Mistoqsija
X’inhuma l-ispirti impuri?
Tweġiba
Spirtu impur hu sempliċiment sinonimu li nsibu fil-Patt il-Ġdid, terminu Ebrajk aktar deskrittiv, għal demoju. Fl-Iskrittura, il-kelmiet spirtu impur u demonju jintużaw flok xulxin. Fid-definizzjonijiet tagħhom m’hemmx xi differenza. Xi traduzzjonijiet jirreferu għalihom ukoll bħala “spirti malinni.”
Matul il-Patt il-Ġdid, it-terminu spirti impuri (akathartos bil-Grieg) jissemma xi għoxrin darba. F’dawn il-passaġġi naqraw li spirti impuri jistgħu jippossiedu n-nies, imarrduhom, u jagħmlulhom il-ħsara (Mattew 10:1; 12:43; Marku 1:26; Luqa 4:36; 6:18; Atti 5:16; 8:7), ifittxu ’l min jippossiedu jekk ma jkunux diġa’ qed jagħmlu dan (Mattew 12:43). Uħud minnhom aktar impuri minn oħrajn (Luqa 11:26), u jistgħu jikkomunikaw bejniethom (Marku 5:1–20; Mattew 12:45). Dawn l-ispirti impuri jinsabu taħt l-awtorità t’Alla u jkollhom jissottomettu għalih (Marku 1:27; 3:11; 5:8, 13).
Spirtu jew demonju hu “impur” għaliex hu malinn. Spirti malinni mhumiex biss ħżiena fihom infushom, imma jitgħaxxqu fil-ħażen u jippromwovu l-ħażen fil-bnedmin. Spiritwalment huma mniġġsa u impuri, u jagħmlu minn kollox biex jikkontaminaw il-ħolqien kollu t’Alla bi ħmieġhom. In-natura mħassra u maħmuġa tagħhom hi f’kuntrast dirett man-natura pura u inkorruttibli tal-Ispirtu s-Santu. Meta xi ħadd jisfa kontaminat minn spirtu impur, jitgħaxxaq bi ħsibijiet u azzjonijiet korrotti; meta persuna hi mimlija bl-Ispirtu s-Santu, il-ħsibijiet u l-għemil tagħha huma smewwitin.
Hawn min iħaddan l-idea li l-ispirti impuri jew d-demonji huma l-ispirti ta’ bnedmin li mietu. Madnakollu, nafu li l-ispirti impuri msemmija fil-Bibbja ma jirreferux għall-mejtin, u dan minħabba diversi raġunijiet. L-ewwelnett, il-bnedmin qatt ma jissejħu “spirti”. Fl-Iskrittura, jingħad li l-bnedmin li għandhom spirtu/ruħ (fil-Proverbji 25:28 u fl-1 Korintin 5:5) u jissemma “l-ispirtu tiegħu”, imma l-bnedmin qatt mhuma msejħa “spirti.” Raġuni oħra hi, ladarba xi ħadd imut, jew se jmur immedjatament għall-ħajja eterna mal-Mulej inkella għad-dlam etern fl-infern (Ebrej 9:27; 2 Korintin 5:6–8; Mattew 25:46). Għaldaqstant, l-ispirti tal-bnedmin, la jistgħu u lanqas joqgħodu jiġġerrew fuq l-art. Kwalunkwe spirtu impur li jiġġerra ’l hawn u ’l hinn, u jirresjedi f’postijiet jew persuni, jew li jirrelata mal-bnedmin b’xi mod, huwa anġlu mwaqqgħa – demonju (Mattew 12:44). L-ispirti impuri kollha msemmija fl-Iskriittura huma demonji, u d-demonji kollha indubjament huma spirti mniġġsa, empji, u impuri, ilkoll iddestinati għal eternità fl-infern (Mattew 25:41).
English
X’inhuma l-ispirti impuri?