Fesili
O a uiga o le Atua? E faapefea le Atua?
Tali
O le mea e lelei ai, a o tatou taumafai e tali atu i lea fesili, o loo tele lava ala o loo tatou maua e mafai ona faamatala ma iloa ai le Atua! E matua manaomia le su'esu'e lelei o Mau mau le Upu, aua a leai le mana o le Tusi Paia, o lona uiga o nei upu uma e leai se eseesega ma le faamatalaina o mafaufaga o tagata; aua afai e aunoa ma le sapasapaia e le Upu e le o iai se tonu (Iopu 42:7). O le lelei ia o le tatou taumafai e malamalama i le Atua aua e matua tele lava lona taua! Aua afai tatou te le malamalama ia te Ia ona oo lea o i tatou i le tulaga o le faatuina mai, pe tuliloa foi, ma tapua'i i ni atua 'ese e le tusa ai ma Lona finagalo (Esoto 20:3-5).
E na o mea o loo filifilia e le Atua e uiga ia te Ia Na te faaalia mai i tagata. O le isi uiga poo le masani a le Atua o le "malamalama", o lona uiga o Ia lava Na te faaalia mai mea e uiga ia te Ia lava (Isaia 60:19, Iakopo 1:17). Ua faaalia mai e le Atua le poto e uiga ia te Ia e le tatau ona tatou faatalale iai, ne'i iai se tasi o i tatou e faaleo'o i Lona malologa (Eperu 4:1). O le Foafoaga, le Tusi Paia, ma le Upu a le Atua ua liu tino tagata (Iesu Keriso) e fesoasoani e faaali mai ia te i tatou uiga o le Atua.
Tatou amata i lo tatou malamalamaga o le Atua na faia i tatou ma o i tatou o se vaega o Ana galuega (Kenese 1:1; Salamo 24:1). Na fetalai le Atua o Ia na faia i tatou i Lona lava faatusa. E sili atu le tagata nai lo isi lava mea na faia e le Atua ma ua Ia avatu iai le pule i mea uma (Kenese 1:26-28). Ua faaletonu galuega na faia e le Atua ina ua "pa'u le ulua'i tagata" ae o loo vaaia pea lava ana galuega (Kenese 3:17-18; Roma 1:19-20). A tatou manatunatu i le tele o galuega na faia, le faigata, le mata'utia, atoa ma le faagasologa o mea uma, ona tatou iloa ai lea iina le matua ofoofogia o le Atua.
I le faitauina o niisi Suafa o le Atua tatou te maua ai se tasi vaaiga manino i uiga o le Atua. O uiga nei o isi Ona Suafa:
Elohim (Eloi) -- o Le e malosi, o le Agaga (Kenese 1:1)
Adonai -- O le Alii, O le Matai i se mafutaga faale auauna (Esoto 4:10,13)
El Elyon -- O le Atua Silisili Ese, e Ona le lagi ma le lalolagi (Kenese 14:20)
El Roi -- O Le Atua, o Le ua Faaali Mai (Kenese 16:13)
El Shaddai -- O le Atua e ou le Malosi uma lava (Kenese 17:1)
El Olam -- O le Atua o le Vavau (Isaia 40:28)
Yahweh (Ieova) – O A'u o Le Ola, o loo Ola lava (Esoto 3:13,14).
Tatou vailiili atili niisi uiga o le Atua: O le Atua o le faavavau, o lona uiga e leai sona amataga ma e leai foi se mea e gata mai ai o Ia. O Ia o Le o soifua pea lava, o Le e le o vaaia, (Teuteronome 33:27); Salamo 90:2; I Timoteo 1:17). O le Atua e le liliu, o lona uiga e le suia o Ia; o le Atua e matua faamoemoeina ma e le tala pepelo o Ia (Malaki 3:6; Numera 23:19; Salamo 102:26,27). E leai se e tusa ma le Atua, o lona uiga e leai se tasi e pei o Ia i Ana galuega atoa uma ma Ona uiga; E leai lava so le vao atua e tusa ma Ia ma e atoatoa ona lelei o Ia (2 Samuel 7:22; Salamo 86:8; Isaia 40:25; Mataio 5:48). E le masuesueina Le mafaufau o le Atua, o lona uiga e le mafai e se tasi ona suesueina Lona silisili ese, e le masuesueina ana faamasinoga, ma e le mafai foi ona iloa Ona ala (Isaia 40:28; Salamo 145:3; Roma 11:33,34).
O le Atua o le amiotonu ma le amio sa'o lava Ia, o lona uiga e ke faailogaina tagata e le Atua (Teuteronome 32:4; Salamo 18:30; Galuega 10:34). O le Atua Na te mafaia mea uma, o lona uiga e ona le malosi uma lava; e le faigata foi ia te Ia se mea e tasi ae o Ana gaoioiga uma e laina tutusa ma Lona lava Natura (Faaaliga 19:6; Ieremia 32:17,27). (Salamo 139:1-5; Faataoto 5:21).
E toatasi lava le Atua, o lona uiga e le gata ina leai o se tasi e pei o Ia, ae na o Ia lava e mafai ona faafeiloaiina moomooga ma mana'oga loloto o i o tatou loto, ma e Na o Ia e tatau iai la tatou tapua'iga atoatoa (Teuteronome 6:4). E amiotonu le Atua, o lona uiga e le sosopo atu le Atua i luga a'e o a tatou amioletonu ona o Lana amiotonu, aua e tonu Lana faamasinoga. Ae na mafua ona oo Iesu i le faamasinoga ina ia magalo a tatou agasala sa faaeeina i Ona luga (Esoto 9:27; Mataio 27:45-46; Roma 3:21-26).
O le Atua o le Tupu, o lona uiga e silisili ona maualuga o Ia; o le aofa'iga tuufaatasi foi o Ana galuega uma, poo le iloa poo le leai foi o se malamalamaga, e faataunuuina ai lava i nei mea uma manatu o Lona lava Finagalo (Salamo 93:1; 95:3; Ieremia 23:20). O le Atua o le Agaga, o lona uiga e le'i vaaia lava le Atua e se tasi (Ioane 1:18; 4:24). O le Atua e Tolutasi, o lona uig e tolu ae Tasi lava Ia, o le Agaga e Tasi, e tutusa foi i le mana ma le mamalu. Taga'i i le Tusi ma le fuaiupu lea o loo i lalo, e tasi lava le Suafa ae e tusa lava ona Peresona nei e tolu--"Tama, Alo, Agaga Paia (Mataio 28:19; Mareko 1:9-11). O le Atua o le Upu Moni, o lona uiga e molimau ia te Ia mea uma na Ia faia, E leai se agasala ia te Ia, ma e le pepelo foi (Salamo 117:2; I Samuelu 15:29).
E paia le Atua, o lona uiga o loo tuueseeseina o Ia mai mea a le tino agasala aua e inoino iai o Ia. E silafia e le Atua mea leaga uma ma e toasa ai foi o Ia; o le afi ua ta'ua i le Tusi Paia e laina tutusa ma le olaga ua paia. O loo ta'ua foi faapea o le Atua o le afi e maamaai o Ia (Isaia 6:3; Sapakuka 1:13; Esoto 3:2,4,5; Eperu 12:29). E alofa le Atua--e aofia uma ai iina Lona agalelei, agaalofa, alofa mutimutivale, ma alofa e le uma -- o upu nei o loo tatou vaaia ai le felanulanu'ese o vaega o Lona alofa naunau. Ana leai le alofa tunoa o le Atua, e foliga mai i isi Ona uiga, ua aveesea i tatou ma Ia. Ae o se mea e faafetai ai, e le o faapea, aua o loo naunau lava Ia e iloa ma mafuta ia i tatou taitoatasi (Esoto 34:6; Salamo 31:19; I Peteru 1:3; Ioane 3:16; Ioane 17:3).
Ua na o sina tala otooto lena e tali ai se fesili ua tutusa lelei ma le Atua lona tele. Ae o le naunauta'iga atoa ina ia matua faaosofia se olioli tele ia te oe e sailiili ma mulimuli ia Iesu Keriso (Ieremia 29:13).
English
O a uiga o le Atua? E faapefea le Atua?