Fesili
O le a le tatalo a le tagata agasala?
Tali
O le tatalo a le tagata agasala e faia lea i le Atua ina ua malamalama le tagata i lona tulaga agasala ma lona mana'omia o se Faaola. Ia mautinoa lelei, e le faamagaloina se tasi i na o le faia o lea tatalo. E faato'a faatauaina lea tatalo ina ua fai ma faailoga o le ta'utinoga a le tagata agasala ua mautinoa, malamalama, ma talitonu o ia ua agasala ma e mana'omia e ia le faaolataga.
O le vaega muamua o lea tatalo e faia e le tagata ua malamalama i le tulaga agasala o tagata uma. Ua ta'utino mai le Roma 3:10, "E faapea ona tusia, E leai se amiotonu, e leai lava se tasi." O loo ta'u manino mai i le Tusi Paia le agasala o tagata uma. O i tatou uma o e agasala ua manaomia le alofa o le Atua atoa ma Lana faamagaloga (Tito 3:5-7). Ona o le agasala, ua tatau ia i tatou le faasalaina e faavavau (Mataio 25:46). O le tatalo la a le tagata agasala, o lana faatoga mo le alofa tunoa o le Atua ae le o le faamasinoga. O se faatalosaga mo le alofa ae le o le toasa.
O le vaega lua o le tatalo a le tagata agasala, e faia ina ua iai sona malamalaga i le leleiga ua uma ona saunia e le Atua mo i tatou tagata ua leiloa i le pologa o le agasala. Sa liu tagata le Atua i le Tagata o Iesu Keriso (Ioane 1:1,14). Sa aoaoina e Iesu le upu moni a le Atua ma sa ola o Ia i lenei lalolagi i se olaga amiotonu ma le le pona (Ioane 8:46; 2 Korinito 5:21). Na maliu Iesu i le satauro e sui a'i i tatou, ma sa i Ona luga lo tatou faasalaga (Roma 5:8). Na toe tu mai Iesu nai e ua oti ma ua faamaonia ai iina Lona manumalo a'ia'i i le agasala, le oti, ma seoli (Kolose 2:15; I Korinito 15). Ona o nei mea uma, ua magalo a tatou agasala ma ua folafolaina mai ia i tatou se nofoaga mau i le lagi e faavavau -- ae tau ina tatou talitonu ia Iesu Keriso. Na o le talitonu i le maliu o Iesu na Ia suia ai i tatou, ma Lona toe tu mai nai e ua oti (Roma 10:9-10). Ua mafai ona faaolaina nei i tatou ona o le alofa tunoa o le Atua, e ala i le faatuatua, ia Iesu Keriso e toatasi. Ua ta'utino Efeso 2:8, "Aua o le alofa tunoa ua faaolaina ai outou i le faatuatua; e le mai ia te outou foi lea, a o le mea ua foaiina mai e le Atua."
O lou faia la o le tatalo a le tagata agasala o se ala faigofie lea e te ta'utino atu ai i le Atua ua e faamoemoe ia Iesu Keriso e fai ma ou Faaola. E leai niisi lava upu 'faalilolilo" e te maua ai le faaolataga. Na o le faatuatua i le maliu o Iesu ma Lona toe tu e faaolaina ai i tatou. Afai la ua e malamalama o oe o le tagata agasala ma ua e mana'omia le faaolataga e ala ia Iesu Keriso, o se tatalo lea a le tagata agasala e mafai ona e tatalo ai i le Atua: "Le Atua e, ua ou mautinoa nei o a'u o le tagata agasala. Ua ou iloa ua tatau ona ou oti ona o a'u agasala. Ae peita'i, ua ou talitonu ia Iesu Keriso o Ia o lo'u Faaola. Ua ou talitonu foi o Lona mailu ma Lona toe tu ua faamagaloina ai a'u agasala. Ua ou talitonu ia Iesu o Ia lava e toatasi ua avea nei e fai ma o'u Alii Faaola. Faafetai tele le Alii mo le faaolaina ma le faamagaloina o a'u! Amene!
Ua fai sau filifiliga ma'oti mo Keriso ina ua e faitau malamalama i itulau nei? Afai o lea, asiasi i le "Ua ou talia Iesu i le Aso lenei" o loo iai i lalo.
English
O le a le tatalo a le tagata agasala?