Fesili
O le a le a'oa'oga a le Tusi Paia i feusua'iga ua faia ae le'i faaipoipo; o feusua'iga i fafo atu o le faaipoipoga?
Tali
E tusa ma isi foi ituaiga feusua'iga e le tatau, o le feusua'i ae le'i faaipoipo po'o le feusua'i i luma mai o le faaipoipoga o loo iai le faasala e pei ona ta'ua i le Upu (Galuega 15:20; Roma 1:29; I Korinito 5:1; 6:3,18; 7:2; 10:8; 2 Korinito 12:21; Kalatia 5:19; Efeso 5:3; Kolose 3:5; I Tesalonia 4:3; Iuta 7). O loo faamanuia le Tusi Paia i e e faatalitali se'ia faaipoipo. O le feusua'iga i luma mai o le faaipoipoga e tusa lona sese ma le faitaaga atoa foi ma isi lava ituaiga feusua'iga, aua o loo a'afia ai lava le feusua'i ma se tasi e te le'i faaipoipo iai. E pau le feusua'iga e fa'amanuia iai le Atua e i le va lea o le tane ma le fafine (Eperu 13:4).
Ua mafua le lauiloa o feusua'iga i luma mai o le faaipoipoga ona o o niisi foi tulaga eseese. Ua tele ina vaavaai tagata i le uiga o le "toe fausia" o feusua'iga ae e le o amana'ia le mafua'aga na "fausia" ai lea tulaga. Ioe, e ese le manaia o le feusua'iga. Aua na faia e le Atua ina ia manaia. O le finagalo o le Atua ina ia fiafia tane ma a latou ava i le feusua'iga (i totonu o le puipuiga o le faaipoipoga). Ae ui i lea, o le tulaga muamua o le feusua'iga e taula'i iai i tatou, e le o le faafiafiaga, ae o le uluola. E le o faasaina e le Atua feusua'iga i luma mai o le faaipoipo e ave fa'agaoi ai se fiafiaga o loo iai, ae ina ia puipuia ai i tatou mai ma'itaga e le mana'omia ae maise foi o le puipuia o fanau mai matua e le'i sauniuni mo i latou, pe le o manana'o foi i se fanau. Manatu i le sili ona manaia o le tatou lalolagi pe anafai e mulimuli tagata i le fa'ata'atiaga mai e le Atua o feusua'iga: E le tele ni ma'i afi faasolosolo, e to'aitiiti tina e le faaipoipoina, toa'itiiti foi ma'itaga e le mana'omia atoa ma pepe ua fa'apa'u'u ma isi lava tulaga ua o'o mai ona feusua'iga e le tatau ma fuafuaga a le Atua. O le tulafono a le Atua, o le leai lea o se feusua'iga i luma mai o le faaipoipoga. E sefe ai olaga, puipuia ai o nai tamaiti pepe, e fa'atauaina ai foi le feusua'iga, ae faasilisili ona taua o le ava lea i le Atua.
English
O le a le a'oa'oga a le Tusi Paia i feusua'iga ua faia ae le'i faaipoipo; o feusua'iga i fafo atu o le faaipoipoga?