Question
Qual es Jèsus Crist?
Responsa
Qual es Jèsus Crist? Diferentament de la question, "Dieu existís?", pauc de personas se son demandat se lo Crist a existit. Generalament s’accepta que Jèsus èra vertadièrament un òme que visquèt en Israèl fa gaireben 2000 ans. Lo debat comença quand se discutís del tèma de la plena identitat de Jèsus. Gaireben cada granda religion nos ensenha que Jèsus foguèt un profèta, o un bon professor, o un brave òme. Lo problèma es que la Bíblia nos ditz que Jèsus foguèt infinidament mai qu’un profèta, un bon professor, un brave òme.
C.S. Lewis dins son libre Mere Christianity escriu: "Ensagi d’evitar que qual que siá diga aquelas causas tant estupidas que fòrça gents dison sovent sus El [Jèsus Crist]: "Soi preparat per acceptar Jèsus coma mon grand professor moral, pasmens accepti pas que son messatge siá Dieu." Aquò es la soleta causa que podèm pas dire. Un òme que foguèt simplament un òme e que diguèt lo tipe de causas que Jèsus diguèt seriá pas un grand professor moral. O seriá un baug – del meteis nivèl qu’un òme que diriá qu’es un uòu bolit – o seriá lo Diable de l'Infèrn. Vos cal vos decidir. O aquel òme foguèt, e es, lo Filh de Dieu, o es un baug o pièger ... Lo podètz far taisar per qu’es bajan, li podètz escupir dessús e lo tuar coma un diable; o vos podètz lançar a sos pès e lo sonar Sénher e Dieu. Pasmens vos cal pas installar dins cap d’actitud condescendenta en dire qu’el es un grand professor uman. El nos a pas laissat aquesta opcion dobèrta. Èra pas son intencion.”
E doncas, qual disiá d’èsser, Jèsus? Qual nos ditz la Bíblia que èra? En primer lloc, observem las paraulas de Jèsus dins Joan 10:30, “Ieu e lo Paire sèm un.” A primièra vista, sembla pas èsser que reclame d’èsser Dieu. Pasmens, observem la reaccion dels jusièus davant Son afirmacion, “Te volèm pas escampar de pèiras per cap d’òbra bona, mas per blasfèmi, que tu, que sès un òme, te fas Dieu” (Joan 10:33). Los jusieus comprenguèron l'afirmacion de Jèsus de se voler far Dieu. Dins los vèrses seguents, Jèsus corregís pas los jusieus quand ditz, “Ai pas dich que foguèsse Dieu.” Aquò confirma que, en realitat, Jèsus afirmava d’èsser Dieu quand declarava, “Ieu e lo Paire sèm un” (Joan 10:30). Joan 8:58 n’es un autre exemple. Jèsus proclamèt, “Vos o asseguri clarament: plan abans qu’Abraam nasquèsse, ieu soi!” Tornarmai, coma responsa, los jusieus acampèron de pèiras per ensajar de lapidar Jèsus (Joan 8:59). Quand Jèsus anoncièt la Siá identitat dins “ieu soi”, representèt una aplicacion dirècta del nom de Dieu segon l'Ancian Testament (Exòde 3:14). Perqué voldrián los jusieus lapidar Jèsus s’aviá pas dich quicòm que pensavan qu’èra un blasfèmi, valent a dire, de declarar d’èsser Dieu?
Joan 1:1 ditz que “la Paraula èra Dieu”. Joan 1:14 ditz que “la Paraula se faguèt carn”. Aquò indica clarament que Jèsus es Dieu en carn. Lo discípol Tomàs declarèt en parlar de Jèsus “Lo mieu Sénher e mon Dieu” (Joan 20:28). Jèsus lo corregís pas. L’apòstol Pau Lo descriu coma “…del grand Dieu e salvaire nòstre Jèsus Crist” (Titus 2:13). L’apòstol Pèire ditz çò meteis “…del grand Dieu e salvaire nòstre Jèsus Crist” (2 Pèire 1:1). Dieu, lo Paire, tanben es testimòni de la plena identitat de Jèsus, “Per contra, del Filh ditz: “Lo tieu tròn, ò Dieu, se manten pels sègles dels sègles, e lo sceptre just es lo sceptre del tieu Règne". Las profecias de Crist dins l’Ancian Testament anóncian sa divinitat, “Per nosautres es nascut un enfant, per nosautres nos a donat un filh, e lo govèrn serà dins sas mans. E serà sonat Meravilhós Conselhièr, Dieu Poderós, Paire Etèrn, Princi de la Patz".
Per aquò, C.S. Lewis diguèt, en creire qu’es pas possibla l’opcion de veire Jèsus coma un bon professor. Jèsus se definiguèt clarament e innegablament coma Dieu. S’es pas Dieu, alara es un messorguièr, e doncas es pas un profèta, un bon professor, o un òme divenc. Amb l’intencion d'explicar las paraulas de Jèsus, los "estudiants" modèrns defendon que lo "vertadièr Jèsus istoric" diguèt pas totas las causas que la Bíblia Li atribuís. Quales sèm nosautres per dobtar de la Paraula de Dieu per çò qu’es que Jèsus diguèt o diguèt pas? Cossí pòt un “estudiant” dos mila ans aprèp Jèsus conéisser melhor çò que Jèsus diguèt o diguèt pas que non pas aqueles qu’amb el visquèron, que lo serviguèron, que foguèron ensenhats pel quite Jèsus (Joan 14:26)?
Perqué lo tèma de l’identitat vertadièra de Jèsus es tant important? Perqué es tant important se Jèsus es o es pas Dieu? La rason mai importanta que fa que Jèsus deu èsser Dieu es que se El es pas Dieu, Sa mòrt seriá pas estada sufisenta per pagar la pena pels pecats de tot lo mond (1 Joan 2:2). Sonque Dieu podriá pagar una pena tan infinida. (Romans 5:8; 2 Corintians 5:21). Jèsus deviá èsser Dieu per poder pagar nòstre deute. Jèsus deviá èsser un òme per poder morir. Lo salut sonque es possible a travèrs la fe en Jèsus Crist! La divinitat de Jèsus es la rason per la que El es lo solet camin cap al salut. Es a causa de la divinitat de Jèsus que El afirmèt, “Ieu soi lo camin, la vertat e la vida. Degun non arriba al Paire s’es pas per ieu” (Joan 14:6).
English
Qual es Jèsus Crist?