Mistoqsija
Satana huwa omnipreżenti?
Tweġiba
Le, Satana mhux omnipreżenti. Jiġifieri, mhuwiex preżenti kullimkien il-ħin kollu. Ix-xitan limitat li jkun f’post wieħed f’mument partikolari.
Billi Satana kreatura maħluqa u finita, ma nistgħux nattribwixxulu l-omnipreżenza (Eżekjel 28:15). Kristu ħalaq il-ħwejjeġ kollha (Kolossin 1:16), inkluż ix-xitan – għalkemm oriġinarjament Satana ma kienx esseru malinn. Satana għandu limiti u bl-ebda mod mhu infinit, dan jinkludi wkoll il-preżenza tiegħu. Alla waħdu huwa omnipreżenti (Salmi 139:7–11).
Il-Ktieb ta’ Ġobb jurina kif Satana kapaċi jivvjaġġa sas-sema u jħuf madwar id-dinja (Ġobb 1:6). Għalkemm ix-xitan jista’ jżur lokalitajiet differenti, qatt ma nsibuh deskritt bħala preżenti kullimkien. Satana u d-demonji tiegħu għandhom abbiltajiet li l-bnedmin m’għandhomx, però xorta waħda jibqgħu limitati. Id-demonji kellhom joħorġu mill-indemonjat f’Gerasa sabiex setgħu jidħlu fil-ħnieżer (Luqa 8:33), u Satana hu deskritt qed jitlaq lil Ġesù fid-deżert, wara li ttentah (Mattew 4:11). Jekk telaq lil Ġesù, allura ma kienx preżenti ma’ Ġesù. Huwa evidenti li Satana huwa limitat fl-ispazju u biż-żmien.
Billi x-xitan qarrieq (Rivelazzjoni 12:9), hu jipprova jikkonvinċi lin-nies li hu omnipreżenti bħal Alla. Satana waqa’ minħabba d-dnub tiegħu tal-kburija u l-kilba biex isir bħal Alla (Isaija 14:13–14). Għalhekk, nifhmuha kif ix-xitan jipprova jinganna lill-bnedmin forsi jġegħilhom jemmnu lil hu jinsab kullimkien. Jista’ jidher bħallikieku Satana jinsab kullimkien fl-istess ħin minħabba l-firxa t’attakki spiritwali, imma din illużjoni. Satana għandu ruxxmata demonji jaqduh u jwettqu l-iskemi tiegħu (Mattew 12:24; Efesin 6:12). Charles Ryrie jikkummenta: “Il-kwantità kbira ta’ demonji jista’ jagħmilhom jidhru li jinsabu preżenti kullimkien, għalkemm dan mhuwiex minnu. Madankollu Satana jaħdem u juża’ n-numru kbir tagħhom biex jipprova jmexxi ’l quddiem il-pjanijiet tiegħu f’kull post” (Basic Theology, Moody Publishers, 1999, p. 186).
Il-fidili jeħtieġ li jkunu konxji tal-iskemi ta’ Satana u x-xewqa tiegħu li jagħmel il-ħsara (2 Korintin 2:11; Efesin 6:11). Għalkemm Satana għadu qawwi, mhuwiex Alla, u mhuwiex omnipreżenti, u m’għandux l-attributi t’Alla. Alla waħdu omnipreżenti, u Alla waħdu sovran (Ġeremija 23:24; Salmi 115:3). Bħalissa Satana qed jiġġerra madwar id-dinja, però jum wieħed għad ikun kkonfinat fl-għadira tan-nar, fejn “għad ikun tturmentat nhar u lejl għal dejjem ta’ dejjem” (Rivelazzjoni 20:10).
English
Satana huwa omnipreżenti?