Mistoqsija
Xi jfisser li Alla nidem?
Tweġiba
Il-kelma tindem tfisser “tibdel fehmtek.” Lil tindem minn dnubietek tfisser li tibdel fehmtek dwar id-dnub. Kien hemm żmien meta ħsibt lid-dnub kien ħelu u aċettabbli u anke pjaċevoli. Meta tindem, tibda tara d-dnub bħala ħażin u ta’ ħsara. Kwalunkwe bidla fil-ħsieb tista’ titqies bħala ndiema.
Meta l-Bibbja titkellem dwar Alla li “biddel fehmtu,” qed titkellem fuqu f’termini umani. (Il-kelma teknika hi antropomorfiżmu.) Sintendi, Alla jaf minn dejjem x’se jagħmel u ma jagħmilx, u mhux se jibdel il-fehma eterna tiegħu, billi qatt mhu se jitgħallem xi ħaġa ġdida li minħabba fija jkollu jibdel il-pjan. Madankollu, Alla jirrelata magħna l-bnedmin fi żmien reali. Jekk iwissi li se jibgħat kastig, imma sadattant il-poplu jindem, allura Alla ma jibgħatux. F’dan is-sens, mill-perspettiva umana jidher li Alla bidel fehmtu u żamm lura milli jibgħat il-kastiġ.
Fil-Verżjoni Awtorizzata, Ġeremija 26:13, l-1 Kronaki 21:15, u Ġoel 2:13 jgħidu li Alla nidem. Speċifikament, Alla nidem mill-kastig li kien se jibgħat, għaliex in-nies nidmu. Alla kien se jibgħat il-ħaqq, però, b’rispons għall-indiema tal-poplu, Alla wkoll “biddel fehmtu” dwar il-ħaqq. Minħabba l-konfużjoni li tista’ tinħoloq bl-użu ta’ dawn it-termini, in-New International Version tittraduċi l-kelma bħala “jżomm lura” – li tesprimi l-idea korrettament.
Fuq livell etern, Alla qatt ma “jerġa’ jibdielu.” Fil-fatt, fin-Numri 23:19 naqraw li Alla la jigdeb u lanqas jindem – billi qatt ma jakkwista xi tagħrif ġdid. Però fuq livell ta’ komunikazzjoi mal-bnedmin – u mill-perspettiva tagħna – hekk jiġri. Għalkemm diġà jaf x’se jiġri qabel dan iseħħ, jirrelata magħna “fiż-żmien reali.” Meta s-sitwazzjoni tinbidel, hu jibdel l-azzjonijiet u r-rispons tiegħu lejna.
English
Xi jfisser li Alla nidem?