settings icon
share icon
Fesili

O ai le ava a Kaino?

Tali


E le o manino lelei mai le Tusi Paia poo ai na fai ava iai Kaino. E pau le tali e mafai ona maua i le taimi nei, afai e le o sona lava tuafafine na la nonofo, masalo poo se afafine o sona uso, poo se tama a lona tuafafine; o se mea faapena. E le o tusia foi i le Tusi Paia tausaga o Kaino i le taimi na ia fasiotia ai Apelu (Kenese 4:8). Ae taluai ona o i la'ua o tagata galulue fanua, e le taumate ua tagata matutua ma ua fai aiga foi. O le mea moni, sa iai isi fanau a Atamu ma Eva i le taimi na fasiotia ai Apelu -- ma e iai foi a la fanau na fananau mulimuli ane (Kenese 5:4). Ile ma lea, na mata'u Kaino ne'i fasioti o ia e se tasi ona ua ia fasiotia Apelu (Kenese 4:14), ma e faailoa mai ai iina le iai o niisi mau fanau--ma fanau-a-fanau--poo nai isi foi tupulaga a Atamu ma Eva i lea taimi. O le ava la a Kaino (Kenese 4:17) e mata o se afafine na fanau mai ia Atamu ma Eva poo se tama a se tasi o a la fanau.

Taluai ona o Atamu ma Eva o ulua'i tagata ma sa leai niisi matua sa iai i lea taimi i le lalolagi, sa leai niisi e filifili ai ni ta'ito'alua o le la fanau ma o le talitonuga, sa fenofoa'i loa i latou. E le'i faasaina e le Atua ni fenofoa'iga faapea i totonu o aiga i lea taimi, se'i vagana luma mai ina ua faatagataina le lalolagi ma ua leai se toe mafua'aga e faia ai lea tulaga. O le mafua'aga e tutupu ai feusua'iga e le tatau, ona ua iai se faaletonu tupito i le va o tagata matutua e toalua (o le tuagane ma le tuafafine) ma ua o'o ina fananau mai a latou fanau. O nei tulaga e mafua ona o matua o nei fanau o e sa mua'i a'afia i le tulaga lava lea e tasi. Afai e iai ni tagata e o mai mai aiga eseese ma ua fananau -- e iai le avanoa e le maua ai se faaletonu i o laua totoga. Ua iai se faaletonu tele i totoga o le tagata ma ua faateleina ai le "leaga" i le gasologa o seneturi a o faaopoopoina pea le leaga ma ua faateleina, faalauteleina, ma faasolo mai i lalo i lea tupulaga ma lea tupulaga. E le'i afaina totoga o Atamu ma Eva, ma o lea na ola lelei ai le ulua'i tupulaga e sili atu nai lo le soifua maloloina o tupulaga i nei ona po. O fanau a Atamu ma Eva sa le tele--pe afai na iai--ni totoga faaletonu. O lea, sa leai se afaina o le fenofoa'i o e na tupuga mai ia te i laua. E foliga o se amio faaletaupulea pe afai tatou te manatu ia Kaino ma lana ava, o lona ia lava tuafafine. Ae i le amataga, ina ua amata le lalolagi e le Atua i le tamaloa ma le fafine e toatasi, o le tupulaga lona lua e le'i iai se isi tupulaga e filifili mai ai ni ta'itoalua ma o le mafua'aga lena ua fenofoa'i ai i latou.

English



Toe taga'i i le itulau ua faaliliuina i le gagana Samoa

O ai le ava a Kaino?
© Copyright Got Questions Ministries