Fesili
Pe faapefea ona ou maua le ola e faavavau?
Tali
E manino lelei le faamatalaina o le ala i le ola e faavavau i le Tusi Paia. Ia muamua ona mautinoa e tagata uma, ua agasala i tatou i le va ma le Atua. "Aua ua agasala tagata uma lava, ma ua le oo i le viiga mai le Atua" (Roma 3:23). Ua agasala tagata uma, ma ua faatiga i le Finagalo o le Atua. Tatou te iloa ai foi iina, ua tatau ma onomea lava le tatou faasalaga; e faavavau foi, aua o loo tatou faaonoono i le Atua, o Ia foi e faavavau lava. "Aua o le oti, o le totogi lea o le agasala; a o le ola e faavavau, o le mea foaifuaina mai lea e le Atua, i lo tatou Alii o Keriso Iesu" (Roma 6:23).
Ae peita'i, o Iesu Keriso Le amiotonu (I Peteru 2:22), o le Alo o le Atua soifua sa liu tino tagata (Ioane 1:1,14), na maliu e sui a'i i tatou, ua Ia totogiina foi le tau o a tatou amio leaga uma lava. "A ua faaalitinoina mai e le Atua lona lava alofa ia te i tatou, ina ua maliu Keriso ma sui o i tatou, a o tatou agasala pea" (Roma 5:8). Ua maliu Iesu Keriso i le satauro (Ioane 19:31-42) ma Na tauaveina le faasalaga sa tatau mo i tatou (2 Korinito 5:21). Na toe tu mai o Ia i le aso tolu (I Korinito 15:1-4), ma ua faamaonia ai iina Lona manumalo i le agasala ma le oti. "O Le na fanaufouina i tatou ona o lona alofa tele, ina ia iu i le faamoemoe ua ola, i le toe tu mai o Iesu Keriso nai e ua oti" (I Peteru 1:3).
O le faatuatua e mafai ai e i tatou ona fulitua i le agasala ae liliu ia Keriso mo le tatou faaolataga (Galuega 3:19). Afai tatou te faatuatua ia te Ia, ma talitonu o Lona maliu i le satauro ua totogiina ai le tatou sala, ona faamagaloina ai lea o i tatou ma maua ai loa le ola e faavavau i le lagi. "Aua ua faapea lava ona alofa mai o le Atua i le lalolagi, ua Ia aumai ai Lona Atalii e toatasi, ina ia le fano se tasi e faatuatua ia te ia, a ia maua e ia le ola e faavavau" (Ioane 3:16). "Afai e te ta'utino i lou gutu i le Alii o Iesu, ma talitonu i lou loto ua toe faatuina mai o Ia e le Atua nai e ua oti, e faaolaina ai oe" (Roma 10:9). O le ala moni i le ola e faavavau, o lou faatuatua lea i le galuega mae'a a Keriso i le satauro! "Aua o le alofa tunoa ua faaolaina ai outou i le faatuatua; e le mai ia te outou foi lea, a o le mea ua foaiina mai e le Atua; e le ona o galuega, ina ne'i mitamita se tasi." (Efeso 2:8-9).
A e mana'o nei e talia Iesu Keriso e fai ma ou Faaola, ia e tatalo i le tatalo o loo tusia i lalo. Manatua, e le o se tatalo e faaolaina ai oe. Ua na o lou talitonu ia Keriso e faaolaina ai oe mai le agasala. O le tatalo lenei e na o se ala faigofie e faailoa atu ai i le Atua lou faatuatua ia te Ia ma lau faafetai mo le faaolataga ua saunia mo oe. "Le Atua e, ua ou iloa nei ua ou agasala ia te oe ma ua tatau lava ia te a'u se faasalaga tele. Ae ua totogiina e Iesu Keriso la'u sala ina ia mafai ona ou faatuatua e ala ia te ia, ma faamagaloina ai a'u. O nei lava ua ou liliu ese ai mai a'u agasala ma tuuina atu lo'u talitonuga atoa ia te Oe mo lo'u faaolataga. Faafetai tele mo le matagofie o Lou alofa tunoa ma le faamagaloina o a'u nei -- o le meaalofa o le ola e faavavau lea! Amene!"
Ua fai sau filifiliga ma'oti mo Keriso ina ua e faitau malamalama i itulau nei? Afai o lea, asiasi i le "Ua ou talia Iesu i le Aso lenei" o loo iai i lalo.
English
Pe faapefea ona ou maua le ola e faavavau?