്ന് മനസ്സിലാക്കാവുന്നതാണ്‌.
ദൈവത്തെ ആരാധിക്കുകയും ദൈവീക വഴിയില്‍ നടക്കുകയും ചെയ്യുന്നവരെ നശിപ്പിക്കുവാനും വഞ്ചിക്കുവാനും സാത്താനും അവന്റെ സേനയും പ്രയത്നം ചെയ്യുന്നു (1പത്രോസ് 5:8; 2കൊരിന്ത്യർ.11:14,15). പിശാചുക്കള്‍ക്ക്‌ ദുരാത്മാക്കൾ (മത്തായി.10:1)എന്നും, അശുദ്ധാത്മാക്കള്‍ (മര്‍ക്കോസ്.1:27)എന്നും, സാത്താന്റെ ദൂതന്‍മാർ (വെളിപ്പാട്.12:9)എന്നും പേര്‍ കൊടുക്കപ്പെട്ടിരിക്കുന്നു. സാത്താനും അവന്റെ സേനകളും ലോകത്തെ വഞ്ചിക്കയും (2 കൊരിന്ത്യർ 4:4), ക്രിസ്തുവിശ്വാസികളെ ആക്രമിക്കുവാന്‍ ശ്രമിക്കുകയും (2കൊരിന്ത്യർ.12:7; 1പത്രോസ്.5:8), ദൈവെദൂതന്‍മാരുമായി പോരാട്ടത്തിൽ ഏര്‍പ്പെടുകയും (വെളിപ്പാട്.12:4-9) ചെയ്യുന്നതായി നാം വായിക്കുന്നു. ദൈവദൂതന്‍മാരെപ്പോലെ പിശാചുക്കളും ആത്മീയ ജീവികള്‍ ആണെങ്കിലും ശരീരത്തിൽ വെളിപ്പെടുവാൻ അവയ്ക്ക്‌ കഴിയും എന്ന് മനസ്സിലാക്കാം (2കൊരിന്ത്യർ.11;14-15). പിശാചുക്കള്‍ പാപത്തില്‍ വീണുപോയ ദൈവദൂതന്‍മാരാണ്‌. അവര്‍ ദൈവത്തിന്റെ ശത്രുക്കൾ ആയി പ്രവര്‍ത്തിക്കുന്നു. ക്രിസതു്വിന്റെ ക്രൂശുമരണം അവരുടെ പരാജയത്തിനു കാരണമായിത്തീര്‍ന്നു (കൊലോസ്സ്യർ.2:14-15). ലോകത്തില്‍ ഉള്ളവനേക്കാൾ നമ്മിൽ ഉള്ളവന്‍ എത്രയോ വലിയവനാണ്‌ എന്ന് ദൈവവചനം പഠിപ്പിക്കുന്നു (1യോഹന്നാൻ.4:4).
English
പിശാചുക്കളെപ്പറ്റി ബൈബിൾ എന്തു പഠിപ്പിക്കുന്നു?