Fesili
O le a le aoaoga a le Tusi Paia i feusua'iga o loo faia i le va o tamaloloa i tamaloloa ma fafine i fafine? E agasala i latou o loo faia tulaga faapenei?
Tali
O loo aoao pea mai e le Tusi Paia ia te i tatou, o le agasala le feusua'i o tamaloloa i tamaloloa faapea foi fafine i fafine. Ua manino lelei mai le aoaoga o loo faapea i le Roma 1:26-27 o le o loo faia lea tulaga o loo matua fulitua ma ua le usita'i i le Atua. A oo ina fai pea le agasala e le tagata ma ua le talitonu, fai mai le Tusi Paia ua "tuuina atu i latou" e le Atua i manaoga e masiasi ma aliali ai lo latou mataga, ma ua leai ai ma se faamoemoe ina ua aunoa le olaga ma le Atua. I le I Korinito 6:9 o loo ta'utino mai ai e faapea o e amio leaga "e iai ma le vaega lea" e le fai mo latou tofi le malo o le Atua.
E le'i faia e le Atua se tagata e tu'u iai ni mana'oga faapenei. O loo ta'utino mai le Tusi Paia o amioga mataga faapea e mafua ona o le agasala (Roma 1:24-27), atoa ma le filifiliga a le tagata lava ia. E mafai ona fanau mai se tasi ma sona mana'o tele i lea ituaiga tuinanau, e pei lava o nai isi tagata ua fananau mai o loo mana'o ia femisa'i ma fai foi isi ituaiga agasala. Ae e le faasaoina ai lava le tagata ua filifili i le agasala ma ua gaua'i lona loto i tu'inanau o le agasala. Afai e fanau mai se tasi o loo matua tu'inanau i le ita / lotoa, o se mea amiotonu ea le tuuina atu e lea tagata lona lava tino ina ia faataunuuina ai lea tu'inanau? E leai, leai lava! E faapena foi le tu'inanau o le feusua'i o le tamaloa i le tamaloa ma le fafine i le fafine.
O lea, e le o faamatalaina mai e le Tusi Paia faapea e "sili atu" le leaga o le tu'inanau o le tamaloa i le tamaloa poo le fafine i le fafine i se isi lava agasala. O agasala uma e faasagatau i le Atua. O le tu'inanau o le tasi tamaloa i le tasi tamaloa poo se fafine foi i le isi fafine, o le isi lea tulaga o loo ta'ua i le I Korinito 6:9-10 e le ulufale ai le tagata i le malo o le Atua. E tusa ma le Tusi Paia, O le faamagaloga a le Atua e avanoa mo se tasi e faia lea ituaiga amio, aua e leai lava se eseesega ma le ua faitaaga, ifo i tupua, fasioti tagata, gaoi, ma isi agasala faapena. O loo folafolaina mai foi e le Atua le malosiaga e manumalo ai i le agasala, e aofia ai ma feusua'iga o loo ta'ua i luga, mo i latou uma lava o e talitonu ia Iesu Keriso mo le latou faaolaina (I Korinito 6:11; 2 Korinito 5:17).
English
O le a le aoaoga a le Tusi Paia i feusua'iga o loo faia i le va o tamaloloa i tamaloloa ma fafine i fafine? E agasala i latou o loo faia tulaga faapenei?